Jeremaia 23:16 - Chuukese Bible

¹⁶ Iei alon ewe Samol mi Unusen Manaman ngeni ekewe aramasen Jerusalem, “Ousap aüselinga än ekewe soufos kapas, ir ätekewe mi osuni ngenikemi pwe oupwe apilükülük mwäl. Ra fos usun künaer seni püsin ar ekiek, nge sap fän aloi.

Jeremaia 23:16 Iomraidhean Croise

1. King 22:11

Iwe, eman me leir itan Setekia nöün Chenana we mwän a föri mächä fän itan seni mächä o üreni Ahap, “Iei alon ewe Samol mi Lapalap: Ekei mächä kopwe eäniir le maun ngeni ekewe chon Siria tori repwe rosola.”

2. King 17:15

Iwe, ra pöütala an kewe allük o atai ewe pwon a eäni ngeni ar kewe lewo, ra pwal aleasolap ngeni an kewe kapasen fön ngeniir. Ra fel ngeni ekewe uluulun anümwäl mi lomotongau o wiliti aramas mi lomotongau, ra pwal apirü föförün chon ekewe mwü mi nom pwelin ünükür, chokewe ewe Samol mi Lapalap a allük ngeniir pwe resap föri usun mine ir ra föri.

2. Kronika 18:5

Iei mine ewe kingen Israel a amwichafengeni ekewe soufos ükükün föpükü mwän o aisiniir, “Ifa usun, üpwe feila maun ngeni Ramot-kiliat, ika üsap?” Nge ir ra üreni, “Kopwe feila o maun ngeni ewe telinimw. Kot epwe awinnok.”

Än Salomon Fos 19:27

Nei, are kopwe ükütiu le aüselinga ekewe kapasen öüröür, mürin kopwe pwal müttir tümwününgau ngeni mine ka fen sile.

Jeremaia 14:14

Iwe, ewe Samol mi Lapalap a üreniei, “Ekewe soufos ra eäni itei lon ar osuni mine a chofana. Üsap akünöör, üsap allük ngeniir, üsap pwal kapas ngeniir. Ra kapas ngenikemi usun künaer mi chofana, ar pwee a lomotongau, pun ra püsin ekiekietä.

Jeremaia 2:5

Iei alon ewe Samol mi Lapalap, “Met mwäli ämi kewe lewo ra küna, pwe ra feila toau seniei? Ra fel ngeni ekewe uluulun anümwäl mi lomotongau o wiliti aramas mi lomotongau.

Jeremaia 23:21

Iei alon ewe Samol mi Lapalap, “Üsap tini ekewe soufos, nge ra fen feila. Üsap kapas ngeniir, nge ra fen osuni.

Jeremaia 23:26

Ifa ükükün fansoun än ekewe soufos atoka nei aramas ren ar osuni chofana won mine ra püsin ekiekietä.

Jeremaia 29:23

Ei epwe fis ngeniir, pokiten ra föri eu tipis watte me lon Israel. Ra lisowu ngeni pwülüen chon arur, ra pwal eäni kapas chofana fän itan, nge esap üreniir pwe repwe kapas. Ewe Samol mi Lapalap a silei mine ra föri, i ewe chon pwärätä. Iei alon ewe Samol mi Lapalap.”

Jeremaia 29:8

Ngang ewe Samol mi Unusen Manaman, ewe Koten Israel üa ürenikemi pwe ousap tup ren nöümi kewe soufos me nöümi kewe soupwe mi nom leimi. Ousap aüseling ngeni ekewe tan ra eäni.

Jeremaia 9:12

Iwe, üa ais, “Ai Samol mi Lapalap, pwota ewe fanü a tala o pönüla usun eu fanüapö, pwe esap wor eman a pwerela lon? Iö a tipachem pwe epwe tongeni weweiti ei? Nge iö ka awewe ngeni, pwe epwe tongeni awewe ngeni aramas?”

Jeremaia 9:20

Iwe, üa üra, “Ämi kana fefin, oupwe rongorong alon ewe Samol mi Lapalap, oupwe aüselinga an kewe kapas. Oupwe aiti ngeni nöümi kewe föpwül usun ar repwe ngüngüres, nge iteiten eman me eman epwe aiti ngeni chon arun echö kölün kechü.

Kölün kechü 2:9

Ekewe asamalapen Sion ra irela fän ekewe ioien mettoch mi ta. Kot a kupi o atatakisi amwöchür kewe. Än Sion kewe king me ekewe samol ra oola lein chon ekewe mwü. Esap chüen wor eman a aiöü ngeni aramas ewe allük, esap chüen wor künan ekewe soufos me ren ewe Samol mi Lapalap.

Isikiel 13:16

ir ekewe soufosun Israel ra osuni usun Jerusalem, a pwal wor künaer pwe epwe fis kinamwe lon, nge esap fokun fis.” Iei alon Kot ewe Samol mi Lapalap.

Isikiel 13:23

Iei mine esap chüen wor künaemi mi atuputup, esap pwal chüen fis ämi pwee. Iwe, üpwe angasa nei aramas seni fän nemeniemi. Mürin oupwe silei pwe ngang ewe Samol mi Lapalap.”

Isikiel 13:3

Iei alon Kot ewe Samol mi Lapalap: Feiengauen ekewe soufos mi tiparoch ra osuni seni püsin letiper, nge esap wor künaer.

Isikiel 13:6

Mine ra osuni a mwakel, nge mine ra pweei a chofana. Ra apasa, ‘Iei alon ewe Samol mi Lapalap,’ nge ngang üsap tinirela. Iwe, ra chök ekieki pwe mine ra apasa epwe pwönüetä.

Isikiel 22:28

Iwe, ekewe soufos ra aitöchü föförür, usun sa apwecha och mettoch mi limengau. A wor künaer mi mwakel, ra pwal osuni mine a chofana fän iter. Iwe, ra apasa, ‘Iei alon Kot ewe Samol mi Lapalap,’ nge ngang ewe Samol mi Lapalap üsap fos ngeniir.

Mika 2:11

Are eman chon chofana me eman chon atuputup epwe feito o üreni ekewe aramas, pwe epwe wor chomong ünümer wain me sakau mi pwichikar, ätewe epwe fokun nöür soufos.

Mateus 7:15

“Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho.

Nöün Paulus Toropwe ngeni ekewe Souläng lon Rom 1:21

Ikamwo ra silei usun Kot, nge resap asamolu i usun Kot, resap pwal kilisou ngeni. Ar ekiek esap fokun wor lomotan, nge letiper mi wewemang a uren rochopwak.

1. Johannes 4:1

Ämi chiechiei kana mi achengicheng, ousap lükü chokewe meinisin mi apasa pwe ra eäni Ngünmifel, nge oupwe sotuniir o küttaöchü are ekewe ngün ra feito seni Kot. Pun chomong soufos chofona ra feilfetal won fanüfan.