Jeremaia 3:7 - Chuukese Bible

⁷ Iwe, ngang üa ekieki pwe mürin ar föför meinisin repwe liwinitiei. Nge resap liwinitiei. Nge ekewe chon Juta mi pwal kirikiringau ra küna ei.

Jeremaia 3:7 Iomraidhean Croise

2. Kronika 17:4

A angang ngeni än saman we Kot o aleasochisi an kewe allük, nge esap föri usun mine ekewe chon Israel ra föri.

Jeremaia 12:1

Ai Samol mi Lapalap, lupwen üa uwato ai osukosuk fän mesom, a pwä pwe en ka pwüng. Nge iei üa mochen pwe sipwe kakapasfengen won pwüngün kapwüng. Pwota ekewe aramasangau ra pisekisekila? Pwota chokewe meinisin resap allükülük ra fefeitä?

Jeremaia 33:24

“Ifa usun, kosap rongorong än ekei aramas apasa pwe ngang ewe Samol mi Lapalap üa pöütala Israel me Juta, ekewe ruu mwü üa fen filiretä? Iei usun ra turunufasei nei aramas, pwe resap chüen ekieki pwe ir eu mwü.

Jeremaia 5:11

Ekewe chon Israel me chon Juta ra fokun kirikiringau ngeniei. Ngang ewe Samol mi Lapalap üa kapas.”

Isikiel 16:46

Pwiüm we watte a iteni Samaria, a nom efeng me wisoposopun kewe. Nge pwiüm we kükün a iteni Sotom, a nom ör me wisoposopun kewe.

Isikiel 16:47

Nge en kosap chök fetal lon ipwer, kosap pwal chök apirü ar kewe föför mi anioput. Pwe mürin ekis chök fansoun ka alapala om föföringau lap seniir.

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Osea 14:1

Ämi chon Israel, oupwe liwiniti ewe Samol mi Lapalap ämi we Kot. Oua chepetek o turula pokiten ämi kewe tipis.

Amos 4:8

Iei mine aramasen ekoch telinimw ra feila ngeni pwal eu telinimw fän ar moror pwe repwe ün koluk, nge esap naf ngeniir. Iei mwo nge ämi ousap liwinto rei.

Malakai 2:11

Ekewe chon Juta ra atai ar pwon ngeni Kot o föri föför mi anioput lon Israel me Jerusalem. Ra apiningaua pinin än ewe Samol mi Lapalap leni mi pin a aücheani. Ra pwüpwülü ngeni föpwül mi fel ngeni ekewe koten ekis.