Jeremaia 27:9 - Chuukese Bible

⁹ Iei mine ousap aüselinga alon nöümi kewe soufos, nöümi kewe soupwe, nöümi kewe soutan, nöümi kewe souawarawar ika nöümi kewe sourong mi ürenikemi pwe ousap wisen angang ngeni ewe kingen Papilon.

Jeremaia 27:9 Iomraidhean Croise

Ekistos 22:18

Oupwe niela ekewe sourong fefin meinisin.

Ekistos 7:11

Mürin, Farao a titi ekewe soutipachem me soupöüt, pwal ir ekewe sourongen Isip. Iwe, ra föri usun mine Aaron a föri.

Än Salomon Fos 19:27

Nei, are kopwe ükütiu le aüselinga ekewe kapasen öüröür, mürin kopwe pwal müttir tümwününgau ngeni mine ka fen sile.

Aisea 8:19

Iwe, aramas repwe ürenikemi pwe oupwe aisini ekewe watawa me ekewe sourong mi ngorongor me ngüngü. Nge ämi oupwe chök aisini ämi Kot. Pun pwota oupwe aisini ngünün ämi kewe somä fän iten chokewe mi manau?

Jeremaia 14:14

Iwe, ewe Samol mi Lapalap a üreniei, “Ekewe soufos ra eäni itei lon ar osuni mine a chofana. Üsap akünöör, üsap allük ngeniir, üsap pwal kapas ngeniir. Ra kapas ngenikemi usun künaer mi chofana, ar pwee a lomotongau, pun ra püsin ekiekietä.

Jeremaia 23:16

Iei alon ewe Samol mi Unusen Manaman ngeni ekewe aramasen Jerusalem, “Ousap aüselinga än ekewe soufos kapas, ir ätekewe mi osuni ngenikemi pwe oupwe apilükülük mwäl. Ra fos usun künaer seni püsin ar ekiek, nge sap fän aloi.

Jeremaia 23:25

Üa rongorong mine ekewe soufos mi osuni mine a chofana fän itei ra apasa, ir mi üra pwe üa fos ngeniir lon ar tan.

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Jeremaia 29:8

Ngang ewe Samol mi Unusen Manaman, ewe Koten Israel üa ürenikemi pwe ousap tup ren nöümi kewe soufos me nöümi kewe soupwe mi nom leimi. Ousap aüseling ngeni ekewe tan ra eäni.

Isikiel 21:29

Nöümi soufos ra küna mine a mwakel, nge nöümi soupwe ra chofana ngenikemi. Ewe ketilas epwe pökü üen ekewe chon föföringau, a tori ränir, ewe ränin apwüngün lesopolan.

Taniel 4:7

Iwe, ekewe soutipachem me sourong, ekewe souürür me soupwe ra feito. Iwe, üa apworausa ngeniir ai we tan, nge resap tongeni awewe ngeniei wewen.

Mika 3:7

Ekewe souwo repwe itengau, nge ekewe soupwe repwe küna säw, repwe fokun mitingau, pun Kot esap pälüeniir.

Sekaraia 10:2

Ekewe aramas ra kütta ar alilis seni ekewe uluulun anün leimw me ekewe soupwe, nge palüan me rer a chofana o lomotongau. Ekewe soutan ra apworausa tan mi mwäl, nge ar kapasen achipachip ra pön. Iei mine ekewe aramas ra malechfeil usun sip, ra riaföü pokiten esap wor ar chon mas.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Föför 8:11

Aramas ra fokun aüselinga, pun fansoun langatam a amairüür ren an föri angangen roong.

Efisos 5:6

Ousap tup ren än aramas kapasen atuputup, pun ren ekei sokun föför än Kot song epwe tori chokewe mi lükümach ngeni.

Tuteronomi 13:2

are ewe asisil ika manaman a kapas usun a fis, nge mürin a pwal apasa: Ousipwe fel ngeni pwal ekoch kot o angang ngeniir, sokun kot ousap sileer me mwan,

Tuteronomi 18:14

Pun chon ekewe mwü ämi oupwe fanüeni fanüer ra aüselinga souasisil me soupwe. Nge ewe Samol mi Lapalap esap mwüt ngenikemi pwe opwe föri iei usun.”

Josua 13:22

Iwe, pwal Palaam nöün Peor we mwän ewe soupwe a fitilong lein chokewe ekewe aramasen Israel ra niela.

Pwärätä 18:23

Esap chüen wor eman epwe küna tinen eu lamp lon en, esap pwal chüen wor eman epwe rongorong möngüngün ekewe mwän apwüpwülü söfö me fin apwüpwülü söfö me lon en. Noumw kewe chon amömö a wor ar pöchökül won unusen fanüfan, nge ren om angangen rong ka atupu aramasen fanüfan meinisin!”

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

Pwärätä 22:15

Nge me lükün ewe telinimw a wor chon föri sokun föför mi ngau usun kolak, chon föri angangen rong, chon lisowu, chon niela aramas, chon angang ngeni anümwäl me chon chofona lon ar kapas pwal lon ar föför.

Pwärätä 9:21

Resap pwal aier seni ar niela aramas, ar föri angangen rong me föri föförün lisowu ika ar solä.