Jeremaia 23:8 - Chuukese Bible

⁸ nge repwe eäni ei akapel, ‘Mwo manauen ewe Samol mi Lapalap mi emwenawu ekewe mwirimwirin Israel seni ewe fanü efeng me ekewe fanü meinisin ia a asürela ie.’ Mürin repwe nom lon poputän fanüer.”

Jeremaia 23:8 Iomraidhean Croise

Aisea 11:11

Lon ena fansoun ewe Samol epwe aitiela pöün fän aruuan pwe epwe aliwinato nöün aramas mi chüen manau seni Asiria, Isip, Patros, Itiopia, Elam, Papilon me Hamat, pwal seni lon ekewe fanü mi nom aroset me ekewe fanü mi nom lematau, pwe repwe liwiniti lenier.

Aisea 14:1

Iwe, ewe Samol mi Lapalap epwe ümöümöch ngeni ekewe mwirimwirin Jakop, epwe filisefäli chon Israel o alenier lon poputän fanüer. Chon ekis repwe chiechi ngeniir o pach ngeniir.

Jeremaia 16:14

Iei alon ewe Samol mi Lapalap, “Epwe war eu fansoun aramas resap chüen apasa, ‘Mwo manauen ewe Samol mi Lapalap mi emwenawu ekewe aramasen Israel seni lon ewe fanü Isip.’

Jeremaia 16:15

Nge repwe apasa, ‘Mwo manauen ewe Samol mi Lapalap mi emwenawu ekewe aramasen Israel seni ewe fanü efeng, pwal seni lon ekewe fanü meinisin ia a asürela ie.’ Pun ngang üpwe aliwinisefälireto ngeni püsin fanüer üa ngeni ar kewe lewo.”

Jeremaia 23:3

Nge üpwe achufengeni chokewe mi chüen manau me lein nei aramas seni ekewe fanü meinisin ia üa asürela ie. Üpwe emwenisefälireto ngeni lenier, repwe nöünöütiu o chomongola.

Jeremaia 29:14

Ewer, üa apasa pwe oupwe künaei, nge ngang üpwe aliwinisefälikemi ngeni fanüemi. Üpwe achufengenikemi seni ekewe mwü me ekewe leni meinisin ia üa atoropasakemiila ie o aliwinisefälikemi seni ewe leni ia üa tinikemiila ie pwe oupwe oola. Ngang ewe Samol mi Lapalap üa kapas.’

Jeremaia 30:10

Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Jeremaia 30:3

Pun epwe war ewe fansoun pwe ngang üpwe aliwinisefäli nei aramasen Israel me Juta o aliwinireto ngeni ewe fanü üa ngeni ar kewe lewo pwe repwe fanüeni. Ngang ewe Samol mi Lapalap üa kapas.”

Jeremaia 31:8

Nengeni, üpwe emwenireto seni ewe fanü efeng o achufengeniir seni lesopun fanüfan. Chon chun me chon pechemä repwe etiir, pwal fefin mi pwopwo me chokewe mi toriir ar cheuchen fam. Repwe liwiniti ei fanü fän eu mwich mi watte.

Jeremaia 32:37

Üpwe achufengeni ekewe aramas seni ekewe fanü meinisin ia üa asürela ie fän ai song me lingeringer watte. Üpwe aliwinireto ngeni ei leni o föri pwe repwe nom fän kinamwe.

Jeremaia 8:3

Nge chokewe meinisin mi chüen manau me lein chon ei mwü mi ngau repwe efich mäla lap seni manau me lon ekewe leni ia üa asürela ie. Ngang ewe Samol mi Unusen Manaman üa kapas.”

Isikiel 28:25

Iei alon Kot ewe Samol mi Lapalap, “Lupwen üpwe achufengeni ekewe chon Israel seni me lein ekewe mwü ia ra toropasfeil ie, üpwe pwärala lein ekewe chon Israel, pwal mwen mesen chon ekewe mwü pwe üa pin. Iwe, repwe nonom lon püsin fanüer, ewe fanü üa ngeni nei we chon angang Jakop.

Isikiel 34:13

Üpwe emwenirewu seni lein ekewe mwü, üpwe pwal achufengeniir seni lon ekewe fanü o emwenirelong lon poputän fanüer. Üpwe amongöör won ekewe chukun Israel, ünükün ekewe chanpupu, pwal lon ekewe leni meinisin mi so lon ewe fanü.

Isikiel 36:24

Iwe, üpwe angeekemi seni lein ekewe mwü o achufengenikemi seni lon ekewe fanü meinisin, üpwe pwal aliwinikemiilong lon püsin fanüemi.

Isikiel 36:35

Iwe, repwe apasa, ‘Ei fanü mi tala me lom a usun chök ewe tanipi Eten. Ekewe telinimw mi turula o tatakis, resap pwal chüen so, iei ra kaüsefälitä o so, a pwal pöchökül tittir.’

Isikiel 37:25

Iwe, repwe nonom lon ewe fanü ia ar kewe lewo ra fen nonom ie, ewe fanü üa ngeni nei we chon angang Jakop. Repwe nonom lon me nöür pwal mwirimwirir kewe tori feilfeilachök. Nge eman king usun chök nei chon angang Tafit epwe nemeniir tori feilfeilachök.

Isikiel 39:28

Mürin repwe silei pwe ngang ewe Samol mi Lapalap ar we Kot. Inamwo ika üa tinirela pwe repwe oola lein chon ekewe mwü, üpwe pwal aliwinireto pwe repwe chufengen lon poputän fanüer, nge üsap likitala eman leir lon ekewe mwü.

Sowel 3:7

Iei üpwe aliwinireto seni ekewe leni ia oua amömörela ie, nge üpwe liwini ngenikemi usun mine oua föri ngeniir.

Mika 7:15

Kopwe pwäri ngenikem om kewe manaman, usun ka föri lon ewe fansoun lupwen ka emwenikeemiwu seni Isip.

Sefanaia 3:20

Lon ena fansoun, lupwen üpwe achufengenikemi, üpwe aliwinisefälikemi ngeni leniemi. Üpwe aiteüöchükemi me lein chon fanüfan meinisin pwe repwe mwareitikemi, lupwen üpwe aliwinisefäli ekewe chon oola.” Iei alon ewe Samol mi Lapalap.