Jeremaia 22:9 - Chuukese Bible

⁹ Iwe, repwe pälüeni: Pun ra likitala ewe pwon än ewe Samol mi Lapalap ar we Kot o fel ngeni pwal ekoch kot o angang ngeniir.’”

Jeremaia 22:9 Iomraidhean Croise

1. King 9:8

Iwe, ei imwenfel epwe wiliti eu ioien fau, nge meinisin mi pwereto lükün repwe mairü ren o turunufasei, repwe pwal ais, ‘Pwota ewe Samol mi Lapalap a föri ei sokun föför ngeni ei fanü me ei imwenfel.’

2. King 22:17

Pokiten ra likitieila o kenala apach mi pwokus ngeni pwal ekoch kot, pwe repwe asongaei ren ar kewe uluulun anümwäl ra püsin föri. Iei mine ai song epwe watte ngeni ei leni, nge esap wesila.’

2. Kronika 34:25

Pokiten ra likitieila o kenala apach mi pwokus ngeni pwal ekoch kot, ra pwal asongaei ren ar kewe uluulun anümwäl ra püsin föri. Iei mine ai song epwe watte ngeni ei leni, nge esap wesila.’

Jeremaia 11:10

Ra kulusefäliti än ar kewe lewo tipis, ir chokewe resap mochen apwönüetä ai kewe kapas. Ra fel ngeni pwal ekoch kot o angang ngeniir. Chon Israel me chon Juta ra atai ai we pwon üa eäni ngeni ar kewe lewo.

Jeremaia 11:3

Kopwe üreniir pwe ngang ewe Samol mi Lapalap ewe Koten Israel, üa anümamaua eman aramas esap aleasochisi kapasen ei pwon.

Jeremaia 16:11

mürin kopwe üreniir, ‘Iei alon ewe Samol mi Lapalap: Ei a fis pokiten ämi kewe lewo ra likitieila, pwe repwe angang ngeni pwal ekoch kot o fel ngeniir. Ra likitieila, nge resap aleasochisi ai kewe allük.

Jeremaia 50:7

Meinisin mi küneer ra ocheer. Chon oputer ra apasa, ‘Esap wor ach tipis ren mine sia föri, pun ir ra tipis ngeni ewe Samol mi Lapalap. Ar kewe lewo ra apilükülükü ewe Samol mi Lapalap, nge itä pwal ir repwe allükülük ngeni.’

Jeremaia 9:13

Iwe, ewe Samol mi Lapalap a pälüeni, “Ei a fis pokiten nei aramas ra likitala ai allük üa ngeniir. Resap aleasochisiei ika föri mine üa üreniir.

Isikiel 12:16

Nge ekoch chök me leir üpwe amanaueer seni maun me lengita me mätter, pwe repwe mefi me lein chon ekewe mwü ia ra oola ie, pwe ar kewe föför ra anioput. Mürin repwe silei pwe ngang ewe Samol mi Lapalap.”

Isikiel 14:23

Iwe, oupwe chipela, lupwen oupwe küna manauer me ar föföringau, pun oupwe mefi pwe ekewe feiengau meinisin üa föri ngeni Jerusalem mi wor popun,” iei alon Kot ewe Samol mi Lapalap.

Isikiel 39:23

Nge aramasen ekewe mwü repwe silei pwe ekewe chon Israel ra oola pokiten ar tipis, pun ra kirikiringau ngeniei fän ekisolä. Iei mine üa amona mesei seniir o asechirelong lepöün chon oputeer, pwe repwe mäla lon maun.

Isikiel 5:15

Iwe, kopwe wiliti eu lenien turunufas me eniwokus me amairü ngeni chon ekewe mwü mi nom ünükum, repwe pwal ämängauok, lupwen üpwe afeiengauok ren ai apwüng fän ai song me lingeringer. Ngang ewe Samol mi Lapalap üa fen kapas.

Tuteronomi 29:24

Iwe, chon ekewe mwü meinisin repwe ais, ‘Pwota ewe Samol mi Lapalap a föri iei usun ngeni ewe fanü? Met popun a kon watte an song?’