Jeremaia 23:13 - Chuukese Bible

¹³ Üa küna än ekewe soufosun Samaria tipis: Ra osuni fän iten ewe anü Paal o atokala nei aramasen Israel.

Jeremaia 23:13 Iomraidhean Croise

1. King 18:40

Mürin, Elias a üreni ekewe aramas, “Oupwe turufi nöün ewe anü Paal kewe soufos. Ousap mwüt ngeni eman pwe epwe sü.” Iwe, ra turufiir, nge Elias a emweniretiu ren ewe öüwö Kison o nirela ikenan.

2. Kronika 33:9

Iwe, Manasa a atokala chon Juta me Jerusalem, pwe ra föri mine a ngau lap seni chon ekewe mwü ra föri, ir chokewe ewe Samol mi Lapalap a arosala me mwen ekewe aramasen Israel.

Aisea 9:16

Pun chokewe ra emweni ekei aramas ra atokerela, nge chokewe mi tapwela mürir repwe feiengau.

Jeremaia 2:8

Ekewe souasor resap ais, ‘Ifa i ewe Samol mi Lapalap?’ Chokewe mi silelap allük resap sileei, ekewe souemwen ra ü ngeniei, nge ekewe soufos ra osuni fän iten ewe anü Paal o fel ngeni ekewe uluulun anümwäl mi lomotongau.

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Jeremaia 36:2

“Kopwe angei echö toropwe o makei won ekewe kapas meinisin üa fen kapas ngonuk won fänäsengesin Israel, Juta me ekewe mwü meinisin. Kopwe makei meinisin mine üa kapas ngonuk won seni ewe fansoun Josia a king tori ikenai.

Osea 4:11

Wainin lom me wain mi fö ra angeala mirit.

Osea 4:12

Nei aramas ra angei öüröürer seni esop mwüch, nge wokur a üreniir mine ra mochen silei. Ra likitieila, pun ra fangala inisir ngeni pwal ekoch kot, usun eman fefin a fangala inisin fän iten lisowu.

Mika 1:5

Ekei mettoch meinisin repwe fis pokiten än mwirimwirin Jakop kewe pupungau me än chon Israel kewe tipis. Iö popun än mwirimwirin Jakop pupungau? Sap ekewe chon Samaria? Iö a fel ngeni ekewe uluulun anümwäl me lon Juta? Sap ekewe chon Jerusalem?