Jeremaia 23:6 - Chuukese Bible

⁶ Lon ränin manauan, chon Juta repwe küna manau, nge chon Israel repwe nom fän kinamwe. Iwe, iei ewe it epwe iteni, ‘Ewe Samol mi Lapalap ach pwüng.’”

Jeremaia 23:6 Iomraidhean Croise

1. King 4:25

Lon unusen ränin manauen Salomon chon Juta me chon Israel ra nom lon kinamwe, seni Tan tori Persepa, eu me eu famili a nom fän püsin an irän wain me an irä fiik.

Kölfel 45:5

Wokum kewe föün esefich ra ken, ra fotolong lon luken ekewe chon oputom. Chon ekewe mwü ra kuf fomw.

Ekistos 9:26

Nge lon chök ewe fanü Kosen, ewe ia ekewe aramasen Israel ra nom ie, esap püngütiu ütten fau.

Aisea 2:4

Ewe Samol mi Lapalap epwe souapwüng lefilen ekewe mwü, epwe pwal aükätiu änini lefilen aramas. Iwe, repwe amani nöür ketilas o awili ngeni pisekin tuw pwül, nge wokur siles repwe awili ngeni naifen otot. Ekewe mwü resap chüen maunfengen, resap pwal chüen kaiö maun.

Aisea 32:1

Nengeni, eman king epwe nemenem fän pwüng, nge ekewe samol repwe nemenem fän pwüngüöch.

Aisea 32:18

Nei aramas repwe manau fän kinamwe, repwe pwal asösö lon imwer, nge esap wor och mine repwe weires ren.

Aisea 33:22

Iwe, ewe Samol mi Lapalap ach souapwüng, ewe Samol mi Lapalap ach sounemenem, ewe Samol mi Lapalap ach king, i epwe amanauakich.

Aisea 33:5

Ewe Samol mi Lapalap a tekia, pun a nonom won läng. Iwe, epwe afisätä apwüng me pwüng lon Jerusalem

Aisea 35:9

Iwe, esap wor laion won ewe al, esap pwal wor manmwacho repwe tolong lon. Nge chokewe chök mi küna manau repwe fetal won.

Aisea 42:6

“Ngang ewe Samol mi Lapalap, üa filukutä fän wenechar, üa pwal amwöchü poum o tümwünuk. Iwe, üpwe föri reöm eu pwon ngeni aramasen fanüfan meinisin, kopwe pwal uwato saram ngeni chon ekewe mwü won fanüfan.

Aisea 45:17

Nge chon Israel ra küna manau esemüch ren ewe Samol mi Lapalap. Resap küna säw are itengau tori feilfeilachök.

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Aisea 9:6

Pun eman mönükol a uputiu rech. Kot a lifang ngenikich eman ät, i epwe ach sounemenem. Iwe, epwe iteni “Souekiek mi amwarar, Kot mi manaman, Samach mi nom tori feilfeilachök, pwal Samolun kinamwe.”

Jeremaia 29:11

Pun ngang üa silei mine üa ekieki ngenikemi. Üa ekieki feiöchümi, nge sap feiengauemi, pwe üpwe ngenikemi eu fansounöch me apilükülük.

Jeremaia 30:10

Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Jeremaia 31:23

Iei alon ewe Samol mi Unusen Manaman ewe Koten Israel, “Lupwen üpwe aliwinisefäli ekewe aramas ngeni fanüer, repwe apasasefäli ekei kapas me lon ewe fanü Juta me telinimwan kewe, ‘Ewe Samol mi Lapalap epwe afeiöchuk, en leni ia pwüng a nom ie, en chuk mi pin.’

Jeremaia 32:37

Üpwe achufengeni ekewe aramas seni ekewe fanü meinisin ia üa asürela ie fän ai song me lingeringer watte. Üpwe aliwinireto ngeni ei leni o föri pwe repwe nom fän kinamwe.

Jeremaia 33:15

Lon ena fansoun üpwe apwükätä efoch Palan mi pwüng epwe fasar seni mwirimwirin Tafit. I epwe föri mine a wenechar o pwüng me lon ewe fanü.

