Jeremaia 3:15 - Chuukese Bible

¹⁵ Üpwe ngenikemi souemwen mi lelukeni lelukei, repwe emwenikemi fän silelap me weweöch.

Jeremaia 3:15 Iomraidhean Croise

Än Salomon Fos 10:21

Än eman chon pwüng kapas a afeiöchü chomong, nge eman chon tiparoch a mäla, pun esap wor an mirit.

Jeremaia 23:4

Üpwe awisa chon nemenem repwe tümwünüür. Resap chüen niuokus ika rükö, esap pwal wor eman epwe malechela. Ngang ewe Samol mi Lapalap üa kapas.”

Jeremaia 31:10

Iei alon ewe Samol mi Lapalap, “Oupwe aüseling, ämi chon ekewe mwü o asilefeili ai kei kapas lon ekewe fanü aroset mi toau. Oupwe apasa, ‘Ätewe mi atoropasa chon Israel epwe pwal achufengeniir o tümwünüür usun eman chon mas a tümwünü nöün pwiin sip.’

Isikiel 34:2

“Nöün aramas, kopwe osuni usun feiengauen ekewe sounemenem, ir ekewe chon masen Israel, kopwe osuni usur o üreniir, pwe iei aloi ngang Kot ewe Samol mi Lapalap: Feiengauemi, ämi chon masen Israel, pun oua püsin tümwünükemi. Ifa usun, sap wisen chon mas pwe repwe tümwünü sip?

Isikiel 34:23

Iwe, üpwe awisa eman chök chon mas pwe epwe tümwünüür. I epwe usun chök nei chon angang Tafit, epwe foleniir, epwe pwal ar chon mas.

Isikiel 37:24

Eman king usun chök nei chon angang Tafit epwe nemeniir, epwe wor eman chök ar chon mas, nge repwe tümwünüöchü le apwönüetä ai kewe allük o aleasochis ngeni ai kewe pwüüng.

Lukas 12:42

Iwe, ewe Samol a pölüeni, “Iö chök ewe chon angang mi allükülük o tipachem? Ätewe nöün masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Föför 20:28

Iei mine oupwe mamasakemi me unusen chon ewe mwichefel ewe Ngünmifel a atolongeer fän ämi tümwün. Oupwe chon masen ewe mwichefelin Kot, i a möni ren chaan püsin Nöün we.

1. Korint 2:6

Nge sia aronga eu kapasen tipachem ngeni chokewe mi mirit lon ar souläng. Esap ewe sokun tipachem mi pop seni ei fanüfan ika seni ekewe chon nemenem lon ei fanüfan, ar nemenem epwe wesila.

1. Petrus 2:2

Oupwe usun chök ekewe mönükol mi upufö, fansoun meinisin oupwe fokun moneti ewe chönün oup mi wewe ngeni Kapasen Kot, esap nofit ngeni och, pwe ren ämi ün oupwe mämäritä o küna manau.

1. Samuel 13:14

Nge iei mwum esap chüen soposopola. Ewe Samol mi Lapalap a kütta eman mwän mi lelukeni lelukan o seikätä pwe epwe samol won nöün aramas, pun kosap aleasochis ngeni mine a allük ngonuk.”