Jeremaia 24:8 - Chuukese Bible

⁸ Nge ngang ewe Samol mi Lapalap üpwe föri ngeni Setekia ewe kingen Juta me ekewe nöüwis, ngeni ekewe lusun chon Jerusalem mi chüen nom lon ei fanü me chokewe mi feila Isip, pwe repwe usun ekewe föün fiik mi fokun ngau esap wor eman a tongeni ocheer.

Jeremaia 24:8 Iomraidhean Croise

1. Kronika 3:15

Iwe, a wor föman nöün Josia kewe mwän: Johanan ewe mwänichi, Jehoiakim, Setekia me Salum.

Jeremaia 13:7

Mürin, üa feila ren ewe chanpupu Oifrat o tuwetä ewe achök seni lon ewe leni ia üa aopala ie. Iwe, üa küna pwe ewe achök a ngauala, esap chüen wor lomotan.

Jeremaia 21:10

Üa fen apwüngala pwe üpwe ataala ei telinimw, nge üsap achika. Epwe oolong lepöün ewe kingen Papilon, iwe, epwe kenala. Ngang ewe Samol mi Lapalap üa kapas.”

Jeremaia 24:2

Eu chük a wor föün fiik mi mürina lon, usun mwen uän fiik mi nup. Nge ewe pwal eu chük a wor föün fiik mi fokun ngau lon, ra fokun ngau pwe esap wor eman a tongeni ocheer.

Jeremaia 24:5

“Ngang ewe Samol mi Lapalap ewe Koten Israel üa mefi, pwe ekewe chon oola seni Juta, ngang üa tinirela seni ei leni ngeni fanüen chon Papilon, ra mürina usun ekewe föün fiik mi mürina.

Jeremaia 37:10

Are oupwe fen akufu unusen ewe mwichen sounfiun Papilon mi maun ngenikemi, nge epwe chök wor ekoch me leir mi kinas mi nom lon imwer imw mangaku, ir repwe ütä o kenala ei telinimw.’”

Jeremaia 37:17

Mürin, ewe king Setekia a titi Jeremaia o etiwa i. Iwe, a kapas ais ngeni lemonomon me lon imwan o üra, “Ifa usun, mi wor eu kapas seni ewe Samol mi Lapalap?” Nge Jeremaia a pälüeni, “Mi wor. Kopwe tolong lepöün ewe kingen Papilon.”

Jeremaia 43:1

Iwe, lupwen Jeremaia a wes le apworausa ngeni ekewe aramas meinisin alon ewe Samol mi Lapalap ar we Kot a tini ngeni pwe epwe üreniir,

Jeremaia 44:1

Iwe, ewe Samol mi Lapalap a kapas ngeni Jeremaia fän äsengesin ekewe chon Juta meinisin mi nonom lon ewe fanü Isip, lon Miktol, Tapanes me Memfis, pwal lon ewe fanü Patros.