Jeremaia 23:21 - Chuukese Bible

²¹ Iei alon ewe Samol mi Lapalap, “Üsap tini ekewe soufos, nge ra fen feila. Üsap kapas ngeniir, nge ra fen osuni.

Jeremaia 23:21 Iomraidhean Croise

Aisea 6:8

Mürin, üa rong mwelien ewe Samol mi Lapalap a apasa, “Iö üpwe tini, nge iö epwe ach chon künö? Nge üa pälüeni, “Ngang üa mochen, kopwe tiniei.”

Jeremaia 14:14

Iwe, ewe Samol mi Lapalap a üreniei, “Ekewe soufos ra eäni itei lon ar osuni mine a chofana. Üsap akünöör, üsap allük ngeniir, üsap pwal kapas ngeniir. Ra kapas ngenikemi usun künaer mi chofana, ar pwee a lomotongau, pun ra püsin ekiekietä.

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Jeremaia 27:14

Ousap aüselinga än ekewe soufos kapas, lupwen ra ürenikemi pwe ousap angang ngeni ewe kingen Papilon, pun mine ra osuni ngenikemi a chofana.

Jeremaia 27:15

Pun ewe Samol mi Lapalap a apasa pwe esap tiniir, nge ir ra chök osuni mine a chofana fän itan. Iei popun epwe asükemiila, nge ämi oupwe mäla, ämi me ekewe soufos mi osuni ngenikemi.”

Jeremaia 28:15

Mürin üa üreni ewe soufos Hanania, “Kopwe rongorong Hanania, ewe Samol mi Lapalap esap tinuk, nge en ka föri pwe ekei aramas ra lükü mine a chofana.

Jeremaia 29:31

“Kopwe tinala ei pworaus ngeni ekewe chon oola meinisin, ‘Iei alon ewe Samol mi Lapalap fänäsengesin Semaia seni Neelam: Pokiten Semaia a osuni ngenikemi, nge üsap tini, a pwal emwenikemi pwe oupwe lükü kapas chofana,

Jeremaia 29:8

Ngang ewe Samol mi Unusen Manaman, ewe Koten Israel üa ürenikemi pwe ousap tup ren nöümi kewe soufos me nöümi kewe soupwe mi nom leimi. Ousap aüseling ngeni ekewe tan ra eäni.

Jeremaia 29:9

Pun a chofana mine ra osuni ngenikemi fän itei. Ngang üsap tinirela. Ngang ewe Samol mi Lapalap üa kapas.’

Johannes 20:21

Iwe, Jesus a kapassefäl ngeniir, “Kinamwe epwe torikemi! Usun Semei a tiniei, iei usun ngang üa tinikemi.”

Föför 13:4

Iwe, Parnapas me Saul, ätekewe ewe Ngünmifel a tiniirela, ra feitiu Selusia, ra sai seni ikenan o sai ngeni ewe fanü Saipros.

Nöün Paulus Toropwe ngeni ekewe Souläng lon Rom 10:15

Ifa usun an we kapas epwe asilesil, are Kot esap tinala chon künö? Usun a mak lon ekewe Toropwe mi Pin, “A mürina wareton ekewe chon künö mi uwato ewe Pworausen Manau!”