Jeremaia 3:19 - Chuukese Bible

¹⁹ Mürin, ewe Samol mi Lapalap a apasa, “Üpwe fokun pwapwa le atolongakemi lon tettelin nei mwän o ngenikemi eu fanü mi mürina, eu fanü mi fokun mürina seni fanüen chon ekewe mwü. Üa mochen pwe oupwe kökköri ngeniei, ‘Semem,’ nge ousap fokun chüen kul seniei.

Jeremaia 3:19 Iomraidhean Croise

Kölfel 106:24

Mürin, ra oput ewe fanü mi mürina, resap lükü an we pwon.

Kölfel 16:6

Ineti we a nom lon eu fanü mi fokun öch. Ewer, ineti we a mürina.

Kölfel 89:26

Iwe, epwe apasa ngeniei, ‘En semei me ai Kot, en ewe chon tümwünüei me ai Chon Amanau.’

Än Salomon Fos 3:35

Eman chon tipachem epwe küna iteüöch, nge eman chon tiparoch epwe küna itengau.

Aisea 63:16

Nge en Semelapem, inamwo are Apraham esap silekem, ika Jakop esap ekieki usum. Äm Samol mi Lapalap, en semelapem, en äm Chon Amanau, iei itom seni chök lomlom.

Aisea 64:8

Äm Samol mi Lapalap, en Semelapem. Äm ai usun chök pwül, nge en ka usun chök ewe chon föri sepi. Äm meinisin förien poum.

Jeremaia 12:10

Chomong chon mas ra atai ai tanipin wain, ra purätiu fanüei. Ra föri pwe fanüei mi mürina a wiliti eu fanüapö.

Jeremaia 3:17

Are epwe tori ena fansoun, Jerusalem epwe iteni än ewe Samol mi Lapalap lenien mot, nge chon ekewe mwü meinisin repwe mwichefengen lon Jerusalem pwe repwe fel ngeniei. Resap chüen ülöförea le apwönüetä ekiekingauen leluker.

Jeremaia 3:4

Nge iei ka üreniei, ‘En semei, ka tongeei seni leküküni.

Jeremaia 31:20

Ifa usun, Israel esap nei mwän mi achengicheng? Ifa usun, sap i nei üa pwapwa ren? Inamwo ika üa kulu söküri ngeni, nge üa chüen chechemeni. Iei mine lelukei a positi i, üpwe fokun eäni ümöümöch ngeni. Ngang ewe Samol mi Lapalap üa kapas.

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Jeremaia 5:7

Iei alon ewe Samol mi Lapalap, “Pwota üpwe amusala ämi tipis? Nöümi kewe ra likitieila o fel ngeni pwal ekoch kot resap wesewesen Kot. Ngang üa amongöör tori ra fokun mötüla, nge ir ra föri föförün lisowu o feila ren imwen ekewe fin lisowu.

Isikiel 20:6

Lon ewe rän üa pwon fän akapel ngeniir, pwe üpwe emwenirewu seni ewe fanü Isip o emwenirelong lon eu fanü üa fili fän iter, eu fanü mi mürina seni meinisin, eu fanü mi pwülüöch o fanüeräs.

Taniel 11:16

Iwe, ewe kingen Siria epwe föri ngeniir mine a mochen, nge esap wor eman epwe tongeni pälüeni. Epwe nonom lon ewe fanüen pwon o nemeni meinisin.

Taniel 11:41

Iwe, epwe pwal tolong lon ewe fanüen pwon o niela chomong ngeröün aramas. Nge chon Etom me Moap, pwal chokewe mi chüen manau lein chon Amon repwe sü seni ewe feiengau.

Taniel 11:45

Iwe, epwe aüetä imwan imw mangaku mi fokun lingöch lefilen ewe matau me ewe chuk ia ewe Imwenfel a nom ie. Mürin epwe tori sopolan, nge esap wor eman epwe alisi.”

Taniel 8:9

Nge a pwal pwükütä efoch mächä mi kükün me won efoch lein ekewe fofoch, a fokun mämäritä pwe an nemenem a achöüala ngeni ör me ötiu, pwal ngeni ewe fanü mi mürina seni meinisin.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Kalatia 3:26

Lon Kraist Jesus ämi meinisin oua nöün Kot ren ämi lükü.

Efisos 1:5

Lon an chen a fen afilikich pwe sipwe tolong lon tettelin püsin nöün ren Jesus Kraist, pun iei usun met a apwapwai letipan.

Tuteronomi 14:1

“Iwe, ämi nöün ewe Samol mi Lapalap ämi we Kot. Iei mine ousap nekelekelei inisimi ika reipöpöla möküremi, lupwen oua letipeta ren eman mi mäla.

Ipru 10:39

Nge kich sisap eti chokewe mi liwinsefäl o pöütmwälila, pwe sia eti chokewe mi lükü o küna manau.

1. Petrus 1:17

Lupwen oua iotek ngeni Kot, oua aita ngeni i Samach, i ewe mi apwüngü aramas meinisin won ükükün mine eman me eman a föri, nge esap lifilifil. Iei mine lon fansoun ämi manau won ei fanüfan oupwe asamolu o meniniti i.