Jeremaia 26:19 - Chuukese Bible

¹⁹ Ifa usun, ewe king Hiskia me chon Juta meinisin ra niela Mik? Ifa usun, Hiskia esap niuokusiti ewe Samol mi Lapalap o kütta an ümöümöch me ren? Ifa usun, ewe Samol mi Lapalap esap siwili an ekiekin afeiengaueer a fen kapas usun? Nge iei kich sipwele awarato feiengau watte woch.”

Jeremaia 26:19 Iomraidhean Croise

2. Samuel 24:16

Nge lupwen ewe chon läng a aitiela pöün ngeni Jerusalem pwe epwe afeiengaua aramasan, ewe Samol mi Lapalap a lamalamala pokiten ewe feiengau o üreni ewe chon läng mi eäni ewe angangen afeiengau lein ekewe aramas, “Kopwe ükütiu. Kopwe aitietiu poum.” Nge nöün ewe Samol mi Lapalap chon läng a nom ren ewe lenien wichiwich umwun wiich än Arauna ewe re Jepus.

2. Kronika 32:20

Mürin, ewe king Hiskia me ewe soufos Aisea nöün Amos we mwän ra iotek o siötä läng pokiten ekei lapalap.

2. Kronika 34:21

“Oupwe feila, oupwe aisini ewe Samol mi Lapalap fän itei, pwal fän iten chokewe mi chüen manau lon Israel me Juta usun ekewe kapas mi mak lon ei puk ra küna. Pun än ewe Samol mi Lapalap song a fokun watte ngenikich, pokiten ach kewe lewo resap aleasochisi alon, pwe repwe föri meinisin mine a mak lon ei puk.”

Ekistos 32:14

Mürin, ewe Samol mi Lapalap a siwili an ekiekin afeiengaua nöün aramas.

Aisea 26:21

Iwe, ewe Samol mi Lapalap epwe towu seni lon lenian, pwe epwe apwüngü chon fanüfan pokiten ar tipis. Ewe angangen nimanau mi fis won fanüfan le monomon epwe pwäpwäla, nge ewe pwül esap chüen aopala chokewe mi ninnila.

Aisea 37:1

Iwe, lupwen ewe king Hiskia a rong ei pworaus, a pwal kamwei üfan fän an letipeta o üföüfolong üf seni tuk. Mürin a feila lon imwen ewe Samol mi Lapalap.

Aisea 37:4

Eli ewe Samol mi Lapalap om we Kot a rong alon ewe meilapen sounfiu, ätewe an samol ewe kingen Asiria a tinato pwe epwe turunufasei ewe Kot mi manau. Iwe, ewe Samol mi Lapalap om we Kot epwe apwüngü ätewe ren an kewe kapas a apasa. Iei mine kopwe iotek fän iten chokewe ra chüen manau.”

Jeremaia 26:15

Nge oupwe chök silei pwe ika oua nieila, oupwe atoto womi pwal won ei telinimw me aramasen lon liwinin chan eman esap wor an tipis. Pun a let pwe ewe Samol mi Lapalap a tinieito remi pwe üpwe asile ngenikemi ekei kapas meinisin.”

Jeremaia 26:3

Eli repwe rongorong o kul seni ar kewe lapalap mi ngau, pwe ngang üpwe siwili ai ekiekin afeiengaueer üa ekiekin föri ngeniir pokiten ar kewe föför mi ngau.

Jeremaia 44:7

Nge iei usun mine Kot ewe Samol mi Unusen Manaman, ewe Koten Israel a apasa, “Pwota oua awarato ei sokun feiengau ngenikemi ren ämi ärala seni Juta mwän me fefin, mönükol me semirit, nge ousap likiti eman lusun mi chüen manau?

Amos 7:3

Mürin, ewe Samol mi Lapalap a siwili an ekiek o üra, “Mine ka küna esap fis.”

Apakuk 2:10

Nge om raw a chök awarato säw won chon leimwom. Ren om arosala chomong mwü, ka chök püsin awarato feiengau womw.

Sekaraia 7:2

Lon ewe fansoun ekewe aramasen Petel ra tinala Sareser me Rekem-melek fiti aramaser ren imwenfelin ewe Samol mi Unusen Manaman, pwe repwe tüngor ngeni ewe Samol mi Lapalap pwe epwe ümöümöch ngeniir.

Numperis 16:38

Nge ekewe sepien asoren ötüöt än ekewe mwän mi mäla pokiten ar tipis, repwe nechenech o achöpöp pwe pwölüpwölün ewe rongen asor. Pokiten ra aea le asor me fän mesen ewe Samol mi Lapalap, iei mine ra pin. Iwe, repwe eu asisilen fön ngeni ekewe aramasen Israel.”

Mateus 23:35

Iei mine epwe feitiu womi ewe apwüng fän iten ninnilan ekewe aramas mi pwüng meinisin, seni ninnilan ewe chon pwüng Epel tori ninnilan Sekaraia nöün Perekia, ätewe oua niela lefilen ewe imwenfel me ewe rongen asor.

Föför 5:39

nge are a pop seni Kot, ousap tongeni aüküretiu. Oupwe chök silei pwe oua fiu ngeni Kot.” Iwe, ewe mwichen soupwüng a tipeeu ngeni än Kamaliel we öüröür ngeniir.

Pwärätä 16:6

Pun ra ninätiu chaan ekewe chon pin me ekewe soufos, iei mine ka ngeniir cha pwe repwe ünümi usun a fich ngeniir!”