Jeremaia 23:2 - Chuukese Bible

² Iei usun mine ewe Samol mi Lapalap ewe Koten Israel a apasa fän äsengesin ekewe chon nemenem mi wisen tümwünü nöün aramas, “Oua atoropasa nei aramas o asürela, nge ousap tümwünüür. Nengeni, üpwe apwüngükemi fän iten ämi föföringau.

Jeremaia 23:2 Iomraidhean Croise

Ekistos 32:34

Iei kopwe feila. Kopwe emwenala ekewe aramas ngeni ewe leni üa fen kapas ngonuk usun. Nengeni, nei chon läng epwe akom mwom. Nge epwe war ewe fansoun üpwe liwini ngeniir liwinin ar tipis.”

Jeremaia 10:21

Ekewe souemwen ra umwes. Resap angei öüröürer me ren ewe Samol mi Lapalap. Iei mine esap fisiöch ar angang, nge nöür aramas ra toropasfeil.

Jeremaia 11:22

Iei mine ewe Samol mi Unusen Manaman a apasa, “Üpwe apwüngüür. Nöür kewe alüal repwe mäla lon maun, nge nöür kewe ät me nengin repwe mäla ren echik,

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 13:20

Jerusalem, kopwe netä o küna chon oputom mi feito seni efeng. Ia ra nom ie ekewe aramas ka wisen tümwünüür, noum kewe aramas ka aingaing wor?

Jeremaia 13:21

Met kopwe apasa, are chokewe ka aita ngeniir pwe chiechiom ra liapenuk o nemenuk? Ifa usun, esap cheruk cheuch usun cheuchen fam a cheri eman fefin?

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 21:12

ämi ekewe mwirimwirin Tafit: Oupwe eäni kapwüng fän wenechar iteiten rän, oupwe angasa ekewe mi riaföü seni ekewe chon ariaföüür. Pun are ousap föri ei, ai lingeringer epwe kü usun ekkei esap tongeni kunula, pokiten ämi föföringau.

Jeremaia 23:34

Nge are eman soufos ika souasor, ika eman lein ekewe aramas epwe apasa, ‘Iei ewe weires ewe Samol mi Lapalap a kapas usun,’ ngang üpwe apwüngü ewe aramas me chon leimwan.

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 5:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför?

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Isikiel 34:5

Iei mine ekewe sip ra toropasfeil, pun esap wor ar chon mas. Iwe, ekewe manmwacho ra ocheer.

Osea 2:13

Üpwe apwüngü neminewe fän iten ekewe rän a keni apach mi pwokus lon ngeni ekewe anü Paal, pwal fän iten an foutei ngeni ring me sokopaten fout o tapwela mürin nöün kewe kamwet, nge a manlükieila. Ngang ewe Samol mi Lapalap üa kapas.

Mika 7:4

Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.

Sekaraia 10:3

Ewe Samol mi Lapalap a apasa, “Üa fokun song ngeni ekewe chon mas, üpwe apwüngü ekewe souemwen. Pun ngang ewe Samol mi Unusen Manaman, üpwe tümwünü nei sip ekewe chon Juta o föri pwe repwe wewe ngeni nei orisin maun mi pöchökül.

Sekaraia 11:16

Pun nengeni, üpwe seikätä eman chon mas won nei pwiin sip, eman esap ekieki chokewe mi pöütüla, ika kütta chokewe mi malechela, esap apöchöküla chokewe mi feiengau, ika amongöü chokewe mi chüen manau. Nge epwe ochei fituken chokewe mi kitinup o aserala küün pachapacher.

Mateus 25:36

Üa selela, nge ämi oua aüföüfaei, üa apwangapwang, nge ämi oua tümwünüei, üa nom lon fötek, nge ämi oua feito churiei.’

Mateus 25:43

Üa wasöla, nge ämi ousap etiwaei lon imwemi, üa selela, nge ämi ousap aüföüfaei, üa apwangapwang o nom lon fötek, nge ämi ousap tümwünüei.’

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.