Jeremaia 3:1 - Chuukese Bible

¹ Iei alon ewe Samol mi Lapalap, “Are eman mwän a pöütala pwülüan, nge neminewe a feila o pwüpwülü ngeni pwal eman, ifa usun, ätewe epwe tongeni pwülüenisefäli neminewe? Ifa usun, ewe fanü esap fokun limengau ren? Nge en, Israel, a wor chomong noum kamwet. Ifa usun, kopwe chüen tongeni liwinitiei?

Jeremaia 3:1 Iomraidhean Croise

Kölfel 106:38

Ra niela nöür kewe ät me nengin esap wor ar tipis, o eäniir asor ngeni ekewe uluulun anümwäl än chon Kanaan. Iwe, ewe fanü a limengau ren ei sokun föför.

Aisea 24:5

Fanüfan a limengau ren chon, pun ra puri än Kot kewe allük o aücheangaua an kewe pwüüng, ra pwal ataela an we pwon mi nom tori feilfeilachök.

Jeremaia 2:20

Ewe Samol mi Lapalap a pwal apasa, “Chomong ier ra la, en Israel, kosap mochen anomuk fän ai nemenem. Kosap mochen aleasochisiei o fel ngeniei. Nge ka fel ngeni ekewe koten leres won iteiten chuk pwal fän iteiten irä mi mwuresires.

Jeremaia 2:23

Pwota ka tongeni apasa, ‘Ngang üsap limengau. Ngang üsap fel ngeni ekewe anü Paal.’ Kopwe nenengeni om kewe föför ka föriir me lon ewe lemol o chechemeni mine ka föri. Ka usun chök eman liefefinin kamel mi säfeil ekis meinisin, lupwen a mochen etieti.

Jeremaia 2:7

Ngang üa emwenirelong lon eu fanü mi fokun res, pwe repwe pwapwa le mongö uan o pwapwaiti ekewe mettoch mi mürina lon. Nge lupwen ra tolong lon, ra alimengaua fanüei o föri pwe fanüei epwe anioput.

Jeremaia 22:20

Ämi aramasen Jerusalem, oupwe feitä won ewe chuk Lepanon o puchör, oupwe alapatä mweliemi lon Pasan o siö me won ekewe chukun Moap, pun peliemi meinisin ra kuf.

Jeremaia 3:22

Oupwe liwinto, ämi meinisin mi kul seni ewe Samol mi Lapalap, i epwe awesi ämi kirikiringau. Nge ämi oupwe apasa, “Ewer, äm aipwe liwinto ren ewe Samol mi Lapalap, pun i äm we Kot.

Jeremaia 3:9

nge resap fokun säw ren. Ra alimengaua ewe fanü ren ar fel ngeni fau me mwüch, iei ar angangen lisowu.

Jeremaia 31:22

Ifa ükükün fansoun om kopwe rikirikfetal, en Israel kosap allükülük? Ngang ewe Samol mi Lapalap üa afisätä och mettoch mi fö o sokola won fanüfan: Israel epwe fitipacheiti Kot.”

Jeremaia 4:1

Iei alon ewe Samol mi Lapalap, “Are oupwe liwinto, ämi chon Israel, oupwe fokun liwinitiei. Are oupwe atoauala ekewe uluulun anümwäl mi anioput me fän mesei, nge ousap chüen tokola,

Jeremaia 4:14

En Jerusalem, kopwe limeti lelukom seni om föföringau, pwe kopwe manau. Ifa ükükün fansoun an epwe nom lomw om kewe ekiekingau.

Kölün kechü 1:2

A selingüngü lepwin, chönün mesan ra suputiu won sapan. Esap wor eman me lein chokewe mi tongei me lom a achipa. Chiechian kewe meinisin ra kirikiringau ngeni, ra wiliti chon oputan.

Isikiel 16:26

Iwe, ka amömö inisum ngeni chon Isip, chon arum mi mocheisou, ka pwal alapala om angangen lisowu, pwe üa song ren.

Isikiel 16:30

Iwe, Kot ewe Samol mi Lapalap a apasa, “A wiliwilikis lelukom, pwe ka chök föri ekei sokun föför usun eman mi amömö inisin o fokun säwemang.

Isikiel 16:35

Iei mine Jerusalem, en eman fin lisowu, kopwe rongorong mine ewe Samol mi Lapalap a apasa.

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Osea 1:2

Iwe, lupwen ewe Samol mi Lapalap a popuetä le fos ngeni Osea fän iten chon Israel, a üreni, “Kopwe feila o angei eman fin lisowu pwe pwülüom, epwe pwal nöünöü me womw, nge nöün kana repwe kirikiringau usun chök i. Pun iei usun aramasen ei fanü ra föri angangen lisowu ren ar likitieila ngang ewe Samol mi Lapalap.”

Osea 2:2

Nei, oupwe tüngormau ngeni inemi, inamwo ika i esap chüen pwülüeniei, nge ngang üsap chüen pwülüan. Oupwe tüngormau ngeni, pwe epwe ükütiu le föri föförün eman fin lisowu o emwen seni an kirikiringau.

Mika 2:10

Oupwe ütä o feila, pun ei leni esap chüen eu lenien asösö. Ämi kewe tipis ra afeiengaua ei leni, pwe epwe fokun tala.

Sekaraia 1:3

Nge iei üpwe ürenikemi: Oupwe liwin ngeniei, nge ngang üpwe liwin ngenikemi.

Mateus 5:31

“Oua fen pwal rong pwe ekewe sensen lamalam ra apasa, ‘Eman mwän mi pöütala pwülüan, epwe ngeni echö toropwen mwüfesen.’

Tuteronomi 22:21

repwe emwenawu ewe föpwül ren asamalapen imwen saman. Iwe, mwänin lon an telinimw repwe monei ngeni fau pwe epwe mäla, pun a föri eu föför mi ngau ren an lisowu me lon imwen saman. Iei usun oupwe limetawu ewe mi ngau seni leimi.

Soukapwüng 19:2

Iwe, ülüpwülüan a song ngeni, a sü seni o liwiniti imwen seman mi nom Petleem lon Juta. A nom ikenan lon ükükün rüanü maram.