Jeremaia 24:6 - Chuukese Bible

⁶ Üpwe mamaseer o ümöümöch ngeniir, üpwe pwal aliwinisefäliir ngeni ei fanü. Üpwe afefeitäär, nge üsap ataretiu, üpwe fotukiir, nge üsap üttiretä.

Jeremaia 24:6 Iomraidhean Croise

Keneses 44:21

Mürin ka ürenikem pwe aipwe uwato reöm pwim we pwe kopwe küna.

2. Kronika 16:9

Pun ewe Samol mi Lapalap a nenengeni unusen fanüfan, pwe epwe apöchöküla chokewe mi fang ngeni unusen letiper. Om ei föför a mwäl. Iei mine seni ei fansoun epwe chök fifis maun ngonuk.”

Nehemia 5:19

Ai Kot, kopwe chechemeni meinisin mine üa föri fän iten ekei aramas o afeiöchüei.

Kölfel 34:15

Ewe Samol mi Lapalap a mamasa ekewe chon pwüng, selingan a rongorong ngeni ar siö.

Kölfel 44:2

Ka püsin asüela chon ekewe mwü, nge ka fotukätiu äm kewe lewo lon ewe fanü. Ka ariaföüü ekewe aramas, nge ka angasa äm kewe lewo.

Aisea 14:1

Iwe, ewe Samol mi Lapalap epwe ümöümöch ngeni ekewe mwirimwirin Jakop, epwe filisefäli chon Israel o alenier lon poputän fanüer. Chon ekis repwe chiechi ngeniir o pach ngeniir.

Aisea 60:21

Mürin, noum aramas meinisin repwe föri mine a pwüng. Repwe fanüeni ewe fanü tori feilfeilachök, pun üpwe fotukiir ikenan ren püsin pei, pwe üpwe küna ling rer.

Jeremaia 1:10

Lon ei rän üa awisok pwe kopwe nemenem won ekewe fanü me mwü, pwe kopwe üttiretä o kupiretiu, kopwe atarela o atururetiu, kopwe pwal aüretä o fotukiir.”

Jeremaia 12:15

Nge mürin ai üttiretä, üpwe pwal tongeesefäliir o aliwiniir ngeni en me fanüan, pwal en me lenian.

Jeremaia 16:15

Nge repwe apasa, ‘Mwo manauen ewe Samol mi Lapalap mi emwenawu ekewe aramasen Israel seni ewe fanü efeng, pwal seni lon ekewe fanü meinisin ia a asürela ie.’ Pun ngang üpwe aliwinisefälireto ngeni püsin fanüer üa ngeni ar kewe lewo.”

Jeremaia 21:10

Üa fen apwüngala pwe üpwe ataala ei telinimw, nge üsap achika. Epwe oolong lepöün ewe kingen Papilon, iwe, epwe kenala. Ngang ewe Samol mi Lapalap üa kapas.”

Jeremaia 23:3

Nge üpwe achufengeni chokewe mi chüen manau me lein nei aramas seni ekewe fanü meinisin ia üa asürela ie. Üpwe emwenisefälireto ngeni lenier, repwe nöünöütiu o chomongola.

Jeremaia 29:10

Pun iei alon ewe Samol mi Lapalap, ‘Are a wes ekewe fik ier fän iten Papilon, ngang üpwe ämwakemi. Üpwe apwönüetä ai pwon ngenikemi o aliwinikemi ngeni ei leni.

Jeremaia 31:28

Iwe, usun üa mamasa ai üpwe üttiretä o kupiretiu, pwe üpwe atururetiu, ataretiu o afeiengaueer, iei usun üpwe pwal mamasa ai üpwe aüretä o fotukiir.

Jeremaia 31:4

Ämi chon Israel, üpwe aüsefälikemiitä pwe oupwe ütä. Oupwe angesefäli ämi pisekin kaktai o pwörük fän pwapwa.

Jeremaia 32:37

Üpwe achufengeni ekewe aramas seni ekewe fanü meinisin ia üa asürela ie fän ai song me lingeringer watte. Üpwe aliwinireto ngeni ei leni o föri pwe repwe nom fän kinamwe.

Jeremaia 32:41

Üpwe pwapwaiti ai üpwe afeiöchüür, üpwe pwal fotukiretiu lon ei fanü fän allükülük ren unusen letipei me lelukei.

Jeremaia 33:7

Üpwe aliwinisefäli ekewe chon Juta me chon Israel mi oola o aüsefäliretä, pwe repwe usun me mwan.

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Jeremaia 39:12

“Kopwe angei Jeremaia o tümwünüöchü. Kosap afeiengaua, nge kopwe chök föri ngeni usun mine a ürenuk.”

Jeremaia 42:10

‘Are oupwe nomotiu lon ei fanü, mürin ngang üpwe aükemiitä, nge üsap ataakemiitiu. Üpwe fotukikemi, nge üsap üttikemiitä. Pun üa lolilenäsini ai üpwe afeiengauakemi.

Isikiel 36:24

Iwe, üpwe angeekemi seni lein ekewe mwü o achufengenikemi seni lon ekewe fanü meinisin, üpwe pwal aliwinikemiilong lon püsin fanüemi.

Amos 9:14

Üpwe aliwinisefäli nei aramasen Israel ngeni fanüer, nge ir repwe aüsefälietä ekewe telinimw mi tala o nonom lor. Repwe fotuki tanipin wain o ün wain seniir, repwe tanipi o mongö uan.

Tuteronomi 11:12

pwal eu fanü ewe Samol mi Lapalap ämi we Kot a tümwünü. Iwe, mesan a nenengeni ewe fanü seni lepoputän eu ier tori lesopolan.

1. Petrus 3:12

Pun ewe Samol a amanaua ekewe chon pwüng, a rongorong ngeni ar iotek, nge a ü ngeni chokewe mi föri mine a ngau.”