Jeremaia 28:6 - Chuukese Bible

⁶ Iwe, üa üra, “Amen. Amwo ewe Samol mi Lapalap epwe föri iei usun. Amwo ewe Samol mi Lapalap epwe apwönüetä ekewe kapas ka osuni o aliwinato seni Papilon pisekin imwen ewe Samol mi Lapalap me ekewe chon oola meinisin.

Jeremaia 28:6 Iomraidhean Croise

1. King 1:36

Iwe, Penaia a üreni ewe king, “Iei usun epwe fis. Amwo ewe Samol mi Lapalap om we Kot epwe anükü ekei kapas.

1. Kronika 16:36

Oupwe mwareiti ewe Samol mi Lapalap ewe Koten Israel seni fansoun esepop tori fansoun esemüch.” Mürin, ekewe aramas ra apasa, “Amen”, o mwareiti ewe Samol mi Lapalap.

Kölfel 106:48

Oupwe mwareiti ewe Samol mi Lapalap, ewe Koten Israel seni fansoun esepop tori fansoun esemüch. Iwe, ekewe aramas meinisin repwe apasa, “Amen.” Ousipwe mwareiti ewe Samol mi Lapalap.

Kölfel 41:13

Oupwe mwareiti ewe Samol mi Lapalap ewe Koten Israel seni lomlom tori feilfeilachök. Amen, Amen.

Kölfel 72:19

Sipwe mwareiti itan mi ling tori feilfeilachök. An ling epwe aurala unusen fanüfan. Amen, amen.

Kölfel 89:52

Ousipwe mwareiti ewe Samol mi Lapalap tori feilfeilachök! Amen, Amen.

Jeremaia 11:5

Mürin üpwe afisi ai pwon üa eäni fän akapel ngeni ämi kewe lewo, pwe üpwe ngeniir ewe fanü mi pwülüöch me fanüeräs, usun mine a fis ikenai.” Mürin üa pälüeni, “Epwe ina, ai Samol mi Lapalap.”

Jeremaia 17:16

Üsap pesee ngonuk pwe kopwe awarato ingau, üsap pwal älälei ewe ränin feiengau, en ka silei usun. Mine üa apasawu a pwäla fän mesom.

Jeremaia 18:20

Ifa usun, föför mürina epwe liwin ngeni ngau? Nge ir ra tuw eu pwang fän itei. Kopwe chechemeni ai ütä fän mesom, pwe üpwe kapas mürina fän iter o akulu seniir om lingeringer.

Jeremaia 28:3

Mürin ükükün ruu ier üpwe aliwinato lon ei leni pisekin imwen ewe Samol mi Lapalap meinisin Nepukatnesar ewe kingen Papilon a angei o uweerela Papilon.

Sekaraia 6:10

“Kopwe angei silifer me kolt seni ekewe chon oola iter Heltai, Topia me Jetaia, ir ätekewe mi liwinto seni Papilon. Lon ewe chök ränin kopwe feila lon imwen Josia nöün Sefania we mwän.

Numperis 5:22

Iwe, ei koluk mi atoto anümamau epwe tolong leutum pwe lukom epwe pwo, kopwe pwal rit.’ Iwe, ewe fefin epwe pälüeni, ‘Üa tipeeu ngeni. Epwe fis iei usun.’

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

1. Korint 14:16

Lupwen oua kilisou ngeni Kot lon ngünümi chök, epwe ifan usun än eman mi fiti ämi mwich epwe tongeni apasa “Amen” wesin ämi iotekin kilisou, are esap silei met oua kapas usun?

2. Korint 1:20

Pun än Kot kewe pwon meinisin ra pwönüetä lon Kraist. Iei popun ren Jesus Kraist sia apasa “Amen”, pwe Kot epwe ling ren.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 19:4

Iwe, ekewe rüwe me föman souakom me ekewe föman mönümanau ra chapetiu o fel ngeni Kot, ewe mi mot won an lenien motun king. Ra apasa, “Amen! Ousipwe mwareiti Kot.”

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 5:14

Iwe, ekewe föman mönümanau ra apasa, “Amen!” Nge ekewe souakom ra chapetiu o fel ngeni Kot me ewe Lam.