Jeremaia 33:16

Lon ena fansoun chon Juta me chon Jerusalem repwe küna manau o nonom fän kinamwe. Iwe, ewe telinimw epwe iteni ‘Ewe Samol mi Lapalap ach pwüng.’

Isikiel 21:27

Üpwe atai, üpwe atai, üpwe atai ewe telinimw. Esap chüen kaüsefäl tori epwe war ätewe mine wesewesen an. Iwe, ngang üpwe awisa ngeni meinisin.”

Isikiel 28:26

Iwe, repwe nonom lon ewe fanü fän kinamwe, repwe pwal aüetä imwer o föri ar tanipin wain. Üpwe apwüngü chon ekewe mwü ünükür mi ariaföüür ren ar kapasen turunufas, nge ir repwe chök nonom lon fän kinamwe. Mürin repwe silei pwe ngang ar Kot ewe Samol mi Lapalap.”

Isikiel 38:14

Iei mine, nöün aramas, kopwe osuni o üreni Kok pwe iei aloi ngang Kot ewe Samol mi Lapalap: Lon ena fansoun, lupwen nei aramasen Israel ra nonom fän kinamwe, kopwe ütä

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Taniel 9:7

En chök äm Samol ka unusen pwüng, nge äm aia chök atoto wom säw usun a pwä ikenai, äm me chon Juta, chon Jerusalem me chon Israel meinisin mi nom toau me arap, ia ka atoropasafeilikem ie pokiten tipisin äm likitukela.

Osea 1:11

Nge ekewe aramasen Juta me ekewe aramasen Israel repwe chufengensefäl o filätä fän iter eman chök chon emweniir. Repwe fefeitä me lon ewe fanü, pun ewe ränin Jesrel epwe eu rän mi fokun aüchea.

Osea 1:7

Nge üpwe echeni ekewe chon Juta. Ngang ewe Samol mi Lapalap ar we Kot üpwe amanaueer, nge sap ren pisekin maun, ren föün esefich ika ketilas, ren oris ika chon wawa oris.”

Osea 2:18

Lon ena fansoun üpwe eäni eu pwon ngeni ekewe manmwachon lemäl, ekewe machang me ekewe mantötö, pwe resap afeiengaua nei aramas. Üpwe kupi ewe esefich me ewe ketilas o aükätiu maun me lon ewe fanü. Üpwe föri pwe nei aramas repwe nom fän kinamwe.

Opataia 1:17

“Nge chokewe mi chüen manau me lein chon Israel repwe nom won ewe chuk Sion. Iwe, ewe chuk epwe eu leni mi pin, nge ekewe mwirimwirin Jakop repwe fanüeni püsin fanüer.

Opataia 1:21

Iwe, ekewe chon pwora seni Jerusalem repwe maun ngeni Etom o nemeni. Nge püsin ewe Samol mi Lapalap epwe king.”

Sefanaia 3:13

Iwe, chokewe mi chüen manau me lon Israel resap chüen föri föför mi mwäl, resap pwal chüen eäni kapas chofana me kapasen atuputup. Repwe fefeitä o nom fän kinamwe, nge esap wor eman epwe eniwokusuur.”

Sekaraia 10:6

Üpwe apöchöküla chon Juta, üpwe amanaua chon Israel. Üpwe aliwinisefäliir, pun ngang üa tongeer. Ir repwe usun chök nge ngang üsap pöütirela, pun ngang ewe Samol mi Lapalap ar we Kot üpwe pälüeni ar iotek.

Sekaraia 3:10

Lon ewe fansoun iteiten eman me eman me leimi epwe kökkörato chon arun pwe epwe mot ren fän an irän wain me an irä fik fän kinamwe, iei alon ewe Samol mi Unusen Manaman.”

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

1. Korint 1:30

Nge Kot chök popun ämi nonom lon Kraist Jesus. Kot a föri pwe Kraist ach tipachem, ach pwüng, ach pin me ach ngas seni ach tipis.

2. Korint 5:21

Kraist esap wor an tipis, nge fän itach Kot a föri pwe i a tipisini tipisich, pwe kich sipwe küna pwüngün Kot lon i.

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.