Jeremaia 22:6 - Chuukese Bible

⁶ Pun iei alon ewe Samol mi Lapalap fänäsengesin imwen ewe kingen Juta, ‘En ka mürina usun ewe fanü Kiliat me rei, ika usun ungen ewe chuk Lepanon, nge üpwe fokun föri pwe kopwe wiliti eu fanüapö, ika eu telinimw esap so.

Jeremaia 22:6 Iomraidhean Croise

Keneses 37:25

Mürin, ra mottiu pwe repwe mongö. Nge lupwen ra chimwetä, ra küna eu mwichen chon Ismael me nöür kewe kamel ra feito me Kiliat. Iwe, ekewe kamel ra uwou sokun apach mi pwokus me säfei mi aüchea itan mör, pwe repwe uwala Isip.

Kölfel 107:34

A awili eu fanü mi pwülüöch ngeni eu fanüapö mi uren salt, pun chon ewe fanü ra föföringau.

Än Salomon Köl 4:1

Nengeni, ka fokun liöch, en mi wor tongom me rei, nengeni, ka wesewesen liöch. Föün mesom fän pwölüpwölün won mesom ra usun chök ekewe lisom, nge meten mökürom a wewe ngeni epwi pwiin kuuch ra tötiu me won ekewe chukun Kiliat.

Än Salomon Köl 5:15

Pechen ra usun chök ür seni ewe fau itan alapaster, ra longolong won kolt. Iwe, lapalapan a wewe ngeni ewe chuk Lapanon, a pwal mürina usun ewe irä setar.

Aisea 27:10

Iwe, ewe telinimw mi pöchökül tittin a tala, a eu leni esap chüen so usun chök fanüapö. Ikenan kow ra kütta ener, ra kon o mongö fetilin ewe leni.

Aisea 37:24

Ren noum kewe chon angang ka turunufaseei ngang ewe Samol mi Lapalap, ka pwal apasa fän om aingaing, “Üa feitä won ungen ekewe chuk tori wochikin ewe chuk Lepanon won wai woken mi chomong. Üa pöküela setaren won mi fokun langatam, pwal saipiresin won mi fokun mürina. Üa tori wochikin o tolong lein wöllapan mi fokun pachefengen.

Aisea 6:11

Mürin üa aisini, “Ai Samol, ifa ükükün fansoun an epwe fis ei?” Iwe, Kot a pälüeni, “Tori ekewe telinimw repwe tala o pön, pwal tori esap chüen wor aramas lon ekewe imw, nge ewe fanü epwe unusen pön.

Jeremaia 21:11

Iwe, ewe Samol mi Lapalap a akünöüei pwe üpwe üreni chon leimwen ewe kingen Juta, “Oupwe aüselinga alon ewe Samol mi Lapalap,

Jeremaia 21:14

Üpwe apwüngükemi fänäsengesin ämi föför. Üpwe aküw eu ekkei lon ämi kewe wöllap, epwe kenala meinisin mine a nom ünükün. Ngang ewe Samol mi Lapalap üa kapas.”

Jeremaia 22:24

Iei alon ewe Samol mi Lapalap ngeni Jehoiachin ewe kingen Juta nöün Jehoiakim we mwän, “Mwo manauei, inamwo ika kopwe wewe ngeni efoch ringen pwau mi nom won pöüifichi, üpwe chök üttukowu

Jeremaia 26:18

“Mika seni Moroset a osuni lon fansoun Hiskia ewe kingen Juta o üreni ekewe aramasen Juta meinisin, ‘Iei alon ewe Samol mi Unusen Manaman: Sion epwe tutä usun eu mälämäl. Jerusalem epwe wiliti eu ioien pipi, nge ewe chuk ia ewe imwenfel a nom ie epwe wiliti eu wöllap.’

Jeremaia 4:20

Feiengau a chök afaün, unusen ewe fanü a tala. Imwei kewe imw mangaku ra müttir tatiu, pwölüpwöli ra kamwetiu lon eu chök otun.

Jeremaia 4:7

Usun eman laion a towu seni pwangan, iei usun ewe chon atai mwü a feiliwu. A likitala lenian pwe epwe ataela fanüemi, ämi kewe telinimw repwe tatakisitiu, pwe resap chüen so.

Jeremaia 50:12

Nge püsin ämi we telinimw mi watte epwe küna tekison o itengau. Papilon epwe wiliti eu mwü mi kis seni ekewe mwü meinisin, epwe eu fanüapö, eu fanü mi pwasapwas o pön.

Jeremaia 7:34

Iwe, üpwe aükätiu kölün mweireir me pwapwa pwal apwapwan mongön apwüpwülü me lon ekewe telinimwen Juta pwal won ekewe alen Jerusalem. Pun ewe fanü epwe wiliti eu fanü mi pöön.

Jeremaia 8:22

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Sekaraia 11:1

Kopwe suki asamalapom kewe, en Lepanon, pwe ewe ekkei epwe kenala om kewe setar.

Numperis 32:1

Iwe, chon ekewe ainangen Rupen me Kat a wor chomong nöür pwiin kow. Iwe, ra küna pwe won ewe fanü Jaser pwal won ewe fanü Kiliat ra mürina le foleni kow.

Tuteronomi 3:25

Üa tüngor ngonuk pwe kopwe mwüt ngeniei üpwe pwerela pekilan ewe chanpupu Jortan o küna ewe fanü mi mürina, ewe fanü mi chukuchukutä o fokun mürina, pwal ewe chuk Lepanon.’