Jeremaia 26:16 - Chuukese Bible

¹⁶ Mürin, ekewe nöüwis me ekewe aramas meinisin ra üreni ekewe souasor me ekewe soufos, “Ese pwüng ngeni ei mwän an epwe mäla, pun a kapas ngenikem fän alon ewe Samol mi Lapalap ach we Kot.”

Jeremaia 26:16 Iomraidhean Croise

Ester 4:14

Pun are ka fanafanala lon ei fansoun, alilisin me ngasalan chon Juta epwap fis seni pwal eu leni. Nge en me aramasom oupwe mäla. Eli fen iei popun ka wiseni ewe wisen kiwiin fän äsengesin ei sokun lapalap mi fis lon ei fansoun?”

Kölfel 94:16

Iö epwe ütä fän itei o ü ngeni ekewe aramasangau? Iö epwe nom won peki o ü ngeni ekewe chon föföringau?

Än Salomon Fos 16:7

Are än eman aramas föför a apwapwai ewe Samol mi Lapalap, i epwe pwal föri pwe chon oputan repwe kinamwe ngeni.

Jeremaia 26:11

Mürin, ekewe souasor me ekewe soufos ra üreni ekewe nöüwis me ekewe aramas meinisin, “A pwüng ngeni ei mwän an epwe mäla, pun a osuni talan ei telinimw, usun oua fen püsin rongorong.”

Jeremaia 34:10

Iwe, ekewe nöüwis me ekewe aramas meinisin mi föri ewe pwon ra tipeeufengen pwe repwe angasala nöür amanau mwän me fefin, nge resap chüen nöünisefäliir amanau. Iwe, ra aleasochis o angaserela.

Jeremaia 36:19

Mürin, ekewe nöüwis ra üreni Paruk, “Oupwe feila o op, ämi me Jeremaia, nge ousap asile ngeni eman ia oua op ie.”

Jeremaia 36:25

Inamwo än Elnatan me Telaia me Kemaria tüngormau ngeni ewe king pwe esap kenala ewe toropwe, nge ewe king esap fokun aüselingeer.

Jeremaia 37:15

Iwe, ekewe nöüwis ra fokun song ngeni Jeremaia, ra wichi o kalapusei lon imwen Jonatan ewe seketeri, pun imwan a siwil ngeni eu imwen fötek.

Mateus 27:54

Iwe, lupwen ewe meilapen sounfiu me ekewe sounfiu mi mamasa Jesus ra küna ewe chechen fanü me meinisin mine a fis, ra fokun rükö o apasa, “Enlet, ätei wesewesen Nöün Kot!”

Lukas 23:41

A fokun pwüng mine ra apwüngükich ren, pun kich sia angei liwinin ach kewe föför. Nge ei mwän esap föri och föför mi mwäl.”

Lukas 23:47

Iwe, lupwen ewe meilapen sounfiu a küna mine a fis, a mwareiti Kot o apasa, “Enlet, ei mwän i eman mwän mi pwüng.”

Föför 23:29

Iwe, üa küna pwe esap föri och mine epwe tipisin mäla ren ika tolong lon imwen fötek. Ar kewe kapasen tipi ngeni ra pop seni ekewe kapasen anini usun püsin ar kewe allük.

Föför 23:9

Iwe, ar kapas a leüömongola o ekoch seni ekewe Sensen Allük, ir seni lon ewe mwichen Farisi, ra ütä o ra pöchökül le anini, “Äm aisap tongeni küna och mwälin ei mwän! Eli eman ngün ika eman chon läng a wesewesen kapas ngeni!”

Föför 25:25

Ngang üsap küna och föför a föri fän iten an epwe tipisin mäla. Iwe, pokiten püsin i a tüngor pwe an kapwüng epwe amwet ngeni ewe Sisar, üa ekieki ai üpwe tinala ren.