Jeremaia 3:24 - Chuukese Bible

²⁴ Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 3:24 Iomraidhean Croise

Jeremaia 11:13

Ämi chon Juta, ämi kewe kot ra chomong usun chomongun ämi kewe telinimw, nge ämi kewe rongen asor oua senätä pwe oupwe keni apach mi pwokus wor ngeni ewe anü Paal mi anioput ra chomong usun chomongun ekewe alen Jerusalem.

Jeremaia 22:21

Üa kapas ngenikemi, lupwen oua chüen pisekisek, nge oua üra, “Aisap mochen aüseling.” Iei lapalapemi seni me lom, pwe ousap aleasochis ngeni ai kewe kapas.

Jeremaia 44:7

Nge iei usun mine Kot ewe Samol mi Unusen Manaman, ewe Koten Israel a apasa, “Pwota oua awarato ei sokun feiengau ngenikemi ren ämi ärala seni Juta mwän me fefin, mönükol me semirit, nge ousap likiti eman lusun mi chüen manau?

Jeremaia 8:16

Ekewe chon oputakich ra fen feito ren ewe telinimw Tan. Sia rongorong tikin nöür oris. Unusen ewe fanü a chech ren tikin nöür kewe oris mi pöchökül. Ekewe chon oputakich ra feito pwe repwe ataela fanüach me masouan meinisin, repwe pwal ataela ach kewe telinimw o niela meinisin mi imweimw lor.”

Jeremaia 9:18

Iwe, ekewe aramas ra üra, “Repwe müttir feito o ngüngüres woch, pwe epwe sürütiu chönün mesach, nge apwölün mesach repwe chöchön ren kechü.”

Isikiel 16:19

Üa amongöü ngonuk pilawa mi mürina, üa pwal ngonuk apüra seni föün olif o aünü ngonuk chönün chunen, nge en ka chök angei mine üa ngonuk o eäniir asor ngeni ekewe uluulun anümwäl, pwe repwe öch ngonuk. Ina usun mine ka föri,” iei alon Kot ewe Samol mi Lapalap.

Isikiel 16:20

“Iwe, noum kewe mwän me fefin, ka nöüniir fän itei, ka eäniir asor ngeni ekewe uluulun anümwäl pwe repwe kek. Ifa usun, esap fen naf pwe ka kirikiringau ngeniei?

Isikiel 16:61

Mürin kopwe chechemeni om kewe föför meinisin o säw rer, lupwen üpwe aliwini ngonuk pwiüm kewe watte me kükün, pwe repwe noum fefin, inamwo ika esap alongolong won ai pwon ngonuk.

Isikiel 16:63

Iwe, lupwen üpwe amusala om kewe föför mi ngau meinisin, en kopwe chechemeniir o säw rer, pwe kosap chüen apasa och,” iei alon Kot ewe Samol mi Lapalap.

Osea 10:6

Ewer, repwe uweela ewe uluulun anümwäl ngeni Asiria pwe eu lifang ngeni ewe king mi lap. Chon Israel repwe itengau me säw ren ar we uluulun anümwäl.

Osea 2:8

Iwe, esap mochen mefi pwe ngang ätewe mi ngeni ewe wiich, ewe wain me ewe apüra seni föün olif, üa pwal ngeni chomong silifer me kolt. Nge i a aea ekei mettoch le fel ngeni ewe anü Paal.

Osea 9:10

Iwe, ewe Samol mi Lapalap a üra, “Lupwen üa küna Israel me lom, a usun chök ai küna föün irän wain lon fanüapö. Lupwen üa küna ämi kewe lewo, a usun chök ai küna mwen uän ewe irä fik. Nge lupwen ra tori Paal-peor, ra popuetä le fel ngeni ewe anü Paal o wiliti och minen anioput usun chök ekewe anümwäl ra echeni.