Jeremaia 22:21 - Chuukese Bible

²¹ Üa kapas ngenikemi, lupwen oua chüen pisekisek, nge oua üra, “Aisap mochen aüseling.” Iei lapalapemi seni me lom, pwe ousap aleasochis ngeni ai kewe kapas.

Jeremaia 22:21 Iomraidhean Croise

2. Kronika 33:10

Iwe, ewe Samol mi Lapalap a kapas ngeni Manasa me nöün aramas, nge ir resap mochen aüselinga.

Kölfel 129:1

Israel epwe apasa, “Chon oputaei ra fokun ariaföüüei seni leküküni.

Än Salomon Fos 30:9

Pun are üpwe fokun mötüla, üpwe tongeni amamäsinuk o apasa, “Iö na ewe Samol mi Lapalap?” Nge ika üpwe wöüngau, üpwe solä o atoto itengau won iten ai Kot.

Aisea 48:8

Iwe, kosamwo rongorong ika weweiti ei, seni me lomlom selingom esap sukula. Pun üa fokun silei pwe kosap allükülük ngeniei, ka pwal iteni chon ü ngeniei seni leuputiuom.

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 2:25

Kopwe tümwünü pwe pecheöm esap malülü ika chiorom esap pwasapwas ren om tap me mürin pwal ekoch kot. Nge en ka apasa, ‘Üsap chüen tongeni kulsefäl. Üa echeni ekewe koten ekis, üpwe chök tapwela mürir.’

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 25:3

“Lon ükükün rüe me ülüngat ier, seni ewe engol me ülüngatin ierin mwün Josia ewe kingen Juta nöün Amon we mwän tori ikenai ewe Samol mi Lapalap a kapas ngeniei. Iwe, üa asile ngenikemi ekei kapas iteiten fansoun, nge ämi ousap aüseling.

Jeremaia 25:4

Ämi ousap mochen aüseling ika aü selingemi pwe oupwe rongorong, inamwo ika ewe Samol mi Lapalap a tinikisiela remi nöün kewe chon angang ekewe soufos.

Jeremaia 25:7

Nge ewe Samol mi Lapalap a püsin apasa pwe ousap aüselinga i, nge oua fen asonga ren ämi kewe uluulun anümwäl oua föri o atoto womi feiengau.”

Jeremaia 25:8

Iei mine ewe Samol mi Unusen Manaman a apasa, “Pokiten ämi ousap aleasochis ngeni ai kewe kapas,

Jeremaia 3:24

Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 3:25

Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 32:30

Pun ekewe chon Israel me chon Juta resap föri och, nge ra chök föri mine a ngau me fän mesei o asongaei ren angangen pöür, seni ewe fansoun a popuetä mwür.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 48:11

Iwe, ewe Samol mi Lapalap a üra, “Moap a nom fän kinamwe fansoun meinisin, esap oola mwo fän eu. Moap a usun chök wain mi nonomopos lon lenian, esap niiniwu me lon eu pör o niinilong lon pwal eu. Nennan esap ngauala, nge pwonnan ususun we chök.

Jeremaia 6:16

Iei alon ewe Samol mi Lapalap, “Oupwe ütä ünükün ekewe al o katol, oupwe ais usun ekewe alen lom ifan ewe al mi mürina. Oupwe fetal won o küna kinamwe.” Nge ir ra apasa, “Äm aisap mochen fetal won.”

Isikiel 20:13

Nge ekewe chon Israel ra lükümach o ü ngeniei lon ewe fanüapö. Ra fokun purätiu ai kewe allük o aleasolapa ai kewe pwüüng aramas ra wisen aleasochisiir, pwe repwe manau ren. Iwe, ra pwal fokun apiningaua pinin ai kewe ränin sapat. Iei popun üa ekiekin awarato ai lingeringer wor lon ewe fanüapö, pwe repwe rosola meinisin.

Isikiel 20:21

Nge nöür kewe ra pwal lükümach o ü ngeniei. Resap fokun alesochisi ai kewe allük, resap pwal apwönüetä ai kewe pwüüng aramas ra wisen aleasochisiir pwe repwe manau ren. Iwe, ra pwal apiningaua pinin ai kewe ränin sapat. Iei popun üa ekiekin awarato ai lingeringer wor o amüchü ai song ngeniir lon ewe fanüapö.

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Isikiel 20:8

Nge ir ra lükümach o ü ngeniei, resap mochen aüselingaei. Resap pöütala ekewe uluulun anümwäl mi anioput ra pwapwaiti, resap pwal likitala ekewe uluulun anümwäl seni Isip. Iei popun üa ekiekin awarato ai lingeringer wor o amüchü ai song ngeniir lon Isip.

Sefanaia 3:2

Esap mochen rongorong mwelien Kot, esap etiwa an kapasen emirit. Esap lükü ewe Samol mi Lapalap, esap pwal kanoto ren.

Sekaraia 7:7

Ifa usun, sap ikkei alon ewe Samol mi Lapalap ekewe soufosun lom ra asilefeili, lupwen Jerusalem a so o wöümong fiti ekewe telinimw pwelin ünükün, pwal lupwen ewe fanü ör me ewe fanü lotou mi maasies a so?

Tuteronomi 31:27

Pun üa silei ämi lükümach o tipepöchökül. Nengeni, ikenai, lupwen üa chüen manau ngenikemi, oua lükümach ngeni ewe Samol mi Lapalap. Nge epwe fen ifa usun mürin ai mäla?

Tuteronomi 9:24

Seni ewe rän üa silekemi, oua chök ü ngeni ewe Samol mi Lapalap.

Tuteronomi 9:7

“Iwe, oupwe chechemeni, nge ousap manlükala usun oua asonga ewe Samol mi Lapalap me lon ewe fanüapö. Seni ewe ränin oua towu seni Isip tori oua tolong lon ei fanü oua ü ngeni ewe Samol mi Lapalap.