Jeremaia 28:9 - Chuukese Bible

⁹ Nge eman soufos mi osuni usun kinamwe a chök sil pwe i eman soufos ewe Samol mi Lapalap a wesewesen tinato, lupwen an kapasen osuni a pwönüetä.”

Jeremaia 28:9 Iomraidhean Croise

Aisea 44:26

Nge lupwen nei chon angang a osuni och, lupwen üa tinala nei chon künö pwe epwe pwärätä mine üa akota, üpwe pwal fokun apwönüetä mine üa eäni kapas. Üa apasa usun Jerusalem pwe epwe sosefäl, pwal usun ekewe telinimwen Juta pwe repwe kaüsefäl, nge mine a ta me wor üpwe aüsefälietä.

Jeremaia 14:13

Mürin üa üra, “Ai Kot Samol mi Lapalap, ka silei pwe ekewe soufos ra üreni ekewe aramas pwe esap wor maun, esap pwal wor lengita, pun en kopwe ngeniir kinamwe esap müchüla me lon ei fanü.”

Jeremaia 4:10

Mürin, üa apasa, “Ai Kot, Samol mi Lapalap, ka wesewesen atupu ekei aramasen Jerusalem ren om apasa pwe epwe wor kinamwe, nge efoch ketilas a fen arap ngeni chiorer.”

Jeremaia 6:14

Ra atupun säfeni kinasen nei aramas ren ar apasa, ‘A wor kinamwe, a wor kinamwe,’ ngei ese wor kinamwe.

Jeremaia 8:11

Ra atupun säfeni nei aramas ren ar apasa, ‘A wor kinamwe, a wor kinamwe,’ ngei esor kinamwe.

Isikiel 33:33

Nge lupwen om kewe kapas repwe fis, pun repwe fokun fis, mürin chon Israel repwe silei pwe eman soufos a nom lefiler.”

Tuteronomi 18:21

Nge are oua ekieki lon lelukemi, ‘Met sipwe silei ren ika ewe kapas sap alon ewe Samol mi Lapalap?’

Tuteronomi 18:22

Are eman soufos a kapas fän iten ewe Samol mi Lapalap, nge pwüngün ewe kapas esap fis ika esap let, iei ewe kapas esap alon ewe Samol mi Lapalap. Ewe soufos a osuni fän püsin mefian, iei mine ousap niuokusiti.”