Jeremaia 30:16 - Chuukese Bible

¹⁶ Nge iei chokewe meinisin mi arosakemiila repwe pwal rosola, ekewe chon ü ngenikemi meinisin repwe oola, chokewe mi ariaföüükemi repwe riaföü, nge chokewe mi angei pisekimi fän pöchökül, aramas repwe pwal angei pisekir fän pöchökül.

Jeremaia 30:16 Iomraidhean Croise

Kölfel 129:5

Amwo meinisin mi oput Sion repwe timär fän säw.

Ekistos 23:22

Nge are oupwe aüselingafichi alon o föri meinisin mine üa apasa, üpwe oput chon oputemi o ü ngeni chon ü ngenikemi.

Än Salomon Fos 22:23

pun ewe Samol mi Lapalap epwe peniir o ariaföüü chokewe mi ariaföüür.

Aisea 14:2

Iwe, aramasen chomong mwü repwe aliwinala chon Israel ngeni poputän fanüer. Nge chon Israel repwe nöüniir chon angang mwän me chon angang fefin lon ewe fanü ewe Samol mi Lapalap a ngeniir. Repwe liapenala chokewe ra liapeniir me mwan, nge repwe nemeni chokewe ra nemeniir me lom fän pöchökül.

Aisea 33:1

Feiengauom, en chon kata, en kosamwo püsin tala. Feiengauom, chon atuputup mi afeiengau, nge esamwo wor eman a atupuk. Wesin om kata kopwe püsin tala, nge wesin om angangen atuputup mi afeiengau kopwe püsin tup o feiengau.

Aisea 54:15

Are eman epwe fiu ngonuk, kopwe silei pwe esap pop seniei. Nge iö a fiu ngonuk, epwe kuf reöm.

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Jeremaia 10:25

Nge kopwe atoto om song won chon ekewe mwü resap sileek, pwal won ekewe aramas resap köri itom. Pun ra niela noum aramas, ra wesewesen nirela o ataela fanüer.

Jeremaia 12:14

Iwe, ewe Samol mi Lapalap a apasa, “Mi wor mine üa mochen apasa fän äsengesin chon arun Israel mi atai ewe fanü üa ngeni nei aramasen Israel pwe fanüer. Ngang üpwe ütti ekei aramasangau seni fanüer, usun eman a üttätä efoch irä. Nge üpwe amanaua chon Juta seni lepöür.

Jeremaia 2:3

Israel, en ka pin fän itei, ngang echök üa nöünuk. Chokewe meinisin mi afeiengauok üa ariaföüür o afeiengaueer. Ngang ewe Samol mi Lapalap üa kapas.”

Jeremaia 25:12

Iwe, wesin ekewe fik ier, üpwe apwüngü ewe kingen Papilon me chon mwün fän iten ar tipis. Üpwe ataela fanüer pwe fanüer epwe pönüla tori feilfeilachök. Ngang ewe Samol mi Lapalap üa kapas.

Jeremaia 30:15

Pwota oua siö ren ämi feiengau? Ämi metek esap tongeni moela. Üa föri ngenikemi ekei föför, pokiten chomungun ämi kewe föföringau me watten ämi kewe tipis.

Jeremaia 50:28

Oupwe rongorong pworausen ekewe choisä me chokewe mi süla seni Papilon. Ra feito Sion o asilefeili usun ewe Samol mi Lapalap ach we Kot a ngeni chon Papilon chappen ar föför ngeni imwan imwenfel

Jeremaia 8:16

Ekewe chon oputakich ra fen feito ren ewe telinimw Tan. Sia rongorong tikin nöür oris. Unusen ewe fanü a chech ren tikin nöür kewe oris mi pöchökül. Ekewe chon oputakich ra feito pwe repwe ataela fanüach me masouan meinisin, repwe pwal ataela ach kewe telinimw o niela meinisin mi imweimw lor.”

Kölün kechü 1:21

Aramas ra rongorong ai ngüngü, nge esap wor eman a achipaei. Chon oputaei meinisin ra rongorong usun ai kewe feiengau. Ra pwapwa pwe ka föri iei usun ngeniei. Kopwe awarato ewe rän ka fen pwonei, pwe chon oputaei repwe wewe ngeniei lon ai riaföü.

