Jeremaia 24:1 - Chuukese Bible

¹ Iwe, mürin än Nepukatnesar ewe kingen Papilon a uweela seni Jerusalem Jehoiachin ewe kingen Juta nöün Jehoiakim we mwän fiti ekewe nöüwisen Juta, ekewe soufalafal me ekewe chon angang ngeni mächä, o uweerela Papilon, ewe Samol mi Lapalap a pwäri ngeniei künaei. Üa küna ruu chükün föün fiik ra nom mwen ewe imwenfelin ewe Samol mi Lapalap.

Jeremaia 24:1 Iomraidhean Croise

2. King 24:10

Lon ena fansoun nöün Nepukatnesar ewe kingen Papilon kewe meilap fiti nöür sounfiu ra feito Jerusalem o pwelifeili fän pisekin maun.

2. Kronika 36:10

Iwe, wesin ewe ier, ewe king Nepukatnesar a tinala chon künö pwe repwe uwala Jehoiachin Papilon fiti ekewe pisek aüchea seni lon imwen ewe Samol mi Lapalap. Mürin a seikätä Setekia pwin saman we, pwe epwe kingen Juta me Jerusalem.

Aisea 13:1

Iei ewe kapasen osuni usun Papilon, Kot a pwäri ngeni Aisea nöün Am we mwän lon künan:

Jeremaia 13:19

Ekewe telinimwen Juta mi nom ör ra tala, nge esap wor eman a nom pwe epwe aüsefäliretä. Chon Juta meinisin ra oola, fokun meinisin ra oola.”

Jeremaia 27:20

lupwen a uwala Papilon Jehoiachin ewe kingen Juta nöün Jehoiakim we mwän pwal ekewe aramas tekia seni Juta me Jerusalem.

Jeremaia 28:4

Üpwe pwal aliwinato ngeni ei leni Jehoiachin ewe kingen Juta nöün Jehoiakim we mwän me ekewe chon oola meinisin seni Juta mi feila Papilon, pun üpwe kupi ewe waas än ewe kingen Papilon. Ngang ewe Samol mi Lapalap üa kapas.”

Jeremaia 29:1

Iwe, ewe soufos Jeremaia a makei echö toropwe o tinala seni Jerusalem ngeni ekewe souakom lein ekewe chon oola, ngeni ekewe souasor me soufos, pwal ngeni ekewe aramas meinisin Nepukatnesar a fen angeer seni Jerusalem o uweerela Papilon.

Jeremaia 29:2

A makei ei toropwe mürin än ewe king Jehoiachin me inelapan, ekewe nöüwisen lon imwen king me ekewe souemwenin Juta me Jerusalem, ekewe soufalafal me ekewe chon angang ngeni mächä ra oola.

Jeremaia 37:1

Iwe, Setekia nöün Josia we mwän, ätewe Nepukatnesar ewe kingen Papilon a awisa pwe epwe king lon ewe fanü Juta, a siwili Jehoiachin nöün Jehoiakim we mwän lon wisan wisen king.

Isikiel 17:4

Iwe, a uweela ngeni eu fanüen chon amömö o isetiu lon eu telinimwen chon amömö.

Isikiel 19:9

Iwe, ra riri ngeni efoch selimächä o isenalong lon eu tittin man. Ra pwal uweela ren ewe kingen Papilon o aturalong lon imwen fötek, pwe esap chüen wor eman epwe rongorong wörüwörün me won ekewe chukun Israel.

Amos 3:7

Ellet, Kot ewe Samol mi Lapalap esap föri och ika esap pwäri mwo mine a ekiekietä ngeni nöün chon angang ekewe soufos.

Amos 7:1

Iwe, a wor künaei seni Kot ewe Samol mi Lapalap. Üa küna pwe a föri epwi pwiin lifichimas mürin chök än ewe king fetil a pöküpök, nge ewe fetil mi fö ekärän pwükütä.

Amos 7:4

Iwe, a pwal wor künaei seni Kot ewe Samol mi Lapalap. Üa küna pwe Kot ewe Samol mi Lapalap a amolätä an epwe apwüngü nöün aramas ren ekkei. Iwe, ewe ekkei a apwasätä ewe matau mi alolol o popuetä le kenala ewe fanü.

Amos 7:7

Iwe, a pwal wor künaei seni ewe Samol. Üa küna pwe i a ütä ünükün eu tit eman a senätä ren efoch selin awenewen. Iwe, efoch selin awenewen a nom lepöün.

Sekaraia 1:20

Mürin, ewe Samol mi Lapalap a aküna ngeniei föman chon angang ngeni mächä.

Sekaraia 3:1

Mürin, Kot a aküna ngeniei Josua ewe souasor mi lap mi ütä fän mesen nöün ewe Samol mi Lapalap chon läng, nge Satan a ütä lepelifichin Josua pwe epwe atipisi.