Jeremaia 27:7 - Chuukese Bible

⁷ Chon ekewe mwü meinisin repwe angang ngeni, pwal ngeni nöün me nöün nöün, tori epwe war püsin feiengauen mwün. Mürin ir repwe angang ngeni chomong mwü me king mi lap.

Jeremaia 27:7 Iomraidhean Croise

Kölfel 37:13

Nge ewe Samol a takiri ekewe aramasangau, pun a silei pwe a arap ränin ar mäla.

Aisea 13:1

Iei ewe kapasen osuni usun Papilon, Kot a pwäri ngeni Aisea nöün Am we mwän lon künan:

Aisea 21:9

Mürin chök ekewe chon wawa oris ra war. Iwe, ewe chon mas a apasa, “A tur, a tur Papilon, ar kewe uluulun anümwäl ra mökküla o parasala le pwül.”

Jeremaia 27:22

“Ekei pisek repwe oola Papilon o nonom ikenan tori ewe rän üpwe pisefäliir. Mürin ngang üpwe aliwinireto o anomusefäliir lon ei leni. Ngang ewe Samol mi Lapalap üa kapas.”

Jeremaia 34:1

Iwe, ewe Samol mi Lapalap a kapas ngeni Jeremaia, lupwen Nepukatnesar ewe kingen Papilon me nöün mwichen sounfiu meinisin, pwal chon ekewe mwü me ainang meinisin won fanüfan mi nom fän nemenian ra maun ngeni Jerusalem me ekewe telinimw ünükün.

Jeremaia 44:30

Üpwe asechalong Farao Ofra ewe kingen Isip lepöün ekewe chon oputan mi mochen niela, usun üa asechalong Setekia ewe kingen Juta lepöün Nepukatnesar ewe kingen Papilon, ewe chon oputan mi mochen niela. Ngang ewe Samol mi Lapalap üa kapas.”

Jeremaia 46:13

Iei ewe kapas ewe Samol mi Lapalap a apworausa ngeni ewe soufos Jeremaia fänäsengesin waren Nepukatnesar ewe kingen Papilon, pwe epwe atai ewe fanü Isip,

Jeremaia 52:31

Iwe, lon ewe ier, lupwen Ewil-merotak ewe kingen Papilon a popuetä le nemeni Papilon, a kirikiröch ngeni Jehoiachin ewe kingen Juta o atowu seni imwen fötek. Ei a fis lon rüe me limuen ränin ewe engol me ruuen maram lon ilik me fisuen ierin än Jehoiachin oola.

Isikiel 30:24

Mürin üpwe apöchöküla pöün ewe kingen Papilon o isenalong nei ketilas lepöün. Nge üpwe kupi pöün Farao, pwe epwe ngüngü me mwen chon oputan, usun eman aramas mi arap ngeni mäla ren kinasan.

Taniel 2:37

Ai king, en ewe king mi lap seni king meinisin, pun ewe Koten läng a ngonuk mwum, nemenem, manaman me ling.

Taniel 4:22

Ai king, en ka wewe ngeni ewe irä, pun ka mämäritä o pöchökülela. Om iteüöch a fefeitä pwe a tori läng, nge om nemenem a tori unusen fanüfan meinisin.

Apakuk 2:7

Ifa usun, ekewe chon liwinimang ngonuk resap müttir ütä, resap pwök o föri mine kopwe chechech ren? Mürin en kopwe wiliti liaper.

Apakuk 2:8

En ka soläni pisekin chomong mwü. Nge iei chokewe mi chüen manau seni ekewe mwü meinisin repwe soläni pisekum, pun ka nimanauei ekewe aramas o föri angangen mwänewüs ngeni chon fanüfan, ngeni ekewe telinimw me chokewe mi imweimw lor.

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 16:19

Ewe telinimw watte a kinikin lon ülüngat kinikin, nge telinimwen ekewe fanü meinisin ra tala. Iwe, Kot esap manlükala Papilon, ewe telinimw mi lapalap, a aünü ngeni ewe wain seni an kap, iei ewe wainen an lingeringer mi fokun afeiengau.