Jeremaia 3:17 - Chuukese Bible

¹⁷ Are epwe tori ena fansoun, Jerusalem epwe iteni än ewe Samol mi Lapalap lenien mot, nge chon ekewe mwü meinisin repwe mwichefengen lon Jerusalem pwe repwe fel ngeniei. Resap chüen ülöförea le apwönüetä ekiekingauen leluker.

Jeremaia 3:17 Iomraidhean Croise

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

1. King 8:41

Nge are eman chon ekis, sap i eman lein noum aramasen Israel, epwe feito seni eu fanü toau fän iten itom,

Kölfel 102:23

Iwe, Kot a akisikisätiu ai pöchökül lupwen ai chüen alüal, a amochomochala ränin manauei.

Kölfel 78:8

pwe resap wewe ngeni ar kewe lewo, ewe täppin aramas mi ülöförea me lükümach, ewe täppin aramas leluker esap pos, resap pwal allükülük ngeni Kot.

Kölfel 87:3

A eäni pworaus mi amwarar usum, en telinimwen Kot.

Aisea 26:8

Äm aia apwönüetä om kewe allük o anomu äm apilükülük womw. Letipem a chök mochen chechemeni itom.

Aisea 56:6

Nge iei alon ewe Samol mi Lapalap usun ekewe chon ekis mi chiechi ngeni nöün aramas, pwe repwe angang ngeni o acheni itan o fel ngeni, ir meinisin mi pinini ewe ränin sapat, pwe resap angang lon, ra pwal tümwünü an we pwon,

Aisea 59:19

Mürin, aramas meinisin seni lotou tori ötiu repwe niueiti ewe Samol mi Lapalap o meniniti an ling. Pun ewe Samol mi Lapalap epwe feito usun eu chanpupu mi pumong, pwal usun eu mölümöl.

Aisea 6:1

Lon ewe ier, lupwen ewe king Ussia a mäla, üa küna ewe Samol, a mot won eu lenien motun king mi fokun tekia, nge lepwülün üfan a aurala lon ewe imwenfel.

Aisea 66:1

Pwal iei alon ewe Samol mi Lapalap, “Läng ai lenien mot, nge fanüfan lenien puun pechei. Met sokun imw oupwe aüetä fän itei are ifa lenien ai asösö?

Aisea 66:18

Iwe, pokiten üa silei ar föför me ar ekiek, üpwe feito o achufengeni chon ekewe mwü meinisin. Repwe feito o nenengeni ai ling.

Aisea 66:20

Iwe, repwe uwato pwimi kewe seni mwün fanüfan meinisin, pwe eu lifang ngeniei. Repwe uweereto won chuki mi pin lon Jerusalem won oris me woken, won lenien keki, pwal won aas me kamel, usun chon Israel ra uwato ar asoren mongö lon sepi mi limöch lon imwei mi pin.

Jeremaia 11:8

Nge ir resap aleasochis ika aüseling, pwe iteiten eman me eman a ülöförea lelukan o föföringau. Iei mine üa atoto wor ewe anümamau a mak lon ei pwon, pokiten resap mochen apwönüetä kapasan kewe üa allük ngeniir.”

Jeremaia 12:15

Nge mürin ai üttiretä, üpwe pwal tongeesefäliir o aliwiniir ngeni en me fanüan, pwal en me lenian.

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 14:21

Kosap oput äm pokiten itom. Kosap awarato itengau won Jerusalem, ewe leni ia om lenien mot mi fokun ling a nom ie. Kopwe chechemeni om pwon ngenikem, nge kosap atai.

Jeremaia 16:12

Nge ämi oua fen föri föför mi ngau lap seni ämi kewe lewo. Oua en me chei ülöförean letipan mi ngau, nge ousap fokun aleasochisiei.

Jeremaia 16:19

Ai Samol mi Lapalap, en ai pöchökül me imwei imwen maun, en ai lenien op lon fansoun riaföü. Chon ekewe mwü repwe feito reöm seni lesopun fanüfan o apasa, “Esap wor och äm kewe lewo ra fel ngeni, ngei kot mi mwäl, ekewe uluulun anümwäl mi lomotongau.

Jeremaia 17:12

Ach imwenfel a wewe ngeni än king lenien mot mi fokun ling, a tekia seni lepoputan.

