Jeremaia 23:9 - Chuukese Bible

⁹ Iei än Jeremaia kapas fänäsengesin ekewe soufos: Letipei a tatakis, unusen inisi a chechech. Ngang üa usun chök eman mwän mi pulas, usun eman mi puchala ren wain pokiten ewe Samol mi Lapalap me an kewe kapas mi pin.

Jeremaia 23:9 Iomraidhean Croise

Kölfel 60:3

Ka ariaföüü noum aramas ren riaföü mi chou, ka aünü ngenikem wain pwe äm aia taroporopfetal ren.

Kölfel 69:20

Ekewe kapasen turunufas ra atatakisi lelukei pwe üa nom lon apilükingau. Üa kütta ika eman epwe tongeei, nge esap wor eman, üa pwal kütta ika eman epwe achipaei, nge esap wor eman.

Aisea 28:1

Feiengauen Samaria, mwärin chokewe mi sikesik won o ünüpuch lon Israel. Lingan mi watte a chök wewe ngeni epö pön irä mi aiolol. Feiengauen ewe telinimw a nom lon ewe lemol mi fokun wöü, ia ra nom ie chokewe mi puch ren wain.

Aisea 29:9

Oupwe weitifengenikemi o nonom lon niuokus. Oupwe püsin achunakemi pwe oupwe chun. Oupwe puchala, nge sap ren wain, oupwe mwaroro, nge sap ren sakau.

Aisea 51:21

Iei mine kopwe rongorong ei kapas, en mi riaföü, ka puchala, nge sap ren wain.

Aisea 6:5

Iwe, üa apasa, “Feiengauei, üpwe mäla, pun ngang eman mwän mi tipis ren ekewe kapas üa apasa ren tinawei, üa pwal imweimw lein aramas mi tipis ren ar kewe kapas ra apasa ren tinawer. Nge mesei a küna ewe King, ewe Samol mi Unusen Manaman.”

Jeremaia 20:9

Nge are üa apasa, “Üsap chüen föüni iten ewe Samol mi Lapalap ika kapas fän itan,” mürin om kapas a usun chök ekkei mi kü me lon lelukei, a pwourur me lechüi. Üa resin apwosalong, nge üsap chüen tongeni.

Jeremaia 36:16

Iwe, lupwen ra rongorong masouen ewe toropwe, ra sapefengen lon ar niuokus o üreni Paruk, “Äm aipwe asile ngeni ewe king ekei kapas.”

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Jeremaia 8:18

Ai letipeta esap tongeni wes, pun a kon watte, lelukei a tatakis.

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Kölün kechü 3:15

A auraei ren riaföü watte o aünü ngeniei koluk mi maras.

Isikiel 13:3

Iei alon Kot ewe Samol mi Lapalap: Feiengauen ekewe soufos mi tiparoch ra osuni seni püsin letiper, nge esap wor künaer.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Isikiel 9:6

Oupwe fokun niela chinlap mwän me alüal me föpwül, pwal semirit me fefin, nge ousap atapa chokewe mi eäni ewe asisil. Iwe, oupwe popuetä me lon leniei mi pin.” Iei mine ra popuetä le niela ekewe souakom ra nom lükün ewe imwenfel.

Taniel 8:27

Iwe, ngang Taniel üa apwangapwangala o samau lon ekoch rän. Mürin üa pwätä o föri ai angang ngeni ewe king. Nge üa chök rükö ren künaei we, pun üsap wewe ren.

Apakuk 3:16

Üa rongorong usun ekei mettoch, inisi a chechech o awei a sälepwelep ren ai niuokus. Chüi ra kiroula, nge pechei ra täpäp. Üpwe witiwit fän mosonoson fän iten ewe ränin riaföü epwe feito won ekewe aramas mi mauneekem.

Nöün Paulus Toropwe ngeni ekewe Souläng lon Rom 7:9

Me lom üa manau lupwen esamwo wor allük mi aiti ngeniei pwe a tipis ai föri föför mi ngau. Nge lupwen üa silei ewe allük, tipis a popuetä le nemenem.