Jeremaia 30:10 - Chuukese Bible

¹⁰ Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Jeremaia 30:10 Iomraidhean Croise

Keneses 15:1

Iwe, wesin ewe maun ewe Samol mi Lapalap a kapas ngeni Apram lon künaan, “Kosap niuokus Apram. Ngang tittum, nge liwinum epwe fokun watte.”

Aisea 14:3

Lupwen ewe Samol mi Lapalap epwe angasakemi seni ämi riaföü me fitikoko me angang weires ra achouu ngenikemi,

Aisea 35:9

Iwe, esap wor laion won ewe al, esap pwal wor manmwacho repwe tolong lon. Nge chokewe chök mi küna manau repwe fetal won.

Aisea 43:5

Kosap niuokus, pun ngang üpwe etuk. Üpwe aliwinato mwirimwirum kewe seni ötiu me lotou o achufengenikemi.

Aisea 44:1

Iwe, ewe Samol mi Lapalap a apasa, “Iei kopwe aüseling, Israel nei chon angang, en nei üa afiluk.

Aisea 44:2

Ngang ewe Samol mi Lapalap üa föruk o afisuk me lon letipen inom, üa pwal alisuk. Kosap niuokus, Israel nei chon angang, Jesurun nei we üa filätä.

Aisea 46:11

Üa kökköri eman mwän seni ewe fanü ötiu, epwe feito usun eman machang mi mwacho o apwönüetä ai ekiek. Ngang üa apasätä, üpwe pwal afisätä. Üa ekiekietä, üpwe pwal apwönüetä.

Aisea 46:13

Ngang üpwe akanato ewe ränin ai üpwe angasakemi, esap chüen toau, nge üsap fokun mang le amanauakemi. Iwe, üpwe amanaua Sion o pwärätä ngeni Israel ai ling.”

Aisea 49:12

Nengeni, nei aramas repwe feito seni toau, ekoch seni efeng me lotou, nge ekoch seni ewe telinimw Aswan mi nom ör.”

Aisea 49:25

Nge iei mine ewe Samol mi Lapalap a apasa, “Ewer, ekewe chon fötek repwe ngasala seni lepöün eman sounfiu mi pwora, nge eman a tongeni angei seni eman chon mwänewüs mine a liapeni. Pun ngang üpwe fiu ngeni chokewe ra fiu ngonuk, üpwe pwal amanaua noum kana.

Aisea 54:4

Kosap niuokus, pun kosap säw. Kosap niueiti itengau, pun kosap küna turunufas. Iwe, kopwe manlükala om säw ka eäni lupwen fansoun om föpwül, nge kosap chüen chechemeni om itengau lupwen fansoun om lipichsefäl.

Jeremaia 23:3

Nge üpwe achufengeni chokewe mi chüen manau me lein nei aramas seni ekewe fanü meinisin ia üa asürela ie. Üpwe emwenisefälireto ngeni lenier, repwe nöünöütiu o chomongola.

Jeremaia 23:4

Üpwe awisa chon nemenem repwe tümwünüür. Resap chüen niuokus ika rükö, esap pwal wor eman epwe malechela. Ngang ewe Samol mi Lapalap üa kapas.”

Jeremaia 23:6

Lon ränin manauan, chon Juta repwe küna manau, nge chon Israel repwe nom fän kinamwe. Iwe, iei ewe it epwe iteni, ‘Ewe Samol mi Lapalap ach pwüng.’”

Jeremaia 23:8

nge repwe eäni ei akapel, ‘Mwo manauen ewe Samol mi Lapalap mi emwenawu ekewe mwirimwirin Israel seni ewe fanü efeng me ekewe fanü meinisin ia a asürela ie.’ Mürin repwe nom lon poputän fanüer.”

Jeremaia 29:11

Pun ngang üa silei mine üa ekieki ngenikemi. Üa ekieki feiöchümi, nge sap feiengauemi, pwe üpwe ngenikemi eu fansounöch me apilükülük.

Jeremaia 29:14

Ewer, üa apasa pwe oupwe künaei, nge ngang üpwe aliwinisefälikemi ngeni fanüemi. Üpwe achufengenikemi seni ekewe mwü me ekewe leni meinisin ia üa atoropasakemiila ie o aliwinisefälikemi seni ewe leni ia üa tinikemiila ie pwe oupwe oola. Ngang ewe Samol mi Lapalap üa kapas.’

Jeremaia 3:18

Lon ekana rän chon Juta me chon Israel repwe chufengen, repwe feitopök seni ewe fanü efeng ia ra oola ie, o liwinla ngeni ewe fanü üa ngeni ämi kewe lewo, pwe repwe fanüeni.’”

Jeremaia 30:3

Pun epwe war ewe fansoun pwe ngang üpwe aliwinisefäli nei aramasen Israel me Juta o aliwinireto ngeni ewe fanü üa ngeni ar kewe lewo pwe repwe fanüeni. Ngang ewe Samol mi Lapalap üa kapas.”

Jeremaia 30:7

Eu rän mi fokun eniuokus epwe war, esap wor eu rän usun chök ei. Epwe eu fansoun riaföü fän iten ekewe mwirimwirin Jakop, nge ir repwe ngasewu seni.”

Jeremaia 33:16

Lon ena fansoun chon Juta me chon Jerusalem repwe küna manau o nonom fän kinamwe. Iwe, ewe telinimw epwe iteni ‘Ewe Samol mi Lapalap ach pwüng.’

Isikiel 16:52

Iei kopwe püsin uwei om itengau, en mi apwüngü pwiüm kewe me lom. Pun om tipis a anioput seni ar tipis, iei mine ra usun chök pwe ra pwüng me lükum. Ewer, kopwe säw o uwei om itengau, pun ren om föför ka föri pwe pwiüm kewe ra usun chök chon pwüng.

Isikiel 38:11

Iwe, kopwe apasa, ‘Üpwe töpworalong lon eu fanü esap tit, üpwe pwal maun ngeni aramas mi imweimw fän kinamwe lon ekewe telinimw esap wor tittir me asamalaper me lokkur.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Osea 2:18

Lon ena fansoun üpwe eäni eu pwon ngeni ekewe manmwachon lemäl, ekewe machang me ekewe mantötö, pwe resap afeiengaua nei aramas. Üpwe kupi ewe esefich me ewe ketilas o aükätiu maun me lon ewe fanü. Üpwe föri pwe nei aramas repwe nom fän kinamwe.

Osea 2:20

Üpwe pwülüenuk fän allükülük, nge en kopwe silei pwe ngang ewe Samol mi Lapalap.”

Osea 6:11

Nge ämi chon Juta, üa pwal filätä eu fansoun apwüng fän itemi pokiten ämi kewe föför.”

Sowel 2:21

Ewe fanü epwe öchsefäl o ämärätä sokopaten irä mi ua, pun ewe Samol mi Lapalap a föri mettoch mi amwarar.

Mika 4:9

Pwota ka leüömong le puchör? Ifa usun, esap wor eman king a nom reöm? Ifa usun, ra mäla noum kewe chon öüröür, iei popun cheuch a cheruk usun cheuchen fam a cheri eman fefin?

Sekaraia 3:10

Lon ewe fansoun iteiten eman me eman me leimi epwe kökkörato chon arun pwe epwe mot ren fän an irän wain me an irä fik fän kinamwe, iei alon ewe Samol mi Unusen Manaman.”

Johannes 12:15

“Ousap niuokus, ämi aramasen Sion. Nengeni, ämi we king a feito, a wawa eman nienifön aas.”