Jeremaia 23:5 - Chuukese Bible

⁵ Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Jeremaia 23:5 Iomraidhean Croise

2. Samuel 23:3

Ewe Koten Israel a kapas, ewe Achauen Israel a üreniei: Ewe king mi nemeni aramas fän pwüng, mi nemenem fän an niuokusiti Kot,

Kölfel 45:4

Fän om manaman kopwe fetal ngeni win pwe kopwe peni let, tipefesir me pwüng. Ren om pöchökül kopwe föri föför mi amwarar.

Kölfel 80:15

Kopwe tümwünü, pun en ewe ka püsin fotukätiu. Kopwe tümwünü palan we ka ämärätä o apöchöküla fän itom.

Kölfel 99:4

En king mi manaman, ka efich pwüng. Ka anüküchara mine a wenechar, ka föri mine a pwüng me wenechar lon Israel.

Aisea 33:5

Ewe Samol mi Lapalap a tekia, pun a nonom won läng. Iwe, epwe afisätä apwüng me pwüng lon Jerusalem

Aisea 4:2

Lon ena fansoun, ewe irä ewe Samol mi Lapalap a ämärätä epwe fokun öch me ling, nge uän ewe fanü epwe fokun mürina me ling ngeni chokewe mi chüen manau mürin än Israel feiengau.

Aisea 42:6

“Ngang ewe Samol mi Lapalap, üa filukutä fän wenechar, üa pwal amwöchü poum o tümwünuk. Iwe, üpwe föri reöm eu pwon ngeni aramasen fanüfan meinisin, kopwe pwal uwato saram ngeni chon ekewe mwü won fanüfan.

Aisea 45:24

Iwe, repwe apasa usi, ‘Ren ewe Samol mi Lapalap chök a wor pwüng me pöchökül.’ Iwe, chokewe meinisin mi pälüeni Kot fän song repwe feito ren o küna säw.

Aisea 52:13

Ewe Samol mi Lapalap a apasa, “Nengeni, nei chon angang epwe lipwäköch, epwe seikitä o ling, epwe pwal fokun tekiatä.

Aisea 53:10

Iwe, iei letipen ewe Samol mi Lapalap, pwe a kinas o cheuch. Are a fangala manauan pwe eu asor fän iten tipis, epwe wor mwirimwirin, epwe pwal alangatama ränin manauan. Iwe, letipen ewe Samol mi Lapalap epwe fisitä ren.

Aisea 53:2

Pun a mämäritä fän mesen ewe Samol mi Lapalap usun efoch irä mi pwüküfö a pwük seni waran mi nom lon pwül mi pwas. Esap wor lapalapöchün, esap pwal wor lingöchün pwe sipwe pwapwa le katol, esap pwal wor meseöchün pwe sipwe tongeni efich.

Aisea 9:5

Iwe, iteiten ipwen sounfiu sus pwal üfer mi cha lon maun repwe karala ren ekkei.

Aisea 9:6

Pun eman mönükol a uputiu rech. Kot a lifang ngenikich eman ät, i epwe ach sounemenem. Iwe, epwe iteni “Souekiek mi amwarar, Kot mi manaman, Samach mi nom tori feilfeilachök, pwal Samolun kinamwe.”

Aisea 9:7

Iwe, nemeneman epwe chök wattela, nge mwün epwe chök kinamwe fansoun meinisin. Epwe siwili Tafit lon wisan wisen king o nemeni mwün. Epwe aüetä o apöchöküla mwün ren apwüng me pwüngüöch seni ikenai tori feilfeilachök. Iwe, ewe Samol mi Unusen Manaman epwe tiliken le apwönüetä ei.

Jeremaia 22:15

Ifa usun, ka ekieki pwe ka king pokiten chomongun om kewe irä setar? Semom we a mongö o ün, a pwal föri mine a wenechar o pwüng. Iei mine a fefeitä lon manauan.

Jeremaia 22:3

Iei alon ewe Samol mi Lapalap: Oupwe föri mine a wenechar me pwüng o angasa ewe mi riaföü seni ewe chon ariaföüü. Ousap föri mine a ngau ika ariaföüü ewe chon ekis, ewe mi mäsen me ewe fefin mi mä pwülüan, ousap pwal niela eman esap wor an tipis lon ei leni.

Jeremaia 22:30

“Oupwe makeetiu pwe ei mwän esap wor nöün, i eman mwän esap fefeitä lon ränin manauan. Pun esap wor eman mwirimwirin epwe king o siwili Tafit le nemenem lon Juta. Ngang ewe Samol mi Lapalap üa kapas.”

