Jeremaia 27:13 - Chuukese Bible

¹³ Pwota ämi me noum aramas oupwe mäla ren maun, ren lengita me mätter, usun ewe Samol mi Lapalap a fen apasa epwe fis ngeni chon ekewe mwü meinisin resap mochen angang ngeni ewe kingen Papilon?

Jeremaia 27:13 Iomraidhean Croise

Än Salomon Fos 8:36

Nge ätewe esap künaei a püsin afeiengaua inisin. Meinisin mi oputaei ra efich mäla.”

Jeremaia 17:4

Oupwe fangatä fanüemi üa ngenikemi, nge ngang üpwe föri pwe oupwe angang ngeni chon oputakemi me lon eu fanü ämi ousap silei. Pun ai song a usun chök ekkei mi pulopul tori feilfeilachök.”

Jeremaia 24:9

Üpwe föri pwe repwe och minen eniweniw ngeni chon ekewe mwü won unusen fanüfan, repwe itengau, aramas repwe leaweniir lon ar kapasen turunufas me ämängau, pwal lon ar ottek me lon ekewe leni meinisin ia üpwe asürela ie.

Jeremaia 27:8

Nge are eu mwichen aramas ika chon eu mwü resap mochen angang ngeni Nepukatnesar ewe kingen Papilon o ämwäralong üwer fän ewe waas än ewe kingen Papilon, üpwe apwüngü chon ei mwü ren maun, ren lengita me mätter tori üpwe aroserela ren pöün. Ngang ewe Samol mi Lapalap üa kapas.

Jeremaia 38:2

“Iei alon ewe Samol mi Lapalap: Iteiten eman me eman mi nomotiu lon ei telinimw epwe mäla ren maun, ren lengita me mätter. Nge iteiten eman me eman mi fangatä ngeni ekewe chon Papilon esap mäla. Repwe en me püsin kütta manauan.

Jeremaia 38:20

Nge Jeremaia a üra, “Resap asechikolong lepöür. Kopwe aleasochisi mine üa ürenuk fän alon ewe Samol mi Lapalap, mürin kopwe feiöch, nge kosap mäla.

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Isikiel 14:21

Ewer, iei alon Kot ewe Samol mi Lapalap, “Epwe fen ifan feiengauen chon Jerusalem, lupwen üpwe tinala rer ai kewe rüanü feiengau mi watte, maun, lengita, manmwacho me mätter, pwe üpwe arosala aramas me man?

Isikiel 18:24

Nge are eman aramas mi pwüng a kul seni an föför mi pwüng o föri mine a pwüngingau, are a apirü än eman aramasangau föför mi anioput, ifa usun, epwe manau? Apwi! An kewe föför mi pwüng meinisin üsap chüen chechemeniir. Pokiten an pupungau me tipis epwe mäla.

Isikiel 18:31

Oupwe pöütala ämi pupungau meinisin oua föriir. Oupwe angei seniei eu leluk mi fö me eman ngün mi fö. Pwota oua mochen mäla, ämi chon Israel?

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?