Jeremaia 3:25 - Chuukese Bible

²⁵ Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 3:25 Iomraidhean Croise

Kölfel 106:6

Äm aia tipis usun chök äm kewe lewo. Äm aia föri föför mi ngau o apwönüetä föför esepwüng.

Kölfel 106:7

Lupwen äm kewe lewo ra nom lon Isip, resap ekieki än Kot kewe föför mi amwarar, resap pwal chechemeni an tong ellet mi lapalap, nge ra ü ngeni Ewe mi Unusen Tekia me arun ewe Setipar.

Kölfel 109:29

Amwo ekewe chon atipisiei repwe pwölüla ren itengau, repwe pwölüla ren püsin ar säw usun ra pwölüla fän echö üf.

Än Salomon Fos 13:18

Eman esap mochen rongorong kapasen fön epwe tolong lon wöüngau me itengau, nge ätewe mi aüseling ngeni kapasen emirit epwe iteüöch.

Än Salomon Fos 5:13

Üsap aüselinga alon nei kewe sense, üsap pwal aü selingei ngeni chokewe mi öüröüraei.

Aisea 48:8

Iwe, kosamwo rongorong ika weweiti ei, seni me lomlom selingom esap sukula. Pun üa fokun silei pwe kosap allükülük ngeniei, ka pwal iteni chon ü ngeniei seni leuputiuom.

Aisea 50:11

Nge ämi mi rawangauei chon arumi pwe repwe feiengau, oupwe püsin feiengau ren ämi rawangau. Iei usun mine ewe Samol mi Lapalap epwe föri ngenikemi. Epwe atolongakemi lon riaföü.

Jeremaia 11:13

Ämi chon Juta, ämi kewe kot ra chomong usun chomongun ämi kewe telinimw, nge ämi kewe rongen asor oua senätä pwe oupwe keni apach mi pwokus wor ngeni ewe anü Paal mi anioput ra chomong usun chomongun ekewe alen Jerusalem.

Jeremaia 12:13

Ra amwora föün wiich, nge ra kini iräfölüföl, ra olusumwäliir le angang, nge esap wor lomotan. Repwe säw ren mine ra kini pokiten ai song mi watte.”

Jeremaia 14:20

Äm Samol mi Lapalap, äm aia tipis ngonuk. Aia pwärätä äm föföringau me än äm kewe lewo föföringau.

Jeremaia 14:7

Nei aramas ra siö ngeniei o apasa, ‘Äm Samol mi Lapalap, kopwe alisikem usun ka pwon ngenikem, inamwo ika äm föföringau ra atipisikem. Ellet, äm aia tokola fän chomong o tipis ngonuk.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 2:2

pwe üpwe feila o aronga ngeni chon Jerusalem alon, “Israel, üa chechemeni om angangöch ngeniei leföpwülum we, pwal om echeniei, lupwen sa kärän pwüpwülü. Üa chechemeni usun om etifeiliei lon ewe fanüapö, lon eu fanü esap wor eman a fofot ie.

Jeremaia 2:26

Usun eman chon solä a itengau lupwen a oo, iei usun ämi chon Israel oupwe itengau: Ämi me ämi kewe king, pwal nöümi kewe nöüwis, nöümi kewe souasor me soufos.

Jeremaia 20:18

Pwota üa towu seni letipen inei, pwe üpwe chök riaföü me letipeta o asopwala ränin manauei fän säw?

Jeremaia 22:21

Üa kapas ngenikemi, lupwen oua chüen pisekisek, nge oua üra, “Aisap mochen aüseling.” Iei lapalapemi seni me lom, pwe ousap aleasochis ngeni ai kewe kapas.

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Jeremaia 31:19

Mürin ai tokola senuk üa ekieksefäl. Mürin ai miritila üa rorotiu fän letipeta. Üa säw o itengau pokiten ai tipis lealüali.’

