Jeremaia 23:12 - Chuukese Bible

¹² Iei mine ar kewe al ra fetal won repwe mitimit o rochopwak. Ngang üpwe föri pwe repwe chepetek o turula. Üpwe awarato wor feiengau lupwen fansoun üpwe apwüngüür. Ngang ewe Samol mi Lapalap üa kapas.

Jeremaia 23:12 Iomraidhean Croise

Hiop 18:18

Aramas ra cheela seni saram ngeni rochopwak o asüela seni won fanüfan.

Kölfel 35:6

Amwo aler epwe rochopwak o amitimit, nge nöün ewe Samol mi Lapalap chon läng epwe tapweriir.

Kölfel 73:18

Ellet, ka anomuur won leni mi mitimit. Ka föri mine repwe turutiu ren lon feiengau.

Kölfel 82:5

Iwe, esap wor ar sile ika mirit, ra chök fetal lon rochopwak. Ra ataela ekewe pwüüng ekewe mwün fanüfan ra longolong won.

Ekistos 32:34

Iei kopwe feila. Kopwe emwenala ekewe aramas ngeni ewe leni üa fen kapas ngonuk usun. Nengeni, nei chon läng epwe akom mwom. Nge epwe war ewe fansoun üpwe liwini ngeniir liwinin ar tipis.”

Än Salomon Fos 4:19

Nge ewe al ekewe aramasangau ra fetal won a usun chök rochopwak mi rochokich, ra turula, nge resap silei met ra chepetek ren.

Aisea 8:22

repwe pwal netiu lepwül, nge repwe chök küna riaföü me rochopwak me watten niuokus. Iwe, repwe kasülong lon rochopwak mi lapalap.

Jeremaia 11:23

pwe esap chüen wor eman lusun me leir. Pun ngang üpwe awarato feiengau won ekewe re Anatot lon ewe ier üpwe apwüngüür.”

Jeremaia 13:16

Oupwe asamolu ewe Samol mi Lapalap ämi we Kot me mwen an epwe awarato rochopwak, me mwen pechemi repwe chepetek me won ekewe chuk mi toputop. Oua witiwiti ewe saram, nge i epwe awili ewe saram ngeni toputop me rochokichin rochopwak.

Jeremaia 48:44

Ätewe mi mochen sü seni ewe niuokus epwe turulong lon ewe pwang. Nge ätewe mi towu seni ewe pwang epwe tup lon ewe likatup. Pun ngang ewe Samol mi Lapalap üpwe awarato won Moap ewe fansoun an küna apwüng.

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Kölün kechü 2:20

Ai Samol mi Lapalap, kopwe nenengeni o ekieki! Ka föri ngeni iö ei sokun? Ifa usun, fefin repwe ochei nöür semirit ra tümwünüöchüür o tongeer? Ifa usun, ekewe souasor me soufos repwe ninnila lon ewe imwenfel?

Mika 7:4

Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.

Johannes 12:35

Mürin Jesus a pölüeniir, “Ewe saram epwe nonom remi ekis chök fansoun mochomoch. Oupwe fetal lon ewe saram me mwen ewe rochopwak epwe torikemi. Pun eman aramas mi fetal lon rochopwak esap silei ia epwe feila ie.

Tuteronomi 32:35

Iwe, ewe Samol mi Lapalap epwe ngeniir chappen ar föför me liwiningauer lon ewe fansoun, lupwen pecher epwe mit. Ränin ar feiengau a arap, ar kapwüng epwe warakai.

1. Johannes 2:11

Nge iö a oput pwiin a nom lon rochopwak. A fetal lon rochopwak, nge esap silei ia epwe feila ie, pun rochopwak a achuna.

Jutas 1:13

Ra usun chök ekewe nongauen lematau mi puropuretä ren ar föför mi asäw. Ra usun chök füün amwalech, Kot a fen amolätä fän iter eu leni lon rochokichin rochopwak tori feilfeilachök.