Jeremaia 18:12

Nge ir ra apasa, ‘Esap wor lomotan. Äm aipwe chök chei püsin äm ekiek me ülöförean lelukem mi ngau.’”

Jeremaia 3:19

Mürin, ewe Samol mi Lapalap a apasa, “Üpwe fokun pwapwa le atolongakemi lon tettelin nei mwän o ngenikemi eu fanü mi mürina, eu fanü mi fokun mürina seni fanüen chon ekewe mwü. Üa mochen pwe oupwe kökköri ngeniei, ‘Semem,’ nge ousap fokun chüen kul seniei.

Jeremaia 31:23

Iei alon ewe Samol mi Unusen Manaman ewe Koten Israel, “Lupwen üpwe aliwinisefäli ekewe aramas ngeni fanüer, repwe apasasefäli ekei kapas me lon ewe fanü Juta me telinimwan kewe, ‘Ewe Samol mi Lapalap epwe afeiöchuk, en leni ia pwüng a nom ie, en chuk mi pin.’

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Jeremaia 4:2

are oupwe pwon fän akapel itei fän let, pwüng me wenechar, mürin chon ekewe mwü repwe kütta ar feiöch me rei, repwe pwal mwareitiei.”

Jeremaia 7:24

Iwe, resap aleasochis ika aü selinger, nge ra chei püsin ar öüröür me ülöförean leluker mi ngau. Ra fen ingauala, nge resap öchüla.

Jeremaia 9:14

Nge ra ülöförea o chei mochenin leluker, ra fel ngeni ekewe anü Paal usun ar kewe lewo ra aiti ngeniir.

Isikiel 1:26

Iwe, asen ewe läng me won mökürer a wor och mi wewe ngeni eu lenien motun king mi för seni ewe fau aüchea itan safaia. Nge ewe mi mot won a lapalapeni lapalapen eman aramas.

Isikiel 43:7

Iwe, a üreniei, “Nöün aramas, ei leni ai lenien motun king me lenien puun pechei. Ikei ie üpwe imweimw lein aramasen Israel tori feilfeilachök, nge chon Israel me ar king resap chüen aitengaua itei mi pin ren ar angang ngeni anümwäl, pwal ren somän ar king, lupwen ra peiaseniir.

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Sekaraia 2:11

Iwe, lon ewe rän, chomong chon ekewe mwü repwe feito ren ewe Samol mi Lapalap o wiliti nöün aramas. Iwe, i epwe imweimw lefilemi, nge ämi oupwe silei pwe ewe Samol mi Unusen Manaman a tinieito remi.

Sekaraia 8:8

Üpwe emwenireto pwe repwe imweimw lon Jerusalem. Iwe, ir repwe nei aramas, nge ngang üpwe ar Kot o nemeniir fän allükülük me pwüng.”

Numperis 15:39

Iwe, lupwen oupwe küna ewe fout, oupwe chechemeni ai kewe allük meinisin pwe oupwe aleasochisiir. Nge ousap tapwela ekiekin lelukemi me künan mesemi, usun a mecheres ngenikemi.

Nöün Paulus Toropwe ngeni ekewe Souläng lon Rom 1:21

Ikamwo ra silei usun Kot, nge resap asamolu i usun Kot, resap pwal kilisou ngeni. Ar ekiek esap fokun wor lomotan, nge letiper mi wewemang a uren rochopwak.

Nöün Paulus Toropwe ngeni ekewe Souläng lon Rom 6:14

Ousap chüen nonom fän nemenien tipis, pun ousap chüen nonom fän nemenien allük, nge oua nonom fän nemenien ümöümöchün Kot.

Kalatia 4:26

Nge ewe Jerusalem lon läng mi ngas, iei i inach.

Tuteronomi 29:29

Iwe, ekewe mettoch mi monomon än ewe Samol mi Lapalap ach we Kot. Nge ekewe mettoch mi pwäpwäla kapasen ei allük meinisin ach me än nöüch kana tori feilfeilachök, pwe sipwe aleasochisiir.”

Soukapwüng 2:19

Nge iteiten fansoun, lupwen eman soukapwüng a mäla, ekewe aramas ra kulsefäl o föföringau lap seni semelaper kewe. Ra angang ngeni pwal ekoch kot o fel ngeniir. Iwe, resap fokun mochen likitala ar föför mi ngau ika ükütiu le tipeförea.