Jeremaia 29:3 - Chuukese Bible

³ Iwe, Elasa nöün Safan we mwän me Kemaria nöün Hilkia we ra uwei ewe toropwe. Ir ätekewe Setekia ewe kingen Juta a tinirela Papilon ren ewe king Nepukatnesar. Iwe, iei masouen ewe toropwe:

Jeremaia 29:3 Iomraidhean Croise

2. King 18:18

Iwe, lupwen ra titi ewe king, Eliakim nöün Hilkia we mwän, ewe meilapen chon tümwünü imwen ewe king, Sepna ewe seketeri, pwal Joa nöün Asaf we mwän ewe soumak ra towu rer.

2. King 22:12

Mürin, ewe king a allük ngeni ewe souasor Hilkia me Ahikam nöün Safan we mwän, ngeni Akpor nöün Mikaia we mwän me ewe seketeri Safan, pwal ngeni Asaia nöün ewe king chon angang,

2. King 22:8

Iwe, ewe souasor mi lap Hilkia a üreni ewe seketeri Safan, “Üa küna ewe puken allük me lon imwen ewe Samol mi Lapalap.” Iwe, Hilkia a ngeni Safan ewe puk, nge Safan a aleani.

1. Kronika 2:39

Asaria semen Heles, Heles semen Eleasa,

1. Kronika 6:13

Salum semen Hilkia, Hilkia semen Asaria,

2. Kronika 34:20

Mürin, ewe king a allük ngeni Hilkia me Ahikam nöün Safan we mwän, ngeni Apton nöün Mika we mwän, me ewe seketeri Safan, pwal ngeni Asaia nöün ewe king chon angang,

Jeremaia 26:22

Mürin ewe king Jehoiakim a tinala Isip Elnatan nöün Akpor we mwän me pwal ekoch mwän, pwe repwe turufi.

Jeremaia 26:24

Nge Ahikam nöün Safan we mwän a tümwünü Jeremaia seni ekewe aramas, pwe resap niela.

Jeremaia 36:25

Inamwo än Elnatan me Telaia me Kemaria tüngormau ngeni ewe king pwe esap kenala ewe toropwe, nge ewe king esap fokun aüselingeer.

Jeremaia 39:14

ra titi Jeremaia o emwenato seni ewe lenien chon mas. Ra lükü ngeni Ketalia nöün Aikam we mwän, nge Aikam nöün Safan, pwe epwe aliwinala lon imwan. Iei mine Jeremaia a nom lein ekewe aramas.

Isikiel 8:11

Iwe, me fän mesen ekewe lios fik mwän seni ekewe souakomwen chon Israel ra ütä, nge Jaasania nöün Safan we a nom lefiler. Iteiten eman me eman a amwöchü an sepien asoren ötüöt, nge ötüötür a ötütä seni lor.