Jeremaia 24:10 - Chuukese Bible

¹⁰ Üpwe tinato rer maun, lengita me mätter tori repwe fokun rosola seni lon ewe fanü üa ngeniir me ar kewe lewo.”

Jeremaia 24:10 Iomraidhean Croise

1. King 14:15

Ewe Samol mi Lapalap epwe apwüngü Israel pwe epwe mwaukuk usun efoch wowo a mänükünük lon koluk. Epwe üttätä chon Israel seni lon ewe fanü mi mürina a ngeni ar kewe lewo, epwe pwal atoropasafeiliir pekilan ewe chanpupu Oifrat, pun ra asonga ewe Samol mi Lapalap ren ar föri uluulun ewe anüfefin Asera.

Aisea 51:19

Ekei ruu feiengau ra feitiu womw: Fanüom a tatakis o pöla ren maun, a pwal toruk lengita. Iö epwe tongeek o achipok?

Jeremaia 14:12

Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 15:2

Nge are repwe aisinuk, ‘Ia aipwe feila ie?’ kopwe üreniir, ‘Iei alon ewe Samol mi Lapalap: Chokewe mi feil ngeni ar repwe mäla ren mätter repwe mäla ren mätter, chokewe mi feil ngeni ar repwe mäla lon maun repwe mäla lon maun, chokewe mi feil ngeni ar repwe mäla ren lengita repwe mäla ren lengita, nge chokewe mi feil ngeni ar repwe oola repwe oola.’

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 19:7

Iwe, lon ei leni üpwe atai än chon Juta me chon Jerusalem akot. Üpwe föri pwe ekewe aramas repwe kuf ren chon oputer o mäla lon maun. Üpwe aochocha ngeni ekewe machang me ekewe manmwacho ekewe somä.

Jeremaia 21:9

Chokewe mi nomotiu lon ei telinimw repwe mäla ren maun, ren lengita pwal ren mätter. Nge chokewe mi towu seni ei telinimw o fangatä ngeni ekewe chon Papilon mi pwelifeili ei telinimw fän pisekin maun repwe manau, repwe chök kütta en me püsin manauan.

Jeremaia 27:8

Nge are eu mwichen aramas ika chon eu mwü resap mochen angang ngeni Nepukatnesar ewe kingen Papilon o ämwäralong üwer fän ewe waas än ewe kingen Papilon, üpwe apwüngü chon ei mwü ren maun, ren lengita me mätter tori üpwe aroserela ren pöün. Ngang ewe Samol mi Lapalap üa kapas.

Jeremaia 29:17

‘Iei alon ewe Samol mi Unusen Manaman: Üpwe awarato maun wor, pwal lengita me mätter, üpwe pwal föri pwe repwe usun chök ekewe föün fiik mi fokun ngau pwe esap wor eman a tongeni ocheer.

Jeremaia 29:18

Üpwe tapweriir fän maun, fän lengita me mätter. Üpwe föri pwe repwe och minen eniweniw ngeni chon ekewe mwü meinisin won fanüfan. Aramas repwe leaweniir lon ar ottek, repwe enniw o küna turunufas me itengau me lein chon ekewe mwü meinisin ia üa asürela ie.

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 32:25

Nge en ai Kot, Samol mi Lapalap, ka üreniei pwe üpwe möni eu fanü ren moni fän mesen chon pwärätä, inamwo ika ewe telinimw a kan ngeni an epwe oolong lepöün ekewe chon Papilon.’”

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Jeremaia 42:17

Ekewe aramas meinisin mi fokun ekiekin feila Isip pwe repwe nonom ikenan repwe fokun mäla lon maun, ren lengita me mätter. Esap wor eman epwe manau seni ewe feiengau üpwe awarato wor.’

Jeremaia 42:22

Iei mine oupwe fokun silei pwe oupwe mäla lon maun, ren lengita me mätter me lon ewe leni ia oua mochen feila o nonom ie.”

Jeremaia 5:12

Nöün ewe Samol mi Lapalap aramas ra kapas mwäl usun o üra, “Esap föri och. Esor feiengau epwe feitiu woch, esap pwal torikich maun me lengita.

Jeremaia 9:15

Iei mine oupwe aüselinga met ngang ewe Samol mi Unusen Manaman ewe Koten Israel üa apasa: Üpwe amongöü ngeni nei aramas mongö mi maras o aünü ngeniir koluk mi poison.

Jeremaia 9:16

Üpwe atoropaseer lein chon ekewe mwü, ir me ar kewe lewo resap sileer me mwan. Üpwe pwal tinala mürir mwichen sounfiu, pwe repwe maun ngeniir tori üpwe aroserela.”

Isikiel 33:27

Iwe, kopwe üreniir pwe iei aloi ngang Kot ewe Samol mi Lapalap: Mwo manauei, chokewe mi imweimw lon ekewe telinimw mi tala repwe mäla ren ketilas, chokewe mi nom lemäl üpwe ngeni ekewe manmwacho pwe repwe ocheer, nge ekewe mi op lon imwen maun me föimw repwe mäla ren mätter.

Isikiel 6:11

Iei alon Kot ewe Samol mi Lapalap, “Isikiel, kopwe aitietä poum o pupures ren om letipeta, kopwe pwal apasa, ‘Feiengauen chon Israel pokiten ar kewe föför mi ngau o anioput meinisin.’ Pun repwe mäla lon maun, ren lengita me mätter.

Isikiel 7:15

Maun a fis won ekewe al, nge mätter me lengita ra fis lon ekewe imw. Ir mi nom lemäl repwe mäla lon maun, nge ir mi nom lon ewe telinimw repwe mäla ren lengita me mätter.

Tuteronomi 28:21

Ewe Samol mi Lapalap epwe awarato mätter ngenikemi, tori i epwe amochakemiila me won ewe fanü oupwe le tolong lon pwe oupwe fanüeni.

Pwärätä 6:8

Iwe, üa nenengeni o üa küna eman oris mi sawepwech, nge ewe mi mot won a iteni mäla o ewe lenien sotup a tapw me mürin. A wor ar nemenem won eu lerüanün chon fanüfan ar repwe niirela ren maun, mailengita, samau me manmwacho.