Kölün kechü 1:22

Ar kewe föför mi ngau repwe nom fän mesom. Kopwe apwüngüür usun ka apwüngüei pokiten ai kewe tipis meinisin. Üa ngüngü fän chomong, lelukei a apwangapwang.”

Isikiel 29:6

Mürin, ekewe chon Isip meinisin repwe silei pwe ngang ewe Samol mi Lapalap. Iwe, ka apwangapwang usun chök efoch liwo me ren chon Israel.

Isikiel 35:5

Iwe, fansoun langatam ka chou ngeni chon Israel o oputeer, ka pwal asechirela pwe repwe mäla ren ketilas lon fansoun ar feiengau, lupwen ra tolong lon apwüngün lesopolan.

Sowel 3:8

Iwe, üpwe amömöla nöümi kewe mwän me fefin ngeni chon Juta, nge chon Juta repwe amömörela ngeni chon Sepa mi nom lon fanü toau. Ngang ewe Samol mi Lapalap üa kapas.

Mika 4:11

Nge iei chomong mwü ra mwichefengen pwe repwe maun ngenikemi. Ra apasa, “Jerusalem epwe fokun tala. Mesach epwe pwapwa le katol tatakisin Sion.”

Mika 7:10

Mürin chon oputaei repwe küna mine a fis o fokun säw, ir chokewe mi aisiniei, “Ifa i ewe Samol mi Lapalap om we Kot?” Üpwe küna ar kuf me än aramas puriir usun ar puri pwakaken won ekewe al.

Nahum 1:8

Nge epwe arosala chokewe mi ü ngeni ren eu lölö mi pumong, epwe asüelong chon oputan lon rochopwak.

Apakuk 2:16

Iei kopwe pwölüla ren säw, nge sap ren ling. Kopwe püsin ün o taroporopfetal. Ewe Samol mi Lapalap epwe aünü ngonuk püsin om kapen feiengau, nge om ling epwe wiliti säw.

Sefanaia 2:8

Iei alon ewe Samol mi Unusen Manaman, ewe Koten Israel, “Üa rongorong än chon Moap kapasen turunufas me än chon Amon kapasen ämängau usun nei aramas. Ra tunosikesik pwe repwe liapeni fanüer.

Sekaraia 1:14

Mürin, ewe chon läng a üreniei pwe üpwe asilefeili alon ewe Samol mi Unusen Manaman, ‘Ngang üa fokun echeni o ekimongei Jerusalem me Sion.

Sekaraia 1:15

Nge üa fokun song ngeni chon ekewe mwü mi nom fän kinamwe. Pun lupwen üa ekis song ngeni nei aramas, ir ra alapala ar afeiengaueer.

Sekaraia 12:2

“Nengeni, üpwe föri pwe Jerusalem epwe usun chök eu kapen wain. Chon ekewe mwü mi nom ünükün repwe ün seni o taroporop. Lupwen repwe pwelifeili Jerusalem fän pisekin maun, repwe pwal pwelifeili ekewe telinimwen Juta.

Sekaraia 14:2

Pun ewe Samol mi Lapalap epwe achufengeni chon ekewe mwü meinisin, pwe repwe feila Jerusalem o maun ngeni. Iwe, ewe telinimw epwe oola, repwe soläni pisekin lon ekewe imw o achomanauei ekewe fefin. Esopun chon ewe telinimw repwe oola, nge ekewe lusun aramas resap kärila seni lon ewe telinimw.

Sekaraia 2:12

Iwe, ewe Samol mi Lapalap epwe fanüeni Juta pwe lenian lon ewe fanü mi pin, epwe pwal filisefäli Jerusalem.

Sekaraia 2:8

Iwe, iei alon ewe Samol mi Unusen Manaman, a tiniei ren an ling ngeni chon ekewe mwü mi angei pisekimi fän pöchökül, pun chokewe mi atapakemi ra atapa fituken lon mesan,

Tuteronomi 30:7

Ewe Samol mi Lapalap ämi we Kot epwe anomu ekei anümamau meinisin won chon oputemi mi ariaföüükemi.

Pwärätä 13:10

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.

1. Samuel 17:53

Lupwen ekewe re Israel ra liwinto seni ar tapweri ekewe re Filistia, ra angei ekewe pisek mi nom lon ewe lenien sounfiun Filistia.