Jeremaia 3:18 - Chuukese Bible

¹⁸ Lon ekana rän chon Juta me chon Israel repwe chufengen, repwe feitopök seni ewe fanü efeng ia ra oola ie, o liwinla ngeni ewe fanü üa ngeni ämi kewe lewo, pwe repwe fanüeni.’”

Jeremaia 3:18 Iomraidhean Croise

Keneses 12:7

Iwe, ewe Samol mi Lapalap a pwä ngeni Apram o üreni, “Ei fanü üpwe ngeni mwirimwirum kana.” Mürin, Apram a senätä eu rongen asor ikenan fän iten ewe Samol mi Lapalap mi pwä ngeni.

Aisea 43:5

Kosap niuokus, pun ngang üpwe etuk. Üpwe aliwinato mwirimwirum kewe seni ötiu me lotou o achufengenikemi.

Aisea 43:6

Iwe, üpwe apasa ngeni efeng, ‘Kopwe aliwinireto,’ üpwe pwal apasa ngeni ör, ‘Kosap amwöchüür.’ Oupwe aliwinato nei kewe alüal seni ekewe fanü mi toau, pwal nei kewe föpwül seni lesopun fanüfan.

Jeremaia 16:15

Nge repwe apasa, ‘Mwo manauen ewe Samol mi Lapalap mi emwenawu ekewe aramasen Israel seni ewe fanü efeng, pwal seni lon ekewe fanü meinisin ia a asürela ie.’ Pun ngang üpwe aliwinisefälireto ngeni püsin fanüer üa ngeni ar kewe lewo.”

Jeremaia 23:8

nge repwe eäni ei akapel, ‘Mwo manauen ewe Samol mi Lapalap mi emwenawu ekewe mwirimwirin Israel seni ewe fanü efeng me ekewe fanü meinisin ia a asürela ie.’ Mürin repwe nom lon poputän fanüer.”

Jeremaia 3:12

Kopwe feila o aronga ekei kapas ngeni chon Israel, ‘Oupwe liwinto, ämi chon Israel mi kirikiringau. Üsap chüen wowoon song ngenikemi, pun üa eäni ümöümöch, nge üsap song ngenikemi tori feilfeilachök.

Jeremaia 30:3

Pun epwe war ewe fansoun pwe ngang üpwe aliwinisefäli nei aramasen Israel me Juta o aliwinireto ngeni ewe fanü üa ngeni ar kewe lewo pwe repwe fanüeni. Ngang ewe Samol mi Lapalap üa kapas.”

Jeremaia 31:8

Nengeni, üpwe emwenireto seni ewe fanü efeng o achufengeniir seni lesopun fanüfan. Chon chun me chon pechemä repwe etiir, pwal fefin mi pwopwo me chokewe mi toriir ar cheuchen fam. Repwe liwiniti ei fanü fän eu mwich mi watte.

Jeremaia 50:20

Lon ena fansoun repwe kütta än Israel föföringau, nge esap wor. Repwe kütta än Juta tipis, nge resap küna. Pun ngang üpwe amusala än ekewe aramas tipis, ir chokewe üa amanaueer. Ngang ewe Samol mi Lapalap üa kapas.’”

Jeremaia 50:4

Iei alon ewe Samol mi Lapalap, “Lon ena fansoun ekewe aramasen Israel me Juta repwe feitopök nge kechü, repwe küttaei ngang ewe Samol mi Lapalap ar we Kot.

Jeremaia 50:5

Repwe ais ewe al mi ale ngeni Sion o feila ngeni. Iwe, repwe apasa, ‘Ousipwe achufengenikich me ewe Samol mi Lapalap fän eu pwon mi nom tori feilfeilachök, eu pwon esap manlüküla.’

Jeremaia 7:7

Are oupwe siwili manauemi, üpwe mwüt ngenikemi pwe oupwe nonom lon ei fanü üa ngeni ämi kewe lewo me lomlom, pwe repwe fanüeni tori feilfeilachök.

Isikiel 11:17

Iei mine kopwe üreniir, ‘Iei alon Kot ewe Samol mi Lapalap: Üpwe aliwinikemiito seni ekewe mwü o achufengenikemi seni ekewe fanü ia oua toropasfeil ie, üpwe pwal ngenisefälikemi ewe fanü Israel.’

Osea 1:11

Nge ekewe aramasen Juta me ekewe aramasen Israel repwe chufengensefäl o filätä fän iter eman chök chon emweniir. Repwe fefeitä me lon ewe fanü, pun ewe ränin Jesrel epwe eu rän mi fokun aüchea.

Osea 11:12

Iwe, ewe Samol mi Lapalap a apasa, “Chon Israel ra pwelifeiliei fän chofana me atuputup, nge chon Juta ra ü ngeniei, ngang ewe Kot mi Pin o allükülük.

Osea 2:2

Nei, oupwe tüngormau ngeni inemi, inamwo ika i esap chüen pwülüeniei, nge ngang üsap chüen pwülüan. Oupwe tüngormau ngeni, pwe epwe ükütiu le föri föförün eman fin lisowu o emwen seni an kirikiringau.

Amos 9:15

Üpwe fotuki nei aramas lon fanüer, nge esap wor eman epwe üttisefäliretä seni ewe fanü üa ngeniir.” Iei usun ewe Samol mi Lapalap ämi we Kot a apasa.

Sekaraia 10:6

Üpwe apöchöküla chon Juta, üpwe amanaua chon Israel. Üpwe aliwinisefäliir, pun ngang üa tongeer. Ir repwe usun chök nge ngang üsap pöütirela, pun ngang ewe Samol mi Lapalap ar we Kot üpwe pälüeni ar iotek.

Sekaraia 2:6

Iei alon ewe Samol mi Lapalap ngeni nöün aramas, “Üa atoropasakemi ngeni lesopun fanüfan me rüanü. Nge iei oupwe etto, oupwe etto! Oupwe sü seni ewe fanü efeng.