Jeremaia 26:21 - Chuukese Bible

²¹ Nge lupwen ewe king Jehoiakim me nöün sounfiu pwal ekewe nöüwis meinisin ra rongorong an kewe kapas, ewe king a kütta Uria pwe epwe niela. Nge lupwen Uria a rong usun, a niuokus o süla Isip.

Jeremaia 26:21 Iomraidhean Croise

1. King 18:10

Mwo manauen ewe Samol mi Lapalap om we Kot, esap wor eu mwichen aramas ika mwü, ia ai we samol esap tinala aramas ie pwe repwe küttok. Nge lupwen ewe mwichen aramas ika mwü ra apasa pwe kosap nom, Ahap a arianiir pwe repwe akapel are a let pwe rese künok.

2. Kronika 16:10

Mürin, Asa a song ngeni ewe soufos pokiten an kei kapas. A fokun lingeringer pwe a aturalong lon imwen fötek. Lon ewe chök fansoun Asa a pwal fokun ariaföüü ekoch me lein ekewe aramas.

2. Kronika 24:21

Nge ekewe aramas ra rawangauei Sekaraia. Fän än ewe king allük ra monei ngeni fau lon ewe leni lükün imwen ewe Samol mi Lapalap.

Kölfel 119:109

Üa fangala manauei pwe üpwe tolong lon feiengauen mäla fansoun meinisin, nge üsap manlükala om kewe allük.

Än Salomon Fos 29:25

Om niuokusiti aramas, iei eu sär fän itom, nge are ka apilükülükü ewe Samol mi Lapalap, kosap feiengau.

Jeremaia 26:10

Nge lupwen ekewe nöüwisen Juta ra rongorong ekei pworaus, ra feila seni imwen ewe king o feila ren imwen ewe Samol mi Lapalap. Iwe, ra mot won ar lenien mot lon ewe Asamalap mi Fö me lon imwen ewe Samol mi Lapalap.

Jeremaia 36:26

Nge a fen allük ngeni Jeramel nöün we mwän, pwal ngeni Seraia nöün Asriel me Selemia nöün Aptel, pwe repwe feila o turufi ewe soumak Paruk me ewe soufos Jeremaia. Nge ewe Samol mi Lapalap a aopeer.

Jeremaia 38:4

Mürin, ekewe nöüwis ra üreni ewe king, “Kopwe mwütätä pwe ei mwän epwe ninnila. Pun a akisikisala leluken ekewe sounfiu mi chüen nom lon ei telinimw me leluken ekewe aramas meinisin ren an apasa ekei sokun kapas ngeniir. Ei mwän esap kütta feiöchün ekei aramas, ngei feiengauer.”

Mateus 10:23

Iwe, lupwen repwe ariaföüükemi lon eu telinimw, oupwe süla lon pwal eu. Üpwe fokun ürenikemi, pwe ousamwo wes le föri ämi angang lon ekewe telinimwen Israel meinisin mwen ewe Nöün Aramas epwe liwinsefäl.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Mateus 10:39

Iö a ekiekin püsin tümwünü manauan, epwe pöüt seni, nge iö a pölükü manauan fän itei, epwe amanaua manauan.

Mateus 14:5

Herotes a ekiekin niela Johannes, nge a niuokusiti ekewe chon Juta, pun ra ekieki pwe Johannes eman soufos.

Markus 6:19

Iei mine Herotias a fokun song ngeni Johannes o a ekieki an epwe niela. Nge esap tongeni pokiten Herotes.