Jeremaia 3:21 - Chuukese Bible

²¹ Aramas ra rongorong mwelien ekewe chon Israel won ungen ekewe chuk, ra kechü o tütüngormau, pun ra föri chomong tipis o manlükala ewe Samol mi Lapalap ar we Kot.

Jeremaia 3:21 Iomraidhean Croise

Hiop 33:27

Iwe, epwe feito fän mesen aramas o pwärätä, ‘Üa tipis o tok seni mine a pwüng, nge Kot esap liwini ngeniei.

Än Salomon Fos 10:9

Eman aramas mi wenechar epwe manau fän kinamwe, nge eman mi rikirik epwe pwäpwäla an föför, epwe pwal angei chappan.

Än Salomon Fos 19:3

Püsin än eman aramas tiparoch a aworato an feiengau, nge mürin a tip ngeni ewe Samol mi Lapalap.

Aisea 15:2

Ekewe aramasen Tipon ra feitä won ekewe lenien fel mi nom won ekewe chuk pwe repwe kechü. Chon Moap ra ngüngüres fän iten ar kewe telinimw Nepo me Metepa. Ra räisöüla mökürer me aluser pokiten ar letipeta.

Aisea 17:10

Israel, ka manlükala Kot om Chon Amanau, kosap chechemeni ewe Achau om lenien op. Nge ka fotuki eu tanipi pwe kopwe fel ngeni eman koten ekis lon.

Aisea 57:11

Iwe, ewe Samol mi Lapalap a apasa, “Iö oua niueiti pwe oua chofana ngeniei, ousap pwal chechemeniei ika ekieki usi? Ifa usun, sap ren ai fanafanala ngenikemi fansoun langatam, iei popun ousap niueitiei?

Jeremaia 12:12

Ekewe chon kata ra feito won ungen ekewe chuk meinisin me lon ewe fanüapö. Üa awarato maun pwe unusen ewe fanü a tala ren. Esap wor eman aramas epwe kinamwe.

Jeremaia 13:25

Iei usun mine epwe fis ngonuk, iei wisom a aükü ngonuk, pun ka manlükala Kot o lükü ekewe anümwäl. Iei alon ewe Samol mi Lapalap.

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 2:32

Ifa usun, eman föpwül a tongeni manlükala foutan, ika eman fin apwüpwülü söfö üfan üföüfen apwüpwülü? Nge nei aramas ra manlükieila lon chomong rän resap lea.

Jeremaia 3:2

Kopwe netä won ungen ekewe chuk o nenengeni. Ifa usun, epwe wor eu leni ia en kosap fangala inisum ie? Ka nissoal lepekin ekewe al o awiti ekewe kamwet ka akawit usun eman chon Arapia lon fanüapö. En ka alimengaua ewe fanü ren om föförün lisowu.

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Jeremaia 7:29

Oupwe fichiela meten möküremi o pöütala. Oupwe ngüngüres me won ungen ekewe chuk, pun ewe Samol mi Lapalap a pöütala o asechala ei täppin aramas mi nom fän an lingeringer.’”

Isikiel 23:35

Iei mine ngang Kot ewe Samol mi Lapalap üa apasa: Pokiten ka manlükieila o pöütieila lükün sökürum, iei mine kopwe angei liwinin om mocheisou me om amömö inisum fän iten lisowu.”

Isikiel 7:16

Iwe, chokewe meinisin mi chüen manau repwe süla won ekewe chuk usun chök lisom mi ässitä seni ekewe lemol pokiten ar niuokus. Repwe ngüngüres pokiten ar tipis.

Osea 13:6

Nge lupwen oua tolong lon ewe fanü mi mürina, oua momongö o mötüla. Nge lupwen oua mötüla, oua lamalamtekia o manlükieila.

Osea 8:14

Chon Israel ra aüetä imwen king, nge ra manlükala Ewe mi Föriir. Ekewe chon Juta ra achomonga ar kewe telinimw mi pöchökül tittir. Nge ngang üpwe tinala ekkei wor, epwe kenala ar kewe imwen king me ar kewe telinimw.”

Mika 3:9

Oupwe rongorong, ämi kewe mi emweni ekewe mwirimwirin Jakop pwal ämi mi nemeni ekewe chon Israel, ämi chokewe mi oput pwüng o atoka meinisin mine a wenechar,

Numperis 22:32

Nge nöün ewe Samol mi Lapalap we chon läng a üreni, “Pwota ka wichi noum we aas fän ülüngat? Üa feito pwe üpwe pinei om al pun om ei sai esap pwüng me rei.

2. Korint 7:10

Pun ewe letipeta me ren Kot a atoto ekieksefäl mi emweni ngenikich ach sipwe küna manau, nge esap wor liamam lon. Nge ewe letipeta me ren fanüfan a atoto mäla.