Jeremaia 23:6

Lon ränin manauan, chon Juta repwe küna manau, nge chon Israel repwe nom fän kinamwe. Iwe, iei ewe it epwe iteni, ‘Ewe Samol mi Lapalap ach pwüng.’”

Jeremaia 29:11

Pun ngang üa silei mine üa ekieki ngenikemi. Üa ekieki feiöchümi, nge sap feiengauemi, pwe üpwe ngenikemi eu fansounöch me apilükülük.

Jeremaia 30:3

Pun epwe war ewe fansoun pwe ngang üpwe aliwinisefäli nei aramasen Israel me Juta o aliwinireto ngeni ewe fanü üa ngeni ar kewe lewo pwe repwe fanüeni. Ngang ewe Samol mi Lapalap üa kapas.”

Jeremaia 30:9

Nge repwe angang ngeniei ngang ewe Samol mi Lapalap ar we Kot, pwal ngeni eman mwirimwirin Tafit, ätewe üpwe seikätä pwe epwe ar king.

Jeremaia 31:27

Iei alon ewe Samol mi Lapalap, “Epwe war ewe fansoun, lupwen üpwe amasoua ewe fanü Israel me Juta ren aramas me man.

Isikiel 21:27

Üpwe atai, üpwe atai, üpwe atai ewe telinimw. Esap chüen kaüsefäl tori epwe war ätewe mine wesewesen an. Iwe, ngang üpwe awisa ngeni meinisin.”

Isikiel 34:16

Üpwe kütta chokewe mi pöütüla o aliwini chokewe mi malechela, üpwe filiti kinasen chokewe mi kinas o apöchöküla chokewe mi apwangapwang, nge üpwe arosala chokewe mi öümanau o pöchökül, pun ngang eman chon mas mi föri mine a pwüng.

Isikiel 34:29

Iwe, üpwe awora tanipi mi mürina fän iter, pwe resap chüen mäla ren echik lon ewe fanü, resap pwal chüen itengau me ren chon ekewe mwü.

Isikiel 45:8

Iei ükükün fanüen ewe samol me lon Israel. Iwe, nei kewe samol resap chüen ariaföüü nei aramas, nge repwe mwüt ngeni ekewe ainangen Israel fanüer pwe repwe püsin fanüeni.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Osea 1:11

Nge ekewe aramasen Juta me ekewe aramasen Israel repwe chufengensefäl o filätä fän iter eman chök chon emweniir. Repwe fefeitä me lon ewe fanü, pun ewe ränin Jesrel epwe eu rän mi fokun aüchea.

Osea 3:5

Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.

Amos 9:11

Iwe, ewe Samol mi Lapalap a apasa, “Epwe war ewe fansoun lupwen üpwe aüsefälietä ewe mwün Tafit mi wewe ngeni eu imw mi turula. Üpwe apinasa pwangan o försefäli mine a ta me won. Üpwe försefäli pwe epwe usun chök lon fansoun lom.

Mika 5:3

Iei mine Israel epwe sechila tori ewe fansoun neminewe mi cheuchen fam a nöünöüla. Mürin pwin kewe lusun mi oola repwe liwinsefälito o chu ngeni ekewe chon Israel.

Sekaraia 3:8

Kopwe aüseling, en Josua ewe souasor mi lap, en me chiechiom kewe mi nom reöm, ämi eu asisilen feiöch epwe war: Üpwe emwenato nei we chon angang itan Ewe Palan.

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Mateus 2:2

Ra ais, “Ia a uputiu ie än chon Juta we king? Äm aia küna füün lupwen a tötä seni ötiu. Iwe, aia feito pwe aipwe asamolu.”

Johannes 1:45

Filip a küna Nataniel o üreni, “Äm aia küna ätewe Moses a mak usun lon ewe puken Allük, pwal ekewe soufos ra mak usun. I Jesus nöün Josef seni Nasaret.”

Johannes 1:49

Iwe, Nataniel a üreni, “Sense, en Nöün Kot! En ewe kingen Israel!”

1. Korint 1:30

Nge Kot chök popun ämi nonom lon Kraist Jesus. Kot a föri pwe Kraist ach tipachem, ach pwüng, ach pin me ach ngas seni ach tipis.

Ipru 8:8

Nge lupwen Kot a küna mwälin nöün kewe aramas, a apasa, “Ewe Samol a apasa: Epwe war ewe fansoun, lupwen üpwe föri eu pwon mi fö ngeni chon Israel me chon Juta.

Pwärätä 19:11

Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.