Jeremaia 23:1 - Chuukese Bible

¹ Iei alon ewe Samol mi Lapalap, “Feiengauen ekewe chon nemenem mi niela o atoropasa nei aramas.”

Jeremaia 23:1 Iomraidhean Croise

Jeremaia 10:21

Ekewe souemwen ra umwes. Resap angei öüröürer me ren ewe Samol mi Lapalap. Iei mine esap fisiöch ar angang, nge nöür aramas ra toropasfeil.

Jeremaia 12:10

Chomong chon mas ra atai ai tanipin wain, ra purätiu fanüei. Ra föri pwe fanüei mi mürina a wiliti eu fanüapö.

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 2:26

Usun eman chon solä a itengau lupwen a oo, iei usun ämi chon Israel oupwe itengau: Ämi me ämi kewe king, pwal nöümi kewe nöüwis, nöümi kewe souasor me soufos.

Jeremaia 2:8

Ekewe souasor resap ais, ‘Ifa i ewe Samol mi Lapalap?’ Chokewe mi silelap allük resap sileei, ekewe souemwen ra ü ngeniei, nge ekewe soufos ra osuni fän iten ewe anü Paal o fel ngeni ekewe uluulun anümwäl mi lomotongau.

Jeremaia 22:22

Asepwäl epwe pönala nöümi kewe chon emwen meinisin, nge peliemi kewe repwe oola. Mürin oupwe säw o itengau pokiten ämi kewe föföringau meinisin.

Jeremaia 23:2

Iei usun mine ewe Samol mi Lapalap ewe Koten Israel a apasa fän äsengesin ekewe chon nemenem mi wisen tümwünü nöün aramas, “Oua atoropasa nei aramas o asürela, nge ousap tümwünüür. Nengeni, üpwe apwüngükemi fän iten ämi föföringau.

Jeremaia 50:6

Nei aramas ra usun chök sip mi malechela. Nöür kewe chon mas ra atokeer o emwenirela won ekewe chuk. Ra feila seni eu chuk tori pwal eu, resap chüen chechemeni ar lenien asösö.

Isikiel 13:3

Iei alon Kot ewe Samol mi Lapalap: Feiengauen ekewe soufos mi tiparoch ra osuni seni püsin letiper, nge esap wor künaer.

Isikiel 34:1

Iwe, ewe Samol mi Lapalap a kapas ngeniei,

Isikiel 34:21

Ämi oua etia ren möküremi me lepekimi ekewe mi apwangapwang, oua pwal pureer ren mächämi tori ra toropasfeil ekis meinisin.

Isikiel 34:31

Pun ämi nei sip kana, üa folenikemi ämi nei aramas, nge ngang ämi Kot,” iei alon Kot ewe Samol mi Lapalap.

Isikiel 36:38

Ekewe telinimw mi tatakis iei repwe masou ren mwicheichen aramas, usun Jerusalem a masou ren chomongun mönün asor lupwen fansoun ar kewe chulap mi pin. Mürin repwe silei pwe ngang ewe Samol mi Lapalap.”

Sekaraia 10:3

Ewe Samol mi Lapalap a apasa, “Üa fokun song ngeni ekewe chon mas, üpwe apwüngü ekewe souemwen. Pun ngang ewe Samol mi Unusen Manaman, üpwe tümwünü nei sip ekewe chon Juta o föri pwe repwe wewe ngeni nei orisin maun mi pöchökül.

Mateus 15:14

Ousap ekieki usur! Ir chon chun mi emweni ekewe chon chun. Nge lupwen eman chon chun a emweni eman chon chun, ir me ruoman repwe turulong lon pwang.”

Mateus 9:36

Nge lupwen a küna ewe mwichen aramas, a fokun tongeer, pun ra nom lon watten osukosuk me weires usun sip kana esap wor nöür chon mas.

Johannes 10:10

Eman chon solä a chök feito pwe epwe sosolä me ninni me akkatai. Ngang üa feito pwe oupwe eäni manau, iei ewe manau mi somwola.

Johannes 10:12

Nge ewe aramas mi mö, i esap ewe chon mas mine nöün kewe sip, lupwen a küna pwe eman wolif a feito, a likitala ekewe sip o süla. Mürin ewe wolif a turufi ekewe sip o atoropaseer.

Johannes 10:8

Chokewe meinisin ra akomwoto mwei ir chon solä me chon achomau, nge ekewe sip resap aüseling ngeniir.