Jeremaia 3:5 - Chuukese Bible

⁵ Ifa usun, kopwe song fochofoch ngeniei? Ifa usun, kopwe lingeringeritiei tori feilfeilachök?’ Iei usun om kapas, nge ka chök föri ekewe föför mi ngau meinisin ka tongeni föri.”

Jeremaia 3:5 Iomraidhean Croise

2. Kronika 29:10

Iwe, iei ekiekin lelukei, pwe üpwe föri eu pwon ngeni ewe Samol mi Lapalap ewe Koten Israel, pwe esap chüen song ngenikich.

Kölfel 85:5

Ifa usun, kopwe song ngenikem tori feilfeilachök? Ifa usun, kopwe chök sopwela le song ngeni ekewe täppin aramas meinisin?

Kölfel 85:6

Kose mochen kopwe amanauasefälikem, pwe äm noum kewe aramas aipwe mwareituk.

Aisea 57:16

Iwe, üsap pälüeniir feilfeilachök, üsap pwal songeitiir fansoun meinisin. Pun are üpwe föri iei usun, ekewe aramas üa föriir repwe mäla, enienin ngasangaser üa awora epwe müchüla.

Aisea 64:9

Kosap fokun songomong ngenikem. Äm Samol mi Lapalap, kosap pwal chechemeni äm tipis tori feilfeilachök. Kose mochen kopwe nenengenikem, pun äm meinisin noum aramas.

Jeremaia 3:12

Kopwe feila o aronga ekei kapas ngeni chon Israel, ‘Oupwe liwinto, ämi chon Israel mi kirikiringau. Üsap chüen wowoon song ngenikemi, pun üa eäni ümöümöch, nge üsap song ngenikemi tori feilfeilachök.

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Jeremaia 8:6

Ngang üa afäli ämi kewe kapas o aüselingeer, nge ousap eäni kapas wenechar. Esap wor eman aramas a ekieksefäl seni an föföringau o apasa, ‘Pwota üa föri ei sokun föför mi mwäl?’ Iteiten eman me eman a chök fetal won püsin alan, usun eman oris mi purefochofocholong lon maun.

Isikiel 22:6

Nengeni, ekewe samolun Israel meinisin mi nom lon ei telinimw ra chök ekiekin aea ar nemenem pwe repwe nimanauei aramas.

Mika 2:1

Feiengauen chokewe mi ekiekietä mine a ngau o pwüngü rawangau me won kier. Lupwen a ränila, ra afisi mine ra ekieki, pun a nom rer ewe pöchökül ar repwe föri.

Mika 7:3

Ra fokun sipeöch le föri mine a ngau. Ekewe nöüwis me soukapwüng ra angei lifangen amichimich. Ekewe aramas tekia ra apasawu mochenin letiper, ir meinisin ra rawangaufengen.