Jeremaia 23:4 - Chuukese Bible

⁴ Üpwe awisa chon nemenem repwe tümwünüür. Resap chüen niuokus ika rükö, esap pwal wor eman epwe malechela. Ngang ewe Samol mi Lapalap üa kapas.”

Jeremaia 23:4 Iomraidhean Croise

Aisea 11:11

Lon ena fansoun ewe Samol epwe aitiela pöün fän aruuan pwe epwe aliwinato nöün aramas mi chüen manau seni Asiria, Isip, Patros, Itiopia, Elam, Papilon me Hamat, pwal seni lon ekewe fanü mi nom aroset me ekewe fanü mi nom lematau, pwe repwe liwiniti lenier.

Jeremaia 30:10

Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Jeremaia 31:10

Iei alon ewe Samol mi Lapalap, “Oupwe aüseling, ämi chon ekewe mwü o asilefeili ai kei kapas lon ekewe fanü aroset mi toau. Oupwe apasa, ‘Ätewe mi atoropasa chon Israel epwe pwal achufengeniir o tümwünüür usun eman chon mas a tümwünü nöün pwiin sip.’

Jeremaia 33:26

mürin üpwe tongeni pöütala ekewe mwirimwirin Jakop me Tafit nei chon angang. Üsap pwal filätä eman me lein mwirimwirin Tafit epwe nemeni ekewe mwirimwirin Apraham, Isaak me Jakop. Nge ngang üpwe aliwini ekewe chon oola o eäni ümöümöch ngeniir.”

Isikiel 36:11

Iwe, üpwe achomonga aramas me man won ewe fanü, oupwe oupwukemiitiu o chomongola. Üpwe asoi leniemi ren aramas usun lon ekewe fansoun lom, nge üpwe alapala feiöchümi seni me mwan. Mürin oupwe silei pwe ngang ewe Samol mi Lapalap.

Lifitikos 26:9

Üpwe ümöümöch ngenikemi, üpwe aupukemi o achomongakemi, üpwe pwal apwönüetä ai pwon ngenikemi.

Mika 4:4

Iwe, eman me eman epwe nom lon an tanipin wain me fän an irä fiik fän kinamwe, nge esap wor eman epwe eniuokusu, pun ewe Samol mi Unusen Manaman a pwonei.

Mika 5:2

En Petlehem Efrata, inamwo ika ka kisikis me lein ekewe telinimwen Juta, nge ewe mi towu senuk epwe samolun Israel, a nonom seni lomlom, seni fansoun esepop.

Mika 7:14

Äm Samol mi Lapalap, kopwe mamasa noum aramas fän wokum usun eman chon mas, kopwe tümwünü ewe mwichen aramas ka filätä. Ra imwüla o nonom lon eu wöllap lukalapen eu fanü mi pwülüöch. Kopwe mwüt ngeniir pwe repwe mongö lon Pasan me Kiliat usun chök lon ekewe fansoun lom.

Sefanaia 3:13

Iwe, chokewe mi chüen manau me lon Israel resap chüen föri föför mi mwäl, resap pwal chüen eäni kapas chofana me kapasen atuputup. Repwe fefeitä o nom fän kinamwe, nge esap wor eman epwe eniwokusuur.”

Numperis 31:49

o üreni, “Äm noum chon angang aia aleani ekewe sonfiu mi nom fän nemenemem, nge esap wor eman a mäla me leim.

Johannes 17:12

Lupwen ngang üa nom rer, üa tümwünüür ren manamanen itom we, ewe it ka ngeniei. Üa tiirela, pwe esap wor eman me leir a pöütüla, chilon chök ewe eman mi feil ngeni an epwe pöütüla, pwe epwe pwönüetä mine a mak lon ekewe Toropwe mi Pin.

Johannes 18:9

Jesus a apasa ei ititin kapas pwe epwe pwönüetä mine a fen apasa, “Semei, esap wor eman me lein ätekewe ka ngeniei a pöüt seniei.”

1. Petrus 1:5

Ekei feiöch ra fän itemi. Ren ämi lükülük oua küna tümwün ren än Kot manaman tori oupwe küna ewe manau mi molotä pwe epwe pwäla lon fansoun sopolan.