Jeremaia 22:5 - Chuukese Bible

⁵ Nge are ousap aleasochisi ekei kapas, üa püsin akapelüei pwe ei imwen king epwe wiliti eu imw mi tala. Ngang ewe Samol mi Lapalap üa kapas.’

Jeremaia 22:5 Iomraidhean Croise

Keneses 22:16

o üreni, “Ewe Samol mi Lapalap a apasa: Üa akapelüei. Pokiten ka föri ei pwe kosap achika noum aleman,

2. Kronika 7:19

Nge are oupwe kul seniei o aleasolap ngeni ai kewe allük me pwüüng üa ngenikemi, are oupwe angang ngeni pwal ekoch kot o fel ngeniir,

2. Kronika 7:21

Iwe, aramas meinisin mi pwereto lükün ei imwenfel mi fokun amwarar iei, repwe mäirü ren o ais, ‘Pwota ewe Samol mi Lapalap a föri ei sokun föför ngeni ei fanü me ei imwenfel?’

2. Kronika 7:22

Mürin, aramas repwe pälüeni, ‘Pokiten ra likitala ewe Samol mi Lapalap än ar kewe lewo we Kot mi emwenirewu seni ewe fanü Isip, ra pwal angei ekoch kot, ra fel ngeniir o angang ngeniir. Iei mine ewe Samol mi Lapalap a aworato wor ekei feiengau meinisin.’”

Kölfel 95:11

Iei mine üa pwon fän akapel lon ai song pwe resap tongeni tolong lon ewe fanü ia üpwe asösöör ie.

Aisea 1:20

Nge are oua lükümach o ü ngeniei, oupwe mäla lon maun. Ngang ewe Samol mi Lapalap üa kapas.”

Jeremaia 12:7

Iwe, ewe Samol mi Lapalap a üra, “Ngang üa likitala ekewe chon Israel o pöütala nei aramas. Üa asechala chokewe üa echeniir lepöün chon oputer.

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 26:4

Iwe, kopwe üreniir, pwe iei aloi ngang ewe Samol mi Lapalap, ‘Are ousap mochen aüselingaei o aleasochis ngeni ai kewe allük üa ngenikemi,

Jeremaia 39:8

Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

Jeremaia 44:26

Nge oupwe rongorong, ämi chon Juta meinisin mi nonom lon ei fanü Isip, mine ngang ewe Samol mi Lapalap üa apasa: Üa pwon fän akapel itei mi lapalap, pwe esap wor eman chon Juta mi nom lon unusen ei fanü Isip epwe föüni itei o eäni ei akapel, ‘Mwo manauen Kot ewe Samol mi Lapalap.’

Amos 6:8

Iwe, Kot ewe Samol mi Lapalap a eäni akapel püsin itan, Kot ewe Samol mi Unusen Manaman a apasa, “Üa oput än ekewe chon Israel lamalamtekia o anioputa imwer kewe mi watte o ling. Üpwe asechalong ar we telinimw me meinisin mine a nom lon lepöün chon oputeer.”

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Mateus 23:38

Nengeni ämi we imwenfel epwe pöla, pun aramas repwe likitala.

Ipru 3:18

Ngeni iö Kot a pwon fän akapel pwe resap fokun tolong lon ewe fanü ia repwe asösö ie? Sap ir chokewe mi aleasolap?

Ipru 6:13

Iwe, lupwen Kot a pwon ngeni Apraham, a pwon fän akapel pwe epwe apwönüetä. Pokiten esap wor eman mi tekia seni püsin i, a akapelü püsin itan.

Ipru 6:17

Kot a mochen afata ngeni chokewe repwe angei mine a eäni pwon pwe esap fokun siwili ekiekin letipan, iei mine a apacha an akapel ngeni mine a eäni pwon.