Jeremaia 26:4 - Chuukese Bible

⁴ Iwe, kopwe üreniir, pwe iei aloi ngang ewe Samol mi Lapalap, ‘Are ousap mochen aüselingaei o aleasochis ngeni ai kewe allük üa ngenikemi,

Jeremaia 26:4 Iomraidhean Croise

1. King 9:6

Nge are ämi me mwirimwirum kana oupwe kul seniei, are oua aleasolap ngeni ai kewe allük me pwüüng üa ngenikemi, are oupwe angang ngeni pwal ekoch kot o fel ngeniir,

Aisea 1:20

Nge are oua lükümach o ü ngeniei, oupwe mäla lon maun. Ngang ewe Samol mi Lapalap üa kapas.”

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 22:5

Nge are ousap aleasochisi ekei kapas, üa püsin akapelüei pwe ei imwen king epwe wiliti eu imw mi tala. Ngang ewe Samol mi Lapalap üa kapas.’

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 44:10

Ousap püsin atekisonakemi tori ikenai, ousap meninitiei, ousap pwal föri pwüngün ekewe allük me pwüüng üa ngenikemi me ämi kewe lewo.”

Jeremaia 44:23

Pokiten oua keni apach mi pwokus o tipis ngeni ewe Samol mi Lapalap, ousap pwal aleasochis ngeni ika föri pwüngün an kewe allük me pwüüng, ei feiengau a torikemi, usun a fis ikenai.”

Jeremaia 7:14

Iei mine met üa föri ngeni Silo üpwe pwal föri ngeni ei imw mi föü itei won, oua anomu ämi apilükülük won. Üpwe pwal föri iei usun ngeni ei leni üa ngenikemi me ämi kewe lewo.

Tuteronomi 11:32

oupwe tümwünüöchü le apwönüetä ekewe allük me pwüüng meinisin üa ngenikemi ikenai.”

Tuteronomi 31:20

Iwe, üpwe emwenirelong lon ewe fanü mi pwülüöch o fanüeräs üa pwon fän akapel pwe üpwe ngeni ar kewe lewo. Nge lupwen epwe wor chomong ener mongö pwe ra möt o kitinupula, mürin repwe kul ngeni pwal ekoch kot o fel ngeniir. Iwe, repwe pöütieila o atai ai we pwon.

Tuteronomi 4:44

Iwe, ikkei ekewe allük Moses a ngeni ekewe aramasen Israel.

Tuteronomi 4:8

Nge meni mwü mi watte a wor an allük me pwüüng mi fokun pwüngüöch, usun ekei allük meinisin üa aiti ngenikemi ikenai?”

Ipru 6:18

Ikkei ekewe ruu mettoch resap tongeni siwil, pun esap tufich pwe Kot epwe tongeni chofona. Iei mine kich mi nom fän tümwünüan sia fokun tipepwora lon ach kamwöchünük lon ewe apilükülüköch a anomu mwach.