Jeremaia 3:23 - Chuukese Bible

²³ Ellet, äm fel ngeni ekewe uluulun anümwäl won ungen ekewe chuk esap alisikem. Ellet, ewe Samol mi Lapalap äm we Kot i ewe Chon Amanau fän iten Israel.

Jeremaia 3:23 Iomraidhean Croise

Kölfel 3:8

Ewe Samol mi Lapalap a angasala aramas mi nom lon weires. Om feiöch epwe nom won noum aramas.

Kölfel 62:7

Ai küna manau me ai ling ra longolong won Kot. Kot ai achau mi pöchökül me ai lenien op.

Än Salomon Fos 21:31

Aramas ra tongeni amolätä oris fän iten maun, nge win a feito seni ewe Samol mi Lapalap.

Aisea 10:20

Iwe, epwe fis lon ewe rän, pwe ekewe lusun chon Israel, chokewe mi chüen manau seni mwirimwirin Jakop, resap chüen anomu ar apilükülük won ewe mwü mi afeiengaueer, nge repwe anomu ar apilükülük won ewe Samol mi Lapalap, Ewe mi Pin lon Israel.

Aisea 12:2

Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”

Aisea 43:11

Ngang, ngang chök ewe Samol mi Lapalap, nge lüki esap wor eman chon amanau.

Aisea 44:9

Iwe, ir meinisin mi föri uluulun anümwäl esap wor aüchear, esap pwal wor lomoten ekewe mettoch ra aücheani. Iwe, chon fel ngeni ekewe uluulun anümwäl ra chun o wewengau. Iei mine repwe lichipüng o säw.

Aisea 45:15

Ellet, en eman Kot mi monomon, en Koten Israel, ewe Chon Amanau.

Aisea 45:17

Nge chon Israel ra küna manau esemüch ren ewe Samol mi Lapalap. Resap küna säw are itengau tori feilfeilachök.

Aisea 45:20

Ewe Samol mi Lapalap a apasa, “Oupwe feito o mwichefengen, oupwe arapeto, ämi mi chüen manau me lein chon ekewe mwü. Esap wor miritin chokewe ra feilfetal fän ar uluulun anümwäl mi fal o ikiotek ngeni eman kot esap tongeni amanaueer.

Aisea 63:1

“Iö ätewe a feito me Etom seni ewe telinimw Posra fän üfan mi tiketikepar? Iö ätewe a fokun lingöch fän üfan o fetal lon an pwora me pöchökül mi lapalap?” “Ngang ewe Samol mi Lapalap üa kapas fän pwüng, üa tufichin amanaua aramas.”

Aisea 63:16

Nge en Semelapem, inamwo are Apraham esap silekem, ika Jakop esap ekieki usum. Äm Samol mi Lapalap, en semelapem, en äm Chon Amanau, iei itom seni chök lomlom.

Jeremaia 14:8

En chök än chon Israel apilükülük, en chök chon amanauakem lon fansoun riaföü. Pwota ka usun chök eman chon ekis lon ei fanü, pwota ka usun chök eman chon siamü mi chök pwini epwin?

Jeremaia 17:14

Ai Samol mi Lapalap, kopwe apöchökülaei, pwe üpwe wesewesen pöchökül. Kopwe amanauaei pwe üpwe fokun manau, pun en ewe üa mwareiti.

Jeremaia 17:2

Nöür kewe ra fel mwen ar kewe rongen asor, pwal ngeni ar kewe uluulun ewe anüfefin Asera ünükün iteiten irä mi mwuresires, won ekewe chukutekison,

Jeremaia 3:6

Iwe, lon mwün ewe king Josia ewe Samol mi Lapalap a üreniei, “Ka küna mine chon Israel mi kirikiringau ra föri? Ra kul seniei o feitä won ekewe chuk meinisin pwal fän ekewe irä meinisin mi mwuresires o fel ngeni ekewe koten ekis. Ren ei ra kirikiringau ngeniei.

Jeremaia 31:7

Iei alon ewe Samol mi Lapalap, “Oupwe leüömong le köl fän pwapwa fän iten Israel, oupwe akapwas fän iten ewe mwü mi lap me lein ekewe mwü. Oupwe ingemwar, oupwe asilefeili ekei kapas o apasa, ‘Ewe Samol mi Lapalap a amanaua nöün aramas, a angasa chokewe mi chüen manau me lon Israel.’

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Osea 1:7

Nge üpwe echeni ekewe chon Juta. Ngang ewe Samol mi Lapalap ar we Kot üpwe amanaueer, nge sap ren pisekin maun, ren föün esefich ika ketilas, ren oris ika chon wawa oris.”

Johannes 4:22

Ämi chon Samaria oua fel ngeni iö ousap silei, nge äm chon Juta aia fel ngeni iö aia silei, pun manau a pop seni chon Juta.