Jeremaia 26:2 - Chuukese Bible

² “Kopwe ütä lon ewe leni lükün ewe imwenfel o kapas ngeni chon ekewe telinimwen Juta meinisin mi feito pwe repwe fel lon ewe imwenfel. Kopwe üreniir meinisin mine üa allük ngonuk, nge kosap likiti eu kapas.

Jeremaia 26:2 Iomraidhean Croise

Jeremaia 1:17

Nge en Jeremaia kopwe amolokotä. Kopwe feila o üreniir meinisin mine üa akünö ngonuk. Kosap rükö rer, pwe üsap arüköök me fän meser.

Jeremaia 1:7

Nge ewe Samol mi Lapalap a üreniei, “Kosap apasa pwe en eman mi chök ier kükün. Pun kopwe feila ren chokana meinisin üpwe tinukela rer, nge kopwe apasa meinisin mine üa akünö ngonuk.

Jeremaia 19:14

Mürin, Jeremaia a liwinto seni Tofet, ewe ia ewe Samol mi Lapalap a tinala ie pwe epwe osuni. Iwe, a ütä lon ewe leni lükün imwen ewe Samol mi Lapalap o üreni ekewe aramas meinisin,

Jeremaia 23:28

Eman soufos mi eäni eu tan epwe apworausa ewe tan, nge ätewe mi rongorong ai kapas epwe pwärätä ai kapas fän allükülük. Met wewefengenin fetilipwas me wiich?

Jeremaia 25:2

Iei ekewe kapas ewe soufos Jeremaia a üreni ekewe aramasen Juta me chon Jerusalem meinisin,

Jeremaia 28:5

Mürin üa kapas ngeni ewe soufos Hanania me fän mesen ekewe souasor me ekewe aramas meinisin mi nom lon imwen ewe Samol mi Lapalap.

Jeremaia 36:10

Mürin, Paruk a aleani än Jeremaia kewe kapas seni lon ewe toropwe, nge ekewe aramas meinisin ra rongorong. A aleani me lon imwen ewe Samol mi Lapalap lon rumwen Kemaria nöün Safan we mwän ewe seketeri. Ei rum a nom lon ewe leni asan ünükün ewe Asamalap mi Fö, asamen ewe imwenfel.

Jeremaia 42:4

Iwe, ewe soufos Jeremaia a üreniir, “Üa rongorong mine oua apasa. Üpwe fokun iotek ngeni ewe Samol mi Lapalap ach we Kot fän äsengesin mine oua tüngor, nge meinisin mine ewe Samol mi Lapalap epwe eäni pälüen üpwe ürenikemi. Üsap tükümala och senikemi.”

Jeremaia 7:2

pwe epwe feila o ütä leasamalapen ewe imwenfel. Epwe aronga ekei kapas ngeni ekewe chon Juta meinisin mi feito pwe repwe fel ngeni ewe Samol mi Lapalap,

Jeremaia 7:27

Iei mine, Jeremaia, kopwe üreniir ekei kapas meinisin, nge ir resap aüseling ngonuk. Kopwe kökköriir, nge ir resap päpälüen.

Isikiel 3:10

Iwe, a pwal apasa ngeniei, “Nöün aramas, kopwe fokun aüselinga ai kewe kapas meinisin üpwe ürenuk pwe kopwe iseis lon letipom.

Isikiel 33:7

Nge en, nöün aramas, üa awisa ngonuk wisen eman chon mas fän iten chon Israel. Iteiten fansoun, lupwen kopwe rongorong eu kapasen fön seniei, kopwe fönöör ren.

Isikiel 40:4

Iwe, ewe mwän a üreniei, “Nöün aramas, kopwe nengeni ren mesom, kopwe pwal aüseling ren selingom o iseis lon letipom meinisin mine üpwe aiti ngonuk, pun iei popun Kot a emwenuketo ikei. Kopwe asile ngeni chon Israel meinisin mine kopwe küna.”

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Lukas 19:47

Iwe, Jesus a afalafal lon ewe imwenfel iteiten rän. Ekewe souasor mi lap, ekewe Sensen Allük me souemwenin ekewe aramas ra mochen pwe repwe niela Jesus,

Johannes 18:20

Jesus a pölüeni, “Fansoun meinisin üa kapas le pwäpwäla ngeni aramas meinisin. Üa afalafal lon ekewe imwen felikis pwal lon ewe imwenfel ia ekewe aramas meinisin ra mwichfengen ie. Üsap apasa och le monomon.

Johannes 8:2

Lesosorusichin sorotän ewe rän a liwinsefäliti ewe imwenfel. Iwe, ekewe aramas meinisin ra mwicheto ren, nge Jesus a mottiu o popuetä le afalafaleer.

Föför 20:20

Oua silei pwe üsap amwöchü och mine epwe alisikemi lupwen üa afalafalakemi o aiti ngenikemi ewe pworaus usun ewe Samol Jesus lon mwichen aramas pwal lon en me imwan.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

Föför 5:25

Mürin eman mwän a war o üreniir, “Nengeni, ekewe mwän oua atururelong lon imwen fötek ra nom lon imwenfel o afalafala ekewe aramas.”

Föför 5:42

Iwe, iteiten rän ra sopwela le afalafal lon ewe imwenfel pwal lon imwen aramas o aiti ngeni aramas ewe Pworausen Manau pwe Jesus ewe Kraist.

Tuteronomi 12:32

Iwe, oupwe tümwünüöchü le föri meinisin mine üa allük ngenikemi. Ousap apacha och ngeni ika angei och seni.

Tuteronomi 12:5

Nge oupwe feila ngeni ewe chök leni ewe Samol mi Lapalap ämi we Kot epwe filätä seni lein fanüen ämi kewe ainang meinisin, pwe aramas repwe fel ngeni ie, epwe pwal föri pwe lenian. Ikenan oupwe feila ie,

Tuteronomi 4:2

Ousap apachätä och ngeni ekewe kapas üa allük ngenikemi, ousap pwal aimwü och seni. Iwe, oupwe aleasochis ngeni ekewe allük än ewe Samol mi Lapalap ämi we Kot, usun üa allük ngenikemi.

Josua 8:35

Iwe, esap wor eu kapas Josua a likiti seni ekewe kapas meinisin Moses a allük, pwe a aleaniir meinisin me fän mesen unusen ewe mwichen chon Israel, me fän mesen ekewe fefin, ekewe semirit me ekewe chon ekis mi nom rer.

Pwärätä 22:19

Nge are eman epwe angei och seni ekewe kapasen osuni mi mak lon ei puk, Kot epwe angei seni wisan me won ewe irän manau pwal wisan me won ewe Telinimw mi Pin usun a mak lon ei puk.