Jeremaia 23:25 - Chuukese Bible

²⁵ Üa rongorong mine ekewe soufos mi osuni mine a chofana fän itei ra apasa, ir mi üra pwe üa fos ngeniir lon ar tan.

Jeremaia 23:25 Iomraidhean Croise

Keneses 37:5

Iwe, lon eu pwin Josef a eäni eu tan. Nge lupwen a apworausa ngeni pwin kewe usun, ra chök alapala ar oput.

Keneses 37:9

Mürin, Josef a pwal eäni eu tan o apworausa ngeni pwin kewe. Iwe, a apasa, “Üa pwal eäni eu tan. Lon ai we tan akkar me maram me engol me eföü fü ra chapetiu fän mesei.”

Kölfel 139:2

Ka silei fansoun ai mottiu me ai ütä, ka silei ai ekiek kana me toau.

Kölfel 139:4

Nengeni, mwen ai üsamwo kapas, en, ai Samol mi Lapalap, ka fen unusen silei mine üpwe apasa.

Jeremaia 13:27

A küna om föför mi anioput ngeni. A küna om feila ren ekewe koten ekis won ekewe chukutekison, pwal lon ekewe mälämäl, usun eman mwän a mocheisou ngeni pwülüen chon arun, ika usun eman ätemwänin oris a mochenia ngeni eman liafefin. Feiengauom, en Jerusalem! Ifa ükükün fansoun om kopwe nom lon limengau?

Jeremaia 14:14

Iwe, ewe Samol mi Lapalap a üreniei, “Ekewe soufos ra eäni itei lon ar osuni mine a chofana. Üsap akünöör, üsap allük ngeniir, üsap pwal kapas ngeniir. Ra kapas ngenikemi usun künaer mi chofana, ar pwee a lomotongau, pun ra püsin ekiekietä.

Jeremaia 16:17

Pun üa küna mettoch meinisin ra föri. Resap tongeni op seniei, ar föför mi ngau esap pwal mon seniei.

Jeremaia 23:28

Eman soufos mi eäni eu tan epwe apworausa ewe tan, nge ätewe mi rongorong ai kapas epwe pwärätä ai kapas fän allükülük. Met wewefengenin fetilipwas me wiich?

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Jeremaia 27:10

Pun mine ra osuni ngenikemi a chofana, epwe aselipato ämi oupwe toau seni fanüemi. Ngang üpwe asükemiila pwe oupwe rosola.

Jeremaia 27:15

Pun ewe Samol mi Lapalap a apasa pwe esap tiniir, nge ir ra chök osuni mine a chofana fän itan. Iei popun epwe asükemiila, nge ämi oupwe mäla, ämi me ekewe soufos mi osuni ngenikemi.”

Jeremaia 29:23

Ei epwe fis ngeniir, pokiten ra föri eu tipis watte me lon Israel. Ra lisowu ngeni pwülüen chon arur, ra pwal eäni kapas chofana fän itan, nge esap üreniir pwe repwe kapas. Ewe Samol mi Lapalap a silei mine ra föri, i ewe chon pwärätä. Iei alon ewe Samol mi Lapalap.”

Jeremaia 29:8

Ngang ewe Samol mi Unusen Manaman, ewe Koten Israel üa ürenikemi pwe ousap tup ren nöümi kewe soufos me nöümi kewe soupwe mi nom leimi. Ousap aüseling ngeni ekewe tan ra eäni.

Jeremaia 8:6

Ngang üa afäli ämi kewe kapas o aüselingeer, nge ousap eäni kapas wenechar. Esap wor eman aramas a ekieksefäl seni an föföringau o apasa, ‘Pwota üa föri ei sokun föför mi mwäl?’ Iteiten eman me eman a chök fetal won püsin alan, usun eman oris mi purefochofocholong lon maun.

Kölün kechü 2:14

Künan noum kewe soufos fän itom ra mwäl o chofana. Resap pwäri ngonuk om kewe tipis, pwe repwe epeti senuk om kopwe oola. Nge osunier fän itom ra mwäl o atuputup.

Isikiel 22:28

Iwe, ekewe soufos ra aitöchü föförür, usun sa apwecha och mettoch mi limengau. A wor künaer mi mwakel, ra pwal osuni mine a chofana fän iter. Iwe, ra apasa, ‘Iei alon Kot ewe Samol mi Lapalap,’ nge ngang ewe Samol mi Lapalap üsap fos ngeniir.

Sowel 2:28

“Mürin, epwe war ewe fansoun pwe üpwe tinato Ngüni won aramas meinisin. Nöümi mwän me fefin repwe osuni, ekewe chinlap mwän me leimi repwe eäni tan, nge nöümi alüal epwe wor künaer.

Sekaraia 13:3

Nge ika eman a chüen osuni, püsin saman me inan repwe üreni, ‘Kopwe fokun ninnila, pun ka apasa pwe om kapasen osuni a pop seni ewe Samol mi Lapalap, nge ka chofana.’ Püsin saman me inan repwe posu, lupwen a osuni.

Numperis 12:6

Iwe, a üreniir, “Oupwe aüseling ai kapas: Are mi wor eman soufos leimi, ngang ewe Samol mi Lapalap üpwe pwäri ngeni üsi lon künan, üpwe pwal kapas ngeni lon an tan.

Mateus 1:20

Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Lukas 12:3

Iei mine meinisin mine oua apasa le roch, aramas repwe rong lon saramen rän. Pwal meinisin mine oua möngününgün ngeni eman lon eu ruum mi kesip, aramas repwe leüömong le apasatä me won osun ekewe imw.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

Ipru 4:13

Esap fokun wor och epwe tongeni monola seni Kot. Förian kana meinisin ra säretä o pwäpwäla mwen mesan. Iwe, kich meinisin sipwe fokun pwärätä ngeni i ach föför meinisin.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.