Jeremaia 3:16 - Chuukese Bible

¹⁶ Lon ekana rän, lupwen oupwe chomongola me lon ewe fanü, aramas resap chüen kapas usun ai we pworun pwon. Esap chüen nom lon ekiekir, resap pwal chüen chechemeni ika mefi pwe esap chüen nom. Resap pwal chüen försefäli ewe pworofel.

Jeremaia 3:16 Iomraidhean Croise

Aisea 60:22

Ewe mi tekison leimi epwe wiliti eu cho, nge ewe mi kis epwe wiliti eu mwü mi pöchökül. Ngang ewe Samol mi Lapalap, üpwe müttir apwönüetä ai pwon lon fansoun üa filätä.”

Aisea 61:4

Iwe, repwe aüsefälietä ekewe tit mi tala me lomlom, repwe försefäli ekewe leni mi tatakis fansoun langatam, pwal telinimwen ekewe täppin aramasen lom.

Aisea 65:17

Iwe, ewe Samol mi Lapalap a apasa, “Nengeni, üpwe föri eu läng mi fö me eu fanüfan mi fö. Iwe, esap chüen wor eman epwe chechemeni ekewe mettochun lom o ekieki usun.

Jeremaia 3:17

Are epwe tori ena fansoun, Jerusalem epwe iteni än ewe Samol mi Lapalap lenien mot, nge chon ekewe mwü meinisin repwe mwichefengen lon Jerusalem pwe repwe fel ngeniei. Resap chüen ülöförea le apwönüetä ekiekingauen leluker.

Jeremaia 30:19

Seni lon ekewe imw aramas repwe chietä kölün kilisou o mweireiren pwapwa. Üpwe achomongerela, pwe resap chokükün. Üpwe aitöchüür, pwe resap chüen itengau.

Jeremaia 31:27

Iei alon ewe Samol mi Lapalap, “Epwe war ewe fansoun, lupwen üpwe amasoua ewe fanü Israel me Juta ren aramas me man.

Jeremaia 31:8

Nengeni, üpwe emwenireto seni ewe fanü efeng o achufengeniir seni lesopun fanüfan. Chon chun me chon pechemä repwe etiir, pwal fefin mi pwopwo me chokewe mi toriir ar cheuchen fam. Repwe liwiniti ei fanü fän eu mwich mi watte.

Jeremaia 7:4

Ousap lükü ekei kapasen atuputup ra apasa, ‘Aisap feiengau. Iei än ewe Samol mi Lapalap imwenfel, än ewe Samol mi Lapalap imwenfel, än ewe Samol mi Lapalap imwenfel.’

Isikiel 15:5

Ika esap lomot ngeni och mettoch, lupwen esamwo kar, ifa usun, esap watte lomotongauan, lupwen ekkei a kenala, pwe a wiliti mooch? Ewer, esap fokun lomot ngeni och mettoch.

Isikiel 37:26

Üpwe föri eu pwonen kinamwe ngeniir, eu pwon epwe nonom tori feilfeilachök. Üpwe afeiöchüür o achomongeer, üpwe pwal anomu imwei mi pin lefiler, pwe epwe nom tori feilfeilachök.

Amos 9:9

Ngang üpwe allük ngeni chon oputen Israel, pwe repwe morei ekewe chon Israel. Ngang üpwe moreer me lein chon ekewe mwü meinisin usun eman a morei föün wiich lon eu moromor, nge esap wor eföü kükün föün epwe morotiu lepwül.

Sefanaia 3:11

Lon ena fansoun ousap chüen säw pokiten oua ü ngeniei. Pun üpwe atowu seni me leimi chokewe mi lamalamtekia o tunosikesik, pwe ousap chüen ü ngeniei me won chuki mi pin.

Mateus 1:11

Josia semen Jehoiachin me pwiin kewe lon fansoun ar oola lon Papilon.

Mateus 3:9

Ousap ekieki pwe oua tongeni sü seni än Kot song ren ämi apasa, ‘Äm mwirimwirin Apraham’. Pun ngang üpwe ürenikemi, pwe Kot a tongeni angei ekei fau o föri mwirimwirin Apraham seniir!