Jeremaia 28:1 - Chuukese Bible

¹ Lon ewe chök ier, lepoputän mwün Setekia ewe kingen Juta, lon alimuen maramen ewe arüanün ierin an nemenem, eman soufos seni Kipeon itan Hanania nöün Asur we mwän a kapas ngeniei me lon imwen ewe Samol mi Lapalap me fän mesen ekewe souasor me ekewe aramas meinisin. A apasa,

Jeremaia 28:1 Iomraidhean Croise

1. King 3:4

Lon eu rän ewe king Salomon a feila Kipeon pwe epwe asor ikenan, pun ina ewe lenien fel mi aüchea. A eäni engeröü mönün asoren kek won enan rongen asor.

2. King 24:18

Iwe, Setekia a ierini rüe me eu, lupwen a tolong lon wisan wisen king. A nom lon Jerusalem o nemeni Juta lon ükükün engol me eu ier. Iten inan Hamutal nöün Jeremaia we fefin seni Lipna.

2. Kronika 36:11

Iwe, Setekia a ierini rüe me eu, lupwen a tolong lon wisan wisen king. A nom lon Jerusalem o nemeni Juta lon ükükün engol me eu ier.

Aisea 9:15

Iwe, ekewe souakom me ekewe aramas tekia ra wewe ngeni möküren Israel, nge ekewe soufos chofana ra wewe ngeni wükün.

Jeremaia 23:28

Eman soufos mi eäni eu tan epwe apworausa ewe tan, nge ätewe mi rongorong ai kapas epwe pwärätä ai kapas fän allükülük. Met wewefengenin fetilipwas me wiich?

Jeremaia 27:1

Iwe, lepoputän mwün Setekia ewe kingen Juta nöün Josia we mwän, ewe Samol mi Lapalap a kapas ngeni Jeremaia,

Jeremaia 27:12

Iwe, üa pwal kapas ngeni Setekia ewe kingen Juta lon ei chök ititin, “Oupwe ämwäralong üemi fän ewe waas än ewe kingen Papilon. Oupwe angang ngeni me nöün aramas pwe oupwe manau.

Jeremaia 27:3

Mürin kopwe tinala pworaus ngeni ewe kingen Etom, ewe kingen Moap, ewe kingen Amon, ewe kingen Tirus me ewe kingen Siton ren nöür kewe chon künö mi feito Jerusalem ren Setekia ewe kingen Juta.

Jeremaia 28:11

Iwe, Hanania a apasa me fän mesen ekewe aramas meinisin, “Iei alon ewe Samol mi Lapalap: Iei usun üpwe angei ewe waas Nepukatnesar ewe kingen Papilon a ämwäralong won üen chon ekewe mwü meinisin o kupi mürin ruu ier.” Mürin üa feila.

Jeremaia 28:17

Iwe, lon ewe chök ier lon ewe afisuen maram, ewe soufos Hanania a mäla.

Jeremaia 28:5

Mürin üa kapas ngeni ewe soufos Hanania me fän mesen ekewe souasor me ekewe aramas meinisin mi nom lon imwen ewe Samol mi Lapalap.

Jeremaia 29:15

Iwe, ämi oua apasa pwe ewe Samol mi Lapalap a ngenikemi soufos me lon Papilon.

Jeremaia 36:12

Mürin a feila ngeni imwen ewe king lon rumwen ewe seketeri, ia ekewe nöüwis meinisin ra mwich ie. Elisama ewe seketeri, Telaia nöün Semaia, Elnatan nöün Akpor, Kemaria nöün Safan, Setekia nöün Hanania me ekewe nöüwis meinisin ra nom.

Jeremaia 37:13

Lupwen a tori ewe Asamalapen Peniamin, ewe meilapen mwichen chon mas itan Iria nöün Selemia we mwän, nge Selemia nöün Hanania, a turufi Jeremaia o üra, “En ka mochen sü ngeni ekewe chon Papilon.”

Jeremaia 37:19

Ikafair nöümi kewe soufos ra osuni ngenikemi o üra, ‘Ewe kingen Papilon esap feito pwe epwe maun ngenikemi me ei fanü?’

Jeremaia 49:34

Iwe, ewe Samol mi Lapalap a kapas ngeni ewe soufos Jeremaia fänäsengesin Elam lepoputän mwün Setekia ewe kingen Juta.

Jeremaia 51:59

Iwe, ewe soufos Jeremaia a öüröüra Seraia nöün Neria we mwän, nge Neria nöün Maseia we, lupwen a eti Setekia ewe kingen Juta le feila Papilon lon arüanün ierin mwün Setekia. Iwe, Seraia i meilapen chon tümwünü ewe sai.

Isikiel 13:6

Mine ra osuni a mwakel, nge mine ra pweei a chofana. Ra apasa, ‘Iei alon ewe Samol mi Lapalap,’ nge ngang üsap tinirela. Iwe, ra chök ekieki pwe mine ra apasa epwe pwönüetä.

Osea 7:3

Ra apwapwai ewe king ren ar föför mi ngau, ra pwal apwapwai ekewe samol ren ar kapas chofana.

Josua 10:12

Iwe, lon ewe ränin, lupwen ewe Samol mi Lapalap a atolonga ekewe chon Amor lepöün chon Israel, Josua a kapas ngeni ewe Samol mi Lapalap o apasa me fän mesen ekewe chon Israel, “Akkar, kopwe üla me asen Kipeon, nge en, maram, kopwe üla me asen ewe lemolun Aialon.”

Josua 9:3

Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,