Jeremaia 6:26

Ewe Samol mi Lapalap a üreni nöün aramas, “Oupwe üföüf üf seni tuk o asokopelakemi lon falangen ekkei. Oupwe ngüngüres usun eman a ngüngüres won nöün aleman, oupwe fokun kechüangau, pun ewe chon kata epwe müttir wareitikemi.

Jeremaia 7:19

Ifa usun, ngang ewe ra ariaföüü? Apwi, püsin ir, ra pwal püsin atoto säw wor.

Jeremaia 8:14

Nge ekewe aramas ra apasa, “Pwota sa chök momot? Ousipwe chufengen o sülong lon ekewe telinimw mi pöchökül tittir, pwe sipwe mäla ikenan. Pun ewe Samol mi Lapalap ach Kot a anümamauakich pwe sipwe mäla. A ngenikich koluk mi poison pwe sipwe ün, pun sia tipis ngeni ewe Samol mi Lapalap.

Jeremaia 9:18

Iwe, ekewe aramas ra üra, “Repwe müttir feito o ngüngüres woch, pwe epwe sürütiu chönün mesach, nge apwölün mesach repwe chöchön ren kechü.”

Kölün kechü 5:16

Esap chüen wor och mine aipwe eingeing won. Feiengauem, pun äm aia tipis.

Kölün kechü 5:7

Äm kewe lewo ra tipis, nge iei resap chüen manau. Nge äm aia mwärelong fän liwinin ar kewe föföringau.

Isikiel 2:3

A apasa ngeniei, “Nöün aramas, üpwe tinukela ren ekewe aramasen Israel, ren chon ewe mwü mi lükümach o ü ngeniei. Ir me ar kewe lewo ra tipis ngeniei tori ikenai,

Isikiel 36:32

Üa mochen pwe oupwe fokun silei, pwe mine üpwe föri, üsap föri fän itemi, ämi chon Israel. Oupwe säw o itengau ren ämi föföringau. Ngang Kot ewe Samol mi Lapalap üa kapas.”

Isikiel 44:13

Resap fokun tongeni feito rei pwe rewe föri angangen eman souasor ngeniei, resap pwal tongeni arap ngeni ai kewe mettoch mi pin me ai kewe asor mi unusen pin. Iwe, repwe mwärelong fän itengau pokiten ekewe föför mi anioput ra föri.

Isikiel 7:18

Iwe, repwe üföüf üf seni tuk, nge niuokus watte epwe nom rer. Won meser epwe wowon säw, mökürer epwe pwal reipöpöla.

Taniel 12:2

Iwe, chomong lein chokewe mi mäla repwe manausefäl. Ekoch repwe eäni manau esemüch, nge ekoch repwe eäni itengau me säw esemüch.

Osea 9:10

Iwe, ewe Samol mi Lapalap a üra, “Lupwen üa küna Israel me lom, a usun chök ai küna föün irän wain lon fanüapö. Lupwen üa küna ämi kewe lewo, a usun chök ai küna mwen uän ewe irä fik. Nge lupwen ra tori Paal-peor, ra popuetä le fel ngeni ewe anü Paal o wiliti och minen anioput usun chök ekewe anümwäl ra echeni.

Sefanaia 1:17

Iei alon ewe Samol mi Lapalap, “Üpwe atoto riaföü won aramas pwe repwe fetal usun chon chun pokiten ar tipis ngeniei. Char epwe ninitiu usun chök koluk, nge fituker epwe toropas usun chök kiten mongö.”

Nöün Paulus Toropwe ngeni ekewe Souläng lon Rom 6:21

Met sokun feiöch oua angei seni ekei föför oua föriir me lom? Iei oua säw ren, pun sopolor mäla.

Soukapwüng 2:2

Nge ämi ousap pwonfengen me chon ei fanü. Oupwe atai ar kewe rongen asor.’ Nge ämi ousap aleasochis ngeni ai allük. Pwota oua föri ei?