Jeremaia 28:4 - Chuukese Bible

⁴ Üpwe pwal aliwinato ngeni ei leni Jehoiachin ewe kingen Juta nöün Jehoiakim we mwän me ekewe chon oola meinisin seni Juta mi feila Papilon, pun üpwe kupi ewe waas än ewe kingen Papilon. Ngang ewe Samol mi Lapalap üa kapas.”

Jeremaia 28:4 Iomraidhean Croise

Keneses 27:40

Kopwe manau ren noum ketilas, nge kopwe angang ngeni pwiüm. Iwe, lupwen om kopwe pöchökülela, epwap fis pwe kopwe towu seni fän nemeneman.”

2. King 24:14

Iwe, ewe kingen Papilon a uwala ekewe chon oola meinisin seni Jerusalem, ekewe meilap me ekewe sounfiu mi pöchökül o pwora, irfengen meinisin engol ngeröü. A pwal uwala ekewe souangang me ekewe chon üsümächä. Esap chüen wor eman a nonom, chilon chök aramasen ewe fanü mi fokun mwelele.

Aisea 9:4

Pun ka kupi ewe waas mi chou won afarer me ewe wok ra fokun weires ren, ka akufu chon ekewe mwü mi ariaföüür usun ka akufu ekewe sounfiun Mitian me lom.

Jeremaia 13:19

Ekewe telinimwen Juta mi nom ör ra tala, nge esap wor eman a nom pwe epwe aüsefäliretä. Chon Juta meinisin ra oola, fokun meinisin ra oola.”

Jeremaia 2:20

Ewe Samol mi Lapalap a pwal apasa, “Chomong ier ra la, en Israel, kosap mochen anomuk fän ai nemenem. Kosap mochen aleasochisiei o fel ngeniei. Nge ka fel ngeni ekewe koten leres won iteiten chuk pwal fän iteiten irä mi mwuresires.

Jeremaia 22:10

Ämi aramasen Juta, ousap kechüeiti ika letipeta usun ewe king Josia, ätewe mi mäla. Nge oupwe kechüangaueiti Joahas nöün we, ätewe mi oola, pun esap chüen liwinsefäl o küna poputän fanüan.

Jeremaia 22:24

Iei alon ewe Samol mi Lapalap ngeni Jehoiachin ewe kingen Juta nöün Jehoiakim we mwän, “Mwo manauei, inamwo ika kopwe wewe ngeni efoch ringen pwau mi nom won pöüifichi, üpwe chök üttukowu

Jeremaia 24:1

Iwe, mürin än Nepukatnesar ewe kingen Papilon a uweela seni Jerusalem Jehoiachin ewe kingen Juta nöün Jehoiakim we mwän fiti ekewe nöüwisen Juta, ekewe soufalafal me ekewe chon angang ngeni mächä, o uweerela Papilon, ewe Samol mi Lapalap a pwäri ngeniei künaei. Üa küna ruu chükün föün fiik ra nom mwen ewe imwenfelin ewe Samol mi Lapalap.

Jeremaia 24:5

“Ngang ewe Samol mi Lapalap ewe Koten Israel üa mefi, pwe ekewe chon oola seni Juta, ngang üa tinirela seni ei leni ngeni fanüen chon Papilon, ra mürina usun ekewe föün fiik mi mürina.

Jeremaia 27:8

Nge are eu mwichen aramas ika chon eu mwü resap mochen angang ngeni Nepukatnesar ewe kingen Papilon o ämwäralong üwer fän ewe waas än ewe kingen Papilon, üpwe apwüngü chon ei mwü ren maun, ren lengita me mätter tori üpwe aroserela ren pöün. Ngang ewe Samol mi Lapalap üa kapas.

Jeremaia 28:10

Mürin ewe soufos Hanania a angei ewe waas seni won üei o kupi.

Jeremaia 28:2

“Iei alon ewe Samol mi Unusen Manaman, ewe Koten Israel: Üa kupi ewe waas än ewe kingen Papilon.

Jeremaia 29:1

Iwe, ewe soufos Jeremaia a makei echö toropwe o tinala seni Jerusalem ngeni ekewe souakom lein ekewe chon oola, ngeni ekewe souasor me soufos, pwal ngeni ekewe aramas meinisin Nepukatnesar a fen angeer seni Jerusalem o uweerela Papilon.

Jeremaia 29:2

A makei ei toropwe mürin än ewe king Jehoiachin me inelapan, ekewe nöüwisen lon imwen king me ekewe souemwenin Juta me Jerusalem, ekewe soufalafal me ekewe chon angang ngeni mächä ra oola.

Jeremaia 30:8

Iei alon ewe Samol mi Unusen Manaman, “Lupwen epwe war ewe fansoun, üpwe kupi ewe waas seni won üwer, üpwe mwüti fööföör, nge ekewe chon ekis resap chüen nöüniir amanau.

Lifitikos 26:13

Ngang ewe Samol mi Lapalap ämi we Kot, üa emwenikemiiwu seni ewe fanü Isip, pwe resap chüen nöünikemi amanau. Iwe, üa kupi ewe waas mi nom won afaremi, pwe oupwe wenetä le fetal.”

Nahum 1:13

Iei üpwe awesi än Asiria nemenem womi o mwüti föfömi.”