Jeremaia 3:8 - Chuukese Bible

⁸ Ra pwal küna pwe üa pöütala Israel, usun eman mwän a pöütala pwülüan. Üa tinirela pokiten ra kirikiringau ngeniei ren ar fel ngeni pwal ekoch kot. Nge ekewe chon Juta mi kirikiringau resap niuokus. Ra pwal föri ei sokun föför,

Jeremaia 3:8 Iomraidhean Croise

2. Kronika 21:11

Jehoram a pwal mwo nge föri lenien fel ngeni ekewe uluulun anümwäl won chukuchukutän ewe fanü Juta o emweni ekewe chon Jerusalem me chon Juta ngeni tipis, pwe ra kul seni Kot.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 3:1

Iei alon ewe Samol mi Lapalap, “Are eman mwän a pöütala pwülüan, nge neminewe a feila o pwüpwülü ngeni pwal eman, ifa usun, ätewe epwe tongeni pwülüenisefäli neminewe? Ifa usun, ewe fanü esap fokun limengau ren? Nge en, Israel, a wor chomong noum kamwet. Ifa usun, kopwe chüen tongeni liwinitiei?

Jeremaia 33:24

“Ifa usun, kosap rongorong än ekei aramas apasa pwe ngang ewe Samol mi Lapalap üa pöütala Israel me Juta, ekewe ruu mwü üa fen filiretä? Iei usun ra turunufasei nei aramas, pwe resap chüen ekieki pwe ir eu mwü.

Jeremaia 5:7

Iei alon ewe Samol mi Lapalap, “Pwota üpwe amusala ämi tipis? Nöümi kewe ra likitieila o fel ngeni pwal ekoch kot resap wesewesen Kot. Ngang üa amongöör tori ra fokun mötüla, nge ir ra föri föförün lisowu o feila ren imwen ekewe fin lisowu.

Isikiel 16:46

Pwiüm we watte a iteni Samaria, a nom efeng me wisoposopun kewe. Nge pwiüm we kükün a iteni Sotom, a nom ör me wisoposopun kewe.

Isikiel 16:47

Nge en kosap chök fetal lon ipwer, kosap pwal chök apirü ar kewe föför mi anioput. Pwe mürin ekis chök fansoun ka alapala om föföringau lap seniir.

Isikiel 16:51

Samaria esap föri esopun om tipis. En ka föri chomong föför mi anioput lap seni. Iei popun pwiüm kewe ra usun chök chon pwüng pokiten chomongun om föför mi anioput.

Isikiel 23:44

Iwe, ekei mwän ra chök tolong ren usun ar tolong ren eman fefin mi amömö inisin fän iten lisowu. Iei usun ra tolong ren Ohola me Oholipa, ekewe fefin mi mocheisou.

Isikiel 23:9

Iei mine üa asechala ngeni nöün kewe kamwet, ir ekewe chon Asiria neminewe a mocheisou ngeniir.

Osea 3:4

Iei usun chon Israel repwe nonom fansoun langatam, nge esap wor ar king ika nöür samol, resap asor, esap pwal wor ar ür mi pin, ar uluulun anümwäl me ar uluulun anün leimw.

Tuteronomi 24:1

“Iwe, are eman mwän a pwülüeni eman fefin, nge mürin esap chüen sani, pun a küna och ter me won, ätewe epwe makei echö toropwen mwüfesen. Iwe, epwe ngeni neminewe ewe toropwe o tinala seni imwan.

Tuteronomi 24:3

Nge are aruomanün pwülüan a pwal oput o makei echö toropwen mwüfesen, mürin a ngeni neminewe o tinala seni imwan, ika ewe aruomanün pwülüan a mäla,