Jeremaia 27:4 - Chuukese Bible

⁴ Kopwe ngeniir ei pworaus fän iten ar kewe king, ‘Iei alon ewe Samol mi Unusen Manaman ewe Koten Israel ngeniir:

Jeremaia 27:4 Iomraidhean Croise

Ekistos 5:1

Mürin, Moses me Aaron ra feila ren Farao o üreni, “Iei alon ewe Samol mi Lapalap ewe Koten Israel, ‘Kopwe mwüt ngeni nei aramas pwe repwe feila o föri eu chulap fän itei lon fanüapö.’”

Jeremaia 10:10

Nge en Samol mi Lapalap ewe Kot mi let. En ewe Kot mi manau me ewe king mi nom tori feilfeilachök. Lupwen ka song, fanüfan a chechech, nge chon ekewe mwü resap tongeni manau fän om song.

Jeremaia 10:16

Nge än Jakop we Kot esap usun ekei anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Jeremaia 25:27

Mürin, ewe Samol mi Lapalap a üreniei, “Kopwe kapas ngeni ekewe aramas pwe iei alon ewe Samol mi Unusen Manaman, ewe Koten Israel, ‘Oupwe ün tori oupwe pulas o mus. Oupwe turula, nge ousap chüen ütäsefäl pokiten ewe maun üpwe tinala remi.’

Jeremaia 27:3

Mürin kopwe tinala pworaus ngeni ewe kingen Etom, ewe kingen Moap, ewe kingen Amon, ewe kingen Tirus me ewe kingen Siton ren nöür kewe chon künö mi feito Jerusalem ren Setekia ewe kingen Juta.

Jeremaia 27:5

Ngang ewe mi föri fanüfan pwal aramas me man mi nom won ren ai manaman me ai pöchökül. Iwe, ngang üa filätä iö kana üpwe ngeni ekei mettoch.

Jeremaia 28:14

Pun iei alon ewe Samol mi Unusen Manaman, ewe Koten Israel, ‘Ngang üpwe ämwärätä won üen chon ekei mwü meinisin efoch waasen angangochou seni mächä, pwe repwe angang ngeni Nepukatnesar ewe kingen Papilon. Üpwe pwal föri pwe ekewe manmwacho mwo nge repwe angang ngeni.’”

Jeremaia 51:19

Nge än Jakop we Kot esap usun ekei uluulun anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.