Jeremaia 30:11 - Chuukese Bible

¹¹ Iwe, ngang üpwe etikemi o amanauakemi. Üpwe fokun arosala chon ekewe mwü ia üa atoropasakemi ie, nge ämi üsap fokun arosakemiila. Üsap likiti ai üpwe apwüngükemi, nge lupwen üpwe apwüngükemi, üpwe apwüngükemi fän aüküköch. Ngang ewe Samol mi Lapalap üa kapas.”

Jeremaia 30:11 Iomraidhean Croise

2. Samuel 24:12

“Kopwe feila o üreni Tafit pwe iei aloi ngang ewe Samol mi Lapalap. Ülüngat mettoch üa uwato reöm. Kopwe filätä eu me leir pwe üpwe föri ngonuk.”

Kölfel 6:1

Ai Samol mi Lapalap, kosap amiritiei lon om song, kosap pwal apwüngüei lon om lingeringer.

Ekistos 34:7

Üa eäni tong ngeni ngeröü o amusala föföringau me pupungau me tipis. Nge üsap amusafatei chon tipis, pwe üa liwini än samasam tipis won nöür me nöün nöür tori aülüngatin me arüanün tettelin aramas.”

Aisea 43:25

Ngang, ngang chök ewe Kot mi amoela om pupungau fän püsin itei, nge üsap chüen chechemeni om tipis kana.

Aisea 8:10

Oupwe pwüngüpwüngfengen, nge ousap fokun pwäk ngeni och. Oupwe pwal apwüngala och, nge esap fokun fis, pun Kot ailem.

Jeremaia 1:19

Ir repwe maun ngonuk, nge resap tongeni akufuk, pun ngang üa etuk pwe üpwe tümwünuk. Ngang ewe Samol mi Lapalap üa kapas.”

Jeremaia 1:8

Kosap niuokusitiir, pun ngang üpwe etuk o tümwünuk. Ngang ewe Samol mi Lapalap üa kapas.”

Jeremaia 10:24

Ai Samol mi Lapalap, kopwe apwüngüei fän aüküköch, nge kosap apwüngüei fän om song, pwe ete much manauei.

Jeremaia 15:20

Iwe, üpwe föri pwe kopwe wewe ngeni eu tit mi pöchökül seni piras ngeni ekei aramas. Ir repwe fiu ngonuk, nge resap tongeni akufuk, pun ngang üa etuk pwe üpwe amanauok o angasok.

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Jeremaia 5:18

Iei alon ewe Samol mi Lapalap, “Nge lon ena fansoun üsap pwal unusen arosala nei aramas.

Kölün kechü 3:22

Än ewe Samol mi Lapalap tong ellet esap fokun ükütiu, an ümöümöch esap fokun wesila.

Isikiel 11:13

Iwe, lupwen üa osuni, a fis pwe Pelatia nöün Penaia we a mäla. Iwe, üa chapetiu lepwül o kökkö fän leüömong, “Ai Kot Samol mi Lapalap. Ifa usun, ka ekiekin arosala ekewe lusun mi chüen manau lon Israel?”

Isikiel 6:8

Nge üpwe amanaua ekoch leimi. Ir repwe sü seni ewe män feiengau o toropasfeil lein chon ekewe mwün fanüfan.

Osea 11:9

Üsap apwüngükemi ren ai song mi fokun watte, üsap ataasefäli Israel. Pun ngang Kot, nge sap eman aramas. Ngang Ewe mi Pin mi nom leimi. Üsap feito pwe üpwe kata.

Lifitikos 26:44

Nge inamwo are ra nom lon fanüen chon oputer, üsap likitirela, üsap pwal oputeer. Iei mine üsap fokun aroserela o atai ai pwon ngeniir. Pun ngang ewe Samol mi Lapalap ar we Kot.

Mateus 1:23

“Nengeni, eman föpwül epwe pwopwo o nöüni eman ät, repwe aita ngeni Imanuel, wewen ‘Kot a nonom rech.’”

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Föför 18:10

pun ngang üpwe etuk. Esap wor eman epwe tongeni afeiengauok, pun a wor chomong nei aramas lon ei telinimw.”

Tuteronomi 4:31

Pun ewe Samol mi Lapalap ämi we Kot eman Kot mi eäni ümöümöch, esap likitikemi ika nikemi, esap pwal manlükala an pwon fän akapel ngeni ämi kewe lewo.

2. Timoty 4:22

Ach Samol epwe eti ngünum. Än Kot ümöümöch epwe nonom remi